ដិតដាមនឹងហេតុការណ៍ដ៏អាក្រក់

ពេលអ្នកប្រឈមនឹងបរាជ័យ

Tue, 22 Apr 2025 04:21:00 GMT

ពេលអ្នកប្រឈមមុខនឹងបរាជ័យ

យើងពិបាកមានទស្សនវិស័យចំពោះ រឿងរ៉ាវទាំង ឡាយច្បាស់លាស់ណាស់ នៅពេលដែលយើងមានការ បរាជ័យនោះ។ ឧទាហរណ៍ នៅពេលលោក មើលឡេស (Millais) បានដាក់តាំងបង្ហាញគំនូរ Ophelia របស់ លោកនៅឆ្នាំ ១៨៥២ នោះមានមនុស្សម្នាក់បានរិះគន់ លោកថា៖ «ឱជនបរាជ័យអើយ!» ហើយគេនិយាយថា ពាក្យទាំងនេះបានញាំញីលោក មើលឡេស អស់មួយជីវិត របស់គាត់។

នៅពេលអ្នកជួបការបរាជ័យ ចូរអង្គុយចុះភ្លាម ហើយចាប់ផ្តើមអធិស្ឋានដើម្បីវិភាគពីមូលហេតុ ដែលនាំ ឲ្យមានការបរាជ័យ។ ចូរពិចារណាពីលទ្ធភាពដែលព្រះ ជាម្ចាស់ អាចអនុញ្ញាតឲ្យការបរាជ័យនេះកើតមានឡើង ដោយព្រោះវាជាផ្នែកមួយ នៃព្រះរាជហឫទ័យរបស់ទ្រង់ សម្រាប់ជីវិតរបស់អ្នក។ មនុស្សជាច្រើនបានរកឃើញថា ព្រះជាម្ចាស់បានអនុញ្ញាតឲ្យ ការបរាជ័យកើតឡើងនៅ ក្នុងជីវិតគេ ដើម្បីឲ្យគេបែរគំនិតខ្លួនទៅរកទិសដៅនៃការ បម្រើទ្រង់វិញ។

ប៉ុន្តែ បន្ទាប់ពីអ្នកបានអធិស្ឋាន និងពិចារណាយ៉ាង ល្អិតល្អន់ពីលទ្ធភាពនេះរួចហើយ ចូរប្រាកដថា អ្នកយល់ ព្រមតាមព្រះជាម្ចាស់ ដើម្បីបន្តដំណើរដដែលនេះទៅមុខ ទៀត។ បន្ទាប់មកចូរសួរខ្លួនឯងថា តើខ្ញុំជាផ្នែកមួយដែល បង្កឲ្យមានការបរាជ័យនេះ តាមរយៈការមិនយកចិត្តទុក ដាក់ចំពោះព័ត៌មានលម្អិត កង្វះការរៀបចំ កង្វះបទ ពិសោធន៍ ការលៃលកពេលវេលាខុស មិនបានថ្លឹងថ្លែង ច្បាស់លាស់ពីគុណសម្បត្តិ និងគុណវិបត្តិ ធ្វេសប្រហែស ចំពោះគោលការណ៍សីលធម៌ មិនបានយកចិត្តទុកដាក់ ចំពោះអារម្មណ៍របស់គេ...។ល។ បន្ទាប់ពីបានរៀនពី មេរៀនទាំងឡាយដែលកើតចេញពីការបរាជ័យរួចមក ចូរ អ្នកចាប់ផ្តើមម្តងទៀត។

មានពេលមួយនោះ ខ្ញុំបានឃើញផ្ទាំងរូបភាពគ្រីស្ទ បរិស័ទមួយនៅក្នុងបណ្ណាគារ ដែលបានបង្ហាញពីរូបភាពរបស់បុរសម្នាក់ស្លាប់ដៃទាំងទ្វេ ហើយទឹកមុខបានបង្ហាញ ពីការចង់លាចេញពីមុខតំណែងរបស់ខ្លួន។ នៅលើអាវ យឺតរបស់បុរសម្នាក់នេះ មានសរសេរពាក្យថា «ខ្ញុំចុះ ចាញ់ហើយ»។ នៅជ្រុងនៃផ្ទាំងរូបភាពនេះ ដែលស្ទើរតែ មើលមិនឃើញនោះ ជាគំនូរកូនភ្នំពណ៌ខ្មៅតូចមួយ ហើយមានឈើឆ្កាងតូចមួយដាំពីលើវាផង។ នៅពីក្រោម ឈើឆ្កាងនោះ មានពាក្យសរសេរថា «ខ្ញុំមិនចុះចាញ់ទេ»។ ដ្បិតព្រះមួយអង្គ ដែលបានទទួលជ័យជម្នះលើឧបសគ្គ ទាំងអស់ ទ្រង់លូកព្រះហស្តមករកអ្នកហើយ។ ដូច្នេះចូរ ចាប់ព្រះហស្ថទ្រង់ចុះ ហើយបើព្រះហឫទ័យណាមួយមិន ទាន់បានសម្តែងឲ្យអ្នកឃើញទេ ចូរព្យាយាមម្តងទៀត។

សេចក្តីអធិស្ឋាន

ឱព្រះវរបិតាអើយ! ទូលបង្គំយល់ហើយថា បរាជ័យនឹង ក្លាយជាជោគជ័យវិញ បើវាជួយឲ្យទូលបង្គំងាកទៅរកទ្រង់ នោះ។ សូមទ្រង់បង្ហាញទូលបង្គំពីព្រះរាជហឫទ័យ និងព្រះ រាជបំណងរបស់ទ្រង់ចំពោះជីវិតទូលបង្គំផង ហើយបើការនោះ ជាព្រះហឫទ័យទ្រង់មែន នោះទូលបង្គំនឹងព្យាយាមម្តងទៀត។ បន្ទាប់មកសូមទ្រង់ជួយទូលបង្គំ ឲ្យអាចសម្រេចជោគជ័យផង ដោយកម្លាំងរបស់ទ្រង់ គឺមិនមែនដោយកម្លាំងរបស់ទូលបង្គំ ឡើយ។ ទូលបង្គំអធិស្ឋានដោយនូវព្រះនាមព្រះយេស៊ូវគ្រីស្ទ។ អាម៉ែន។

ការឆ្លុះបញ្ចាំងពីបទគម្ពីរ

ព្រះជាម្ចាស់ស្គាល់ស្ថានភាពអ្នក និងមានអារម្មណ៍ឈឺចាប់ដូចអ្នកដែរ

ទំនុកដំកើង ១៣៩ ចែងថា ៖ «ឱព្រះយេហូវ៉ាអើយ ទ្រង់បានពិនិត្យមើល ហើយបានស្គាល់ទូលបង្គំផង ទ្រង់ជ្រាបការដែលចូលបង្គំអង្គុយចុះ នឹងការដែលចូលបង្គំក្រោកឡើងផង ទ្រង់ក៏យល់គំនិតរបស់ទូលបង្គំពី ចំងាយដែរ ទ្រង់ពិនិត្យពិចារណាផ្លូវច្រក នឹងទីដេករបស់ទូលបង្គំ កំស្គាល់អស់ទាំងផ្លូវប្រព្រឹត្តរបស់ទូលបង្គំ ដែរ (ខ.១-៣)។

សេចក្តីសន្យាដែលត្រូវនឹកចាំ

ទំនុកដំកើង ៣៧ ចែងថា ៖ «គឺព្រះយេហូវ៉ាដែលដំរូវអស់ទាំងជំហាននៃមនុស្សល្អ ហើយទ្រង់សព្វព្រះ ហឫទ័យនឹងផ្លូវដែលគេដើរដែរ ទោះបើគេភ្លាត់ដួល គង់តែមិនត្រូវដួលទាំងស្រុងទេ ដ្បិតព្រះយេហូវ៉ាទ្រង់ទ្រអ្នក នោះដោយព្រះហស្ថ» (ខ.២៣-២៤)។

ការយកព្រះទ័យទុកដាក់របស់ទ្រង់មិនដែលរយាលឡើយ

២របាក្សត្រ ១៦ ចែងថា៖ «ដ្បិតព្រះនេត្រនៃព្រះយេហូវ៉ាចេះតែទតច្រវាត់ នៅគ្រប់លើផែនដីទាំងមូល ដើម្បីនឹងសំដែងព្រះចេស្តា ជួយដល់អស់អ្នកណាដែលមានចិត្តស្មោះត្រង់ចំពោះទ្រង់» (ខ.៩)។

ចូរប្រើស្ថានភាពបាក់ទឹកចិត្ត ដើម្បីចូលទៅជិតព្រះជាម្ចាស់

ទំនុកដំកើង ២៧ ចែងថា៖ «ខ្ញុំបានសូមសេចក្តីតែ១ ពីព្រះយេហូវ៉ា ហើយនឹងស្វែងរកសេចក្តីនោះឯង គឺ ឲ្យខ្ញុំបាននៅក្នុងដំណាក់នៃព្រះយេហូវ៉ារាល់តែថ្ងៃ អស់១ជីវិតខ្ញុំ ដើម្បីរំពឹងមើលសេចក្តីលំអនៃព្រះយេហូវ៉ា ហើយនឹងពិនិត្យពិចារណានៅក្នុងព្រះវិហាររបស់ទ្រង់» (৪.៤)។

ចូរពិចារណាពីអំណាច ដែលបានប្រទានមកដល់អ្នកហើយ

អេភេសូរ ១ ចែងថា ៖ «ហើយថា ព្រះចេស្តាដ៏ខ្លាំងលើសលន់របស់ទ្រង់ដល់យើងរាល់គ្នាដែលជឿជា យ៉ាងណាដែរ កាមដែលកំឡាំងទ្រង់ដ៏មានឫទ្ធិបានពូកែនឹងធ្វើ ជាព្រះចេស្តាដែលទ្រង់បានសំដែងចេញ ដោយ ប្រោសព្រះគ្រីស្ទ ឲ្យមានព្រះជន្មរស់ពីស្លាប់ឡើងវិញ ព្រមទាំងតាំងឲ្យគង់ខាងស្តាំទ្រង់ នៅស្ថានដ៏ខ្ពស់» (ខ.១៩-២០)។

ចូរផ្តោតលើការស្វែងរកព្រះហឫទ័យទ្រង់ សម្រាប់ជីវិតរបស់អ្នកវិញ

យ៉ាកុប ១ ចែងថា ៖ «កែបើអ្នករាល់គ្នាណាមួយខ្វះប្រាជ្ញា មានតែសូមដល់ព្រះ ដែលទ្រង់ប្រទានដល់ មនុស្សទាំងអស់ដោយសទ្ធា ឥតបន្ទោសផង នោះទ្រង់នឹងប្រទានឲ្យ» (ខ.៥)។

ទ្រង់សន្យាជួយ និងដឹកនាំយើងទៅកាន់អនាគតដ៏ប្រសើរ

សុភាសិត ៣ ចែងថា៖ «កូនអើយ កុំឲ្យភ្លេចឱវាទអញឡើយ គួរឲ្យចិត្តឯងកាន់តាមបណ្តាំរបស់អ ទាំងប៉ុន្មាន ដ្បិតសេចក្តីទាំងនោះនឹងបន្ថែមឲ្យឯងបានថ្ងៃវែង នឹងអាយុយឺនយូរ ព្រមទាំងសេចក្តីសុខផង» (ខ.១-៣)។

ដកស្រង់ពីសៀវភៅ: អ្នកលើកទឹកចិត្ត ដ៏ស្និទ្ធស្នាល

និពន្ធដោយលោក: ស៊ែលវីន ហ៊ីយូស - Selwyn Hughes

ដិតដាមនឹងហេតុការណ៍ដ៏អាក្រក់

Mon, 16 Dec 2024 05:11:11 GMT

ដិតដាមនឹងហេតុការណ៍ដ៏អាក្រក់

ដំណើរនៃជីវិត មនុស្សម្នាក់ឆ្លងកាត់ឧប្បត្តិហេតុ និងហេតុការណ៍មួយចំនួនដែលបន្សល់ទុកនូវស្លាកស្នាមយ៉ាងជ្រៅនៅក្នុងជីវិតរបស់ពួកគេ។ បន្ទាប់មក ពួកគេបានលាក់ទុកនូវការឈឺចាប់នោះពេញមួយជីវិត។ ពួកគេមិនអាចរំដោះខ្លួនពួកគេចេញពីការទាំងនោះបានទេ ទោះបីជាពួកគេបានប្រើវិធីសាស្រ្តជាច្រើនក៏ដោយ។

តើលោកអ្នកធ្លាប់ឆ្លងកាត់នូវស្ថានភាពបែបនេះដែរឬទេ? តើលោកអ្នកតែងតែមានអារម្មណ៍ក្រៀមក្រំមែនទេ? ប្រហែលមកពីលោកអ្នកបានបាត់បង់មនុស្សជាទីស្រលាញ់របស់លោកអ្នក? សាច់ញាតិដ៏ជិតស្និទ្ធរបស់លោកអ្នកបានចាកចេញពីពិភពលោកនេះ ហើយគ្មានអ្វីមកជំនួសពួកគេបានឡើយ។ លោកអ្នករស់នៅជាមួយនឹងភាពបាត់បង់ ស្ទើរពេញមួយជីវិតដោយសារតែគ្រោះថ្នាក់។ ជើង ឬដៃរបស់អ្នកត្រូវបានពិការជារាងរហូតដោយសារតែគ្រោះថ្នាក់។ ហើយពេលនេះលោកអ្នកក្លាយជាមនុស្សពិការពេញមួយជីវិត។ វាធ្វើអោយលោកអ្នកប៉ះទង្គិចផ្លូវចិត្តជាខ្លាំង។ លោកអ្នកត្រូវបានគេបោកប្រាស់ បរាជ័យ ឬមានជំងឺ។ មានអនុស្សាវរីយ៍ជាច្រើនក្នុងជីវិត ដែលធ្វើអោយលោកអ្នកនឹកដល់ពួកគេ។ អ្វីដែលសំខាន់បំផុត គឺយើងត្រូគិតអំពីរបៀបដែលយើងអាចាកចេញពីស្ថានភាពនេះបាន។ តើមានផ្លូវសម្រាប់ចិត្តពីស្ថានភាពនេះដែរឬទេ? មានក្តីសង្ឃឹមសម្រាប់យើងតាមយៈព្រះគម្ពីរដំណឹងល្អ និងទំនុកដំកើង។

ព្រះជាម្ចាស់ទ្រង់ជាព្រះដែលកំសាន្តចិត្តលោកអ្នក

អេសាយ ៥១:១២ បានចែងថាសូមឲ្យទូលបង្គំមានចិត្តរីករាយចំពោះសេចក្តីសង្គ្រោះ នៃទ្រង់ឡើងវិញហើយទប់ទល់ទូលបង្គំដោយព្រះវិញ្ញាណដ៏សទ្ធានៃទ្រង់។

អេសាយ ៥១:១៥ បានចែងថា ឱព្រះអម្ចាស់អើយ សូមបើកបបូរមាត់ទូលបង្គំ នោះមាត់ទូលបង្គំនឹងបានប្រកាសប្រាប់ ពីសេចក្តីសរសើររបស់ទ្រង់។

ប្រសិនបើលោកអ្នកចង់ចាកចេញពីស្ថានភាពនេះ លោកអ្នកត្រូវចូលមករកព្រះ។ លោកអ្នកត្រូវអធិស្ឋាន ហើយត្រូវជឿថា ព្រះជាម្ចាស់ទ្រង់គង់នៅជាមួយលោកអ្នកទោះបីជាលោកអ្នកកំពុងដើរកាត់ព្យុះភ្លៀងក៏ដោយ ទ្រង់យកឈ្នះសេចក្តីស្លាប់ ទ្រង់មានព្រះជន្មរស់ឡើងវិញ។ ទ្រង់នឹងដឹកនាំលោកអ្នកដើម្បីចាកចេញពីភាពជូរល្វីងនៃជិវិតនេះ។ លោកអ្នកអាចស្វែងរកឃើញការស្កប់ចិត្តនៅក្នុងទ្រង់។

ថ្វាយរាល់ទាំងបន្ទុកទាំងអស់ដល់ព្រះជាម្ចាស់

ទំនុកដំកើង ៥៥:២២ បានចែងថា ចូរផ្ទេរបន្ទុករបស់អ្នកទៅលើព្រះយេហូវ៉ា នោះទ្រង់នឹងជួយទប់ទល់អ្នក ទ្រង់មិនព្រមឲ្យមនុស្សសុចរិតត្រូវរង្គើឡើយ។

នៅពេលដែលលោកអ្នកលោកអ្នកថ្វាយនូវរាល់ទាំងបន្ទុករបស់លោកអ្នកដល់ព្រះជាម្ចាស់ នោះទ្រង់សព្វព្រះហឬទ័យនឹងសម្រាលរាល់ទាំងបន្ទុករបស់លោកអ្នក។ ទ្រង់ប្រទានដល់លោកអ្នកនូវការកំសាន្តចិត្ត និងសេចក្តីសុខសាន្ត។ មានតែការចុះចូលចំពោះទ្រង់អស់ពីចិត្តទេ ទើបធ្វើអោយលោកអ្នកធូរស្បើយបាន និងមានអំណរឡើងវិញ លោកអ្នកនឹងអាចបំភ្លេចនូវរាល់ទុក្ខសោកក្នុងជីវិតរបស់លោកអ្នកបាន។ ទ្រង់គង់នៅជាមួយនឹងលោកអ្នកជានិច្ច។

សេចក្តីអធិស្ឋាន

ព្រះអម្ចាស់យេស៊ូវ ទូលបង្គំចូលមករកទ្រង់។ ទ្រង់ជ្រាបពីស្ថានភាពរបស់ទូលបង្គំ និងទុក្ខព្រួយរបស់ទូលបង្គំ។ ទូលបង្គំមិនអាចរកឃើញនូវសេចក្តីសុខសាន្ត និងការកំសាន្តចិត្តនៅក្នុងផែនដីនេះទេ ក្រៅតែពីក្នុងទ្រង់។ ទូលបង្គំត្រូវការការកំសាន្តចិត្ត និងភាពស្កប់ចិត្តនៅក្នុងទ្រង់ អាមែន!

ការអធិស្ឋានគឺជាអាវុធដ៏ខ្លាំងពូកែ

Mon, 28 Oct 2024 02:02:21 GMT

ការអធិស្ឋានជាអាវុធដ៏ខ្លាំងពូកែ

មនុស្សម្នាក់ៗសុទ្ធតែឆ្លងកាត់នូវដំណាក់កាលនៃជីវិតផ្សេងៗពីគ្នា។ ជួនកាលយើងឆ្លងកាត់នូវភាពរីករាយ ជួនកាលភាពសោកសៅ ហើយពេលខ្លះប្រឈមមុខនឹងបញ្ហាជាច្រើន។ ក៏ប៉ុន្តែយើងត្រូវអធិស្ឋានទោះនៅក្នុងស្ថានភាពណាក៏ដោយ ព្រោះព្រះគម្ពីរបានចែងថា ចូរអធិស្ឋានឥតឈប់ឈរ។

ដូច្នេះហើយបើទោះបីជាយើងស្ថិតនៅក្នុងស្ថានភាពបែបណាក៏ដោយ ក៏យើងត្រូវតែអធិស្ឋានដែរ។

ប៉ុន្តែស្របពេលជាមួយគ្នានោះ ក្នុងនាមជាមនុស្ស ជាធម្មតាយើងតែងតែ ធុញទ្រាន់ នឹងការតយុទ្ធនឹងកាលៈទេសរបស់យើង ដែលជាហេតុធ្វើអោយយើងអាក់អន់ចិត្តជាមួយនឹងព្រះជាម្ចាស់។ លោកអ្នកមិនអាចអធិស្ឋានបានទេ ទោះបីលោកអ្នកចង់អធិស្ឋានក៏ដោយ។ លោកអ្នកមានអារម្មណ៍ថា ព្រះជាម្ចាស់មិនស្ដាប់ការអធិស្ឋានរបស់លោកអ្នកទេ។ ព្រះជាម្ចាស់តែងតែស្ងៀមស្ងាត់ចំពោះការអធិស្ឋានរបស់លោកអ្នក។ តាមពិតទៅ ទ្រង់មិនព្រងើយកន្តើយនឹងការអធិស្ឋានរបស់អ្នកទេ។ ទ្រង់ចង់ហ្វឹកហ្វឺនអ្នក និងពង្រឹងជំនឿរបស់លោកអ្នកទៅវិញទេ។ ហើយនោះ ជាពេលវេលាដែលលោកអ្នកត្រូវអធិស្ឋានបន្ថែមទៀត។

នៅពេលដែលលោកអ្នកមើលឃើញស្ថានភាពរបស់លោកអ្នកកំពុងតែដួលចុះ នោះលោកអ្នកត្រូវតែអធិស្ឋានបន្ថែមទៀត។ ព្រោះការអធិស្ឋានគឺជាអាវុធដ៏ខ្លាំងពូកែសម្រាប់តយុទ្ធនៅគ្រប់ទាំងស្ថានភាពនៃជីវិតរបស់លោកអ្នកបាន។ ការអធិស្ឋាននឹងធ្វើអោយលោកអ្នកកាន់តែមានអំណរ ។ ពីព្រោះលោកអ្នកកំពុងអធិស្ឋានទោកាន់ព្រះជាម្ចាស់ដែលមានព្រះជន្មរស់ ហើយទ្រង់កំពុងតែស្តាប់ការអធិស្ឋានរបស់លោកអ្នក។ ព្រះជាម្ចាស់នឹងច្បាំងជំនួសលោកអ្នក ហើយលោកអ្នកនឹងមានជ័យជំនះ។

ព្រះគម្ពីរ ១ថែស្សាឡូនីច ៥:១៧-១៨ បានចែងថា ចូរអរសប្បាយជានិច្ច ចូរអធិស្ឋានឥតឈប់ឈរ ចូរអរព្រះគុណក្នុងគ្រប់ការទាំងអស់ ពីព្រោះព្រះទ្រង់សព្វព្រះហឫទ័យឲ្យអ្នករាល់គ្នាធ្វើយ៉ាងដូច្នោះ ដោយនូវព្រះគ្រីស្ទយេស៊ូវ។ ការនេះបង្ហាញថា ការអធិស្ឋានគឺមានសារៈសំខាន់ណាស់ ដែលលោកអ្នកត្រូវអធិស្ឋាននូវគ្រប់ស្ថានភាពទាំងអស់។ ដោយសារតែការអធិស្ឋាន នឹងជួយពង្រឹងទំនាក់ទំនងរបស់អ្នកជាមួយព្រះជាម្ចាស់ ហើយតាមរយៈការអធិស្ឋាននឹងជួយលោកអ្នកអោយយកឈ្នះនូវគ្រប់ការប្រយុទ្ធ។ ចូរកុំមើលស្រាលការអធិស្ឋានឡើយ ។

ចូរតយុទ្ធនូវគ្រប់ទាំងស្ថានភាពនៃជីវិតរបស់លោកអ្នក ដោយការអធិស្ឋានចុះ នោះលោកអ្នកនឹងមិនដែលបរាជ័យឡើយ។

របៀបអធិស្ឋានពេលជួបបញ្ហា

Mon, 21 Oct 2024 00:22:06 GMT

របៀបអធិស្ឋានពេលជួបបញ្ហា

បញ្ហា គឺជាផ្នែកមួយនៃជីវិត ដែលយើងគ្រប់គ្នាតែងតែជួបប្រទះ។ គ្មានមនុស្សណាដែលមិនធ្លាប់ឆ្លងកាត់ទុក្ខលំបាកនៅក្នុងជីវិតនោះទេ។ បញ្ហារបស់មនុស្សម្នាក់ៗ មានខុសៗគ្នា អ្នកខ្លះមានបញ្ហាគ្រួសារ អ្នកខ្លះមានបញ្ហាការងារ អ្នកខ្លះទៀតមានបញ្ហាសុខភាព។ ប៉ុន្តែរបៀបដែលយើងដោះស្រាយនោះ គឺជាការដ៏ចំបាច់បំផុត។

លោកអ្នកតែងតែធុញទ្រាន់ចំពោះបញ្ហារបស់លោកអ្នក ហើយគិតថាប្រហែលជាព្រះជាម្ចាស់ទ្រង់ចេញឆ្ងាយពីលោកអ្នក ហើយមិនស្តាប់ការអធិស្ឋានរបស់លោកអ្នកហើយមើលទៅ។ ឬលោកអ្នកអាចមានការខកចិត្តចំពោះស្ថានភាព ដែលគ្មានអ្វីផ្លាស់ប្តូរទាល់តែសោះ។ នៅក្នុងព្រះគម្ពីរទំនុកដំកើងបានចែងថា សូមទតមើលសេចក្តីទុក្ខព្រួយរបស់ទូលបង្គំ ហើយជួយឲ្យរួចផង ទូលបង្គំមិនភ្លេចក្រឹត្យវិន័យរបស់ទ្រង់ឡើយ។ បញ្ហា ឬទុក្ខលំបាក កំពុងបង្រៀនលោកអ្នកពីអ្វីមួយ។ វាជាពេលវេលាដែលរំលឹកយើងថា យើងត្រូវចូលមកកាន់ព្រះជាម្ចាស់។ យើងត្រូវអធិស្ឋាន សូមអោយព្រះហស្ថដ៏ពេញដោយសេចក្តីសេចក្តីមេត្តាករុណរបស់ព្រះ បានចូលមកសម្រាលទុក្ខលំបាករបស់យើង។ ឥលូវនេះ ចូរចាប់ផ្តើមអធិស្ឋានសម្រាប់បញ្ហារបស់លោកអ្នក។

«ឱព្រះដ៏មានពេញដោយមេត្តាករុណា ទូលបង្គំចូលមកកាន់ទ្រង់ ទ្រង់ជ្រាបពីស្ថានភាពរបស់ទូលបង្គំ ហើយទ្រង់ពិតជាមានដំណោះស្រាយចំពោះបញ្ហារបស់ទូលបង្គំ។ ទូលបង្គំទូលសូម សូមទ្រង់ទ្រង់មានទ្រង់មានសេចក្តីមេត្តាករុណាដល់ទូលបង្គំផង ព្រះអង្គអើយ សូមបង្ហាញសិរីរុងរឿងរបស់ទ្រង់ មកកាន់ជីវិតទូលបង្គំ ដើម្បីលាតព្រហស្តដ៏រឹងមាំរបស់ទ្រង់ ហើយរំដោះទូលបង្គំចេញពីបញ្ហាទាំងអស់នេះ។ សូមទ្រង់បានអត់ទោសបាប ហើយបន្តសេចក្តីសប្បុរសទ្រង់ចំពោះទូលបង្គំ។ សូមស្ដារទូលបង្គំឡើយវិញនៅក្នុងព្រះនាមព្រះយេស៊ូវគ្រីស្ទ អាមែន»

នេះជារបៀបដែលលោកអ្នកត្រូវអធិស្ឋានជារៀងរាល់ថ្ងៃ។ ទ្រង់នឹងស្តាប់ ហើយឆ្លើយតបការអធិស្ឋានរបស់លោកអ្នក។ ពង្រឹងសេចក្តីជំនឿរបស់លោកអ្នក នោះលោកអ្នកនោះស្ថានភាពលោកអ្នកនឹងផ្លាស់ប្តូរ។

ដកកំហឹងចេញ

Tue, 08 Oct 2024 08:44:21 GMT

តើធ្វើដូចម្តេចដើម្បីកម្ចាត់ការខឹងសម្បាររបស់យើងបាន

ជាការពិតណាស់ ប្រសិនបើនៅក្នុងចិត្តរបស់នរណាម្នាក់មានពេញដោយកំហឹង នោះមុខជាបំផ្លាញសេចក្តីសុខសាន្តរបស់អ្នកទាំងនោះជាមនខាន។ លោកអ្នកមិនអាចផ្លាស់ប្តូរអ្វីៗគ្រប់យ៉ាងដែលបានកើតឡើងចំពោះលោកអ្នកបានទេ។ លោកអ្នកមិនអាចបដិសេធការឈឺចាប់បានទេ។ លោកអ្នកក៏មិនដឹងថា នឹងមានអ្វីកើតឡើងចំពោះលោកអ្នកដែរ។ លោកអ្នកឈឺចាប់ ជាងការគិតទៅទៀត។ ប៉ុន្តែខ្ញុំចង់ប្រាប់លោកអ្នកថា លោកអ្នកកំពុងធ្វើអោយខ្លួនឯងឈឺចាប់ ជាមួយនឹងកំហឹង និងការខកចិត្តទាំងនោះហើយ។ ចូរព្យាយាមដោះលែងខ្លួនឯង ជាមួយនឹងកំហឹង និងការស្អប់នេះ។ វាហាក់បីដូចជាពិបាក ឬមិនអាចទៅរួច ប៉ុន្តែព្រះគម្ពីរ នឹងជួយលោកអ្នកអោយចាកចេញពីការទាំងនេះ។

១. ឈប់គិតអំពីការសងសឹក

ព្រះគម្ពីរ លេវីវិន័យ ១៩:១៨ បានចែងយ៉ាងច្បាស់ថា មិនត្រូវសងសឹក ឬចងគំនុំគុំគួននឹងពួកកូនចៅរបស់សាសន៍ឯងឡើយ គឺត្រូវឲ្យស្រឡាញ់អ្នកជិតខាងដូចខ្លួនឯងវិញ អញនេះជាព្រះយេហូវ៉ា។
លោកអ្នកគួរស្រលាញ់អ្នកដទៃអោយបានដូចជាខ្លួនឯង។ ខ្ញុំនឹងបង្ហាញសេចក្តីស្រលាញ់នេះ នៅក្នុងរបៀប ក្នុងនាមមនុស្សដែលតែងតែមានកំហុស។

ប្រសិនបើដួងចិត្តរបស់អ្នកឈឺចាប់ តើលោកអ្នកស្អប់ខ្លួនឯងឬ? ឬក៏ដាក់ទោសខ្លួនឯង? នៅពេលដែលលោកអ្នកស្រលាញ់ខ្លួនឯងបែបនេះ លោកអ្នកនឹងមិនអាចស្អប់ខ្លួនឯងបានឡើយ ទោះបីជាមានរឿងអ្វីក៏ដោយ លោកអ្នកគួរតែអត់ទោសចំពោះអ្នកដែលធ្វើអោយលោកអ្នកឈឺចាប់។ វិធីនេះអាចធ្វើអោយលោកអ្នកស្រលាញ់អ្នកដទៃទៀនបានច្រើន ដូចជាលោកអ្នកស្រលាញ់ខ្លួនឯងដែរ។ ន

២. ដោះលែងខ្លួនអ្នកដោយការអត់ទោសឱ្យអ្នកដទៃ

នៅក្នុងព្រះគម្ពីរអេភេសូរ ៤:៣២ បានចែងថា ចូរមានចិត្តសប្បុរសនឹងគ្នាទៅវិញទៅមក ព្រមទាំងមានចិត្តទន់សន្តោស ហើយអត់ទោសគ្នា ដូចជាព្រះទ្រង់បានអត់ទោសឲ្យអ្នករាល់គ្នា ដោយព្រះគ្រីស្ទដែរ។

ការអត់ទោស គឺជាជំហានដំបូង និងសំខាន់បំផុតនៅក្នុងការធ្វើអោយដួងចិត្តរបស់លោកអ្នកស្ងប់ និងដកយកនូវកំហឹងចេញពីខ្លួនរបស់លោកអ្នក។ ប្រសិនបើលោកអ្នកមិនចេះអត់ទោស នោះលោកអ្នកមិនអាចដោះលែងខ្លួនឯងចេញពីកំហឹងនោះបានទេ។ លោកអ្នកក៏ចេះប្រព្រឹត្តខុសនៅក្នុងនាមជាមនុស្សដែរ ប៉ុន្តែអំពើបាបរបស់លោកអ្នកត្រូវបានអត់ទោសដោយព្រះយេស៊ូវគ្រីស្ទ។ ដូចនេះ លោកអ្នកក៏ត្រូអត់ទោសដល់អស់អ្នកដែលធ្វើអោយលោកអ្នកឈឺចាប់ដែរ។ មិនថាលោកអ្នកមានកំហឹងនៅក្នុងខ្លួន ចូរដោះលែងវា នោះលោកអ្នកនឹងទទួលបានសេចក្តីសុខសាន្តដ៏ពិត។

សេចក្តីអធិស្ឋាន

ទូលបង្គំសូមអរគុណព្រះអង្គដែលបានណែនាំទូលបង្គំ និងបង្រៀនបង្គំអោយចេះអត់ទោស។ ទូលបង្គំសូមទូលអង្វរដល់ទ្រង់ បានជួយឱ្យអោយទូលបង្គំបានចេះអត់ទោសដល់អ្នកដែលធ្វើខុសលើទូលបង្គំផង។ ទូលបង្គំអធិស្ឋាន ក្នុងព្រះនាមព្រះយេស៊ូវគ្រីស្ទ។

ផលវិបាកនៃកំហឹង

Tue, 27 Aug 2024 04:50:18 GMT

ផលវិបាកនៃកំហឹង

ថ្ងៃនេះ ខ្ញុំមានអារម្មណ៍ធុញថប់នឹងខ្លួនឯង ព្រោះខ្ញុំខឹងខ្លាំង។ ប៉ុន្តែលោកអ្នកចង់កម្ចាត់ទម្លាប់នេះ។ ពួកយើងសង្ឃឹមថា លោកអ្នកនឹងរកឃើញនូវគន្លឹះដ៏មានប្រយោជន៍សម្រាប់ជួយលោកអ្នកអោយចាកចេញពីកំហឹងនេះ។

១. តើអ្វីទៅជាកំហឹង?

កំហឹងគឺជាអារម្មណ៍ទូទៅ ដែលតែងតែមានតិចឬច្រើនចំពោះមនុស្សគ្រប់គ្នា។ ហើយវាទំនងជាកើតឡើងនៅពេលដែលយើងមានអារម្មណ៍ធុញថប់ ខកចិត្ត រងភាពអយុត្តិធម៌ ឬពេលមាននរណាម្នាក់រិះគន់មកកាន់យើង។ ប្រសិនបើយើងអានព្រះគម្ពីរ យើងនឹងមើលឃើញព្រះថា ព្រះទ្រង់ក៏មានសេចក្តីក្រោធដែរ។ ប៉ុន្តែបញ្ហានោះគឺថា យើងប្រព្រឹត្តអំពើបាប ដោយសារកំហឹងដែលជាធម្មជាតិរបស់យើង ដែលទ្រង់មិនសព្វព្រះហឬទ័យ។

២. ការដកយកកំហឹង

ពេលខ្លះកំហឹងក្លាយជាផ្នែកមួយនៃចរិតលក្ខណៈរបស់យើង នៅពេលដែលវាបានក្លាយទៅជាផ្ទះរបស់ នៅខាងក្នុងយើង នោះវាមុខជាធ្វើអោយយើងខូចខាតយ៉ាងខ្លាំង។ ព្រះបន្ទូលបានចែងថា អេភេសូរ ៤:២៦ ចូរខឹងចុះ តែកុំឲ្យធ្វើបាបឡើយ កុំឲ្យសេចក្តីកំហឹងរបស់អ្នកនៅដរាបដល់ថ្ងៃលិចឡើយ ។

នៅពេលដែលកំហឹងបានចូលមកក្នុងខ្លួនរបស់យើង វាបញ្ឆេះអារម្មណ៍ និងគំនិតរបស់យើងក្ដៅឡើង។ ពេលកំហឹងឆេះឡើង វាបំផ្លាញយើងនូវសេចក្តីសុខសាន្ត សុភមង្គលនៅក្នុងជីវិតរបស់យើង ហើយព្រះជាម្ចាស់ក៏បានដាស់តឿនយើងនៅក្នុងការនៅជិតមនុស្សប្រភេទនោះដែរ។

ព្រះគម្ពីរសុភាសិត ២២:២៤ កុំឲ្យចងជាមិត្រ នឹងមនុស្សណាដែលអាសាខឹងឡើយ ក៏កុំឲ្យភប់ប្រសព្វនឹងមនុស្សមួម៉ៅដែរ។

ជាការពិតណាស់ កំហឹងធ្វើអោយប៉ះពាល់ដល់អារម្មណ៍ និងទំនាក់ទំនងយើងជាមួយអ្នកដទៃ។ ប៉ុន្តែក៏វាអាចបង្ករបញ្ហារវាងទំនាក់ទំនងយើងជាមួយនឹងព្រះជាម្ចាស់ផងដែរ។ ព្រះជាម្ចាស់សព្វព្រះទ័យអោយយើងបានទទួលនូវព្រះពរ ក៏ប៉ុន្តែព្រះពរនោះក៏អាចបញ្ចប់ដោយព្រោះតែកំហឹងផងដែរ។

៣. ព្រះជាម្ចាស់អាចជួយលោកអ្នកបាន

២ កូរិនថូស ៥:១០ ដ្បិតយើងទាំងអស់គ្នាត្រូវទៅនៅមុខទីជំនុំជំរះរបស់ព្រះគ្រីស្ទ ដើម្បីឲ្យគ្រប់គ្នាបានទទួលតាមការដែលបានធ្វើ ពីកាលនៅក្នុងរូបកាយរៀងខ្លួន ទោះល្អឬអាក្រក់ក្តី។ ព្រះគម្ពីរនេះបានបង្រៀនដល់យើងថា មុននឹងដាក់ការអ្វីនៅក្នុងគំនិតរបស់យើង នោះត្រូវដាក់គំនិតនោះទៅកាន់ព្រះយេស៊ូវគ្រីស្ទជាមុនសិន។ នោះមានន័យថា យើងត្រូវយកចិត្តទុកដាក់នូវអ្វីដែលយើងគិត និងអ្វីដែលយើងយកមកដាក់នៅក្នុងចិត្ត។ ព្រះទ្រង់អាចជួយដល់យើងនូវរាល់ការសម្រេចចិត្ត ក៏ប៉ុន្តែយើងត្រូវអនុញ្ញាតអោយទ្រង់គ្រប់គ្រងជីវិតយើងទាំងស្រុង ដើម្បីអោយទ្រង់អាចផ្លាស់ប្រែចិត្តគំនិតរបស់យើងទៅតាមព្រះហឬទ័យរបស់ទ្រង់។ ពេលនេះវាស្ថិតនៅលើលោកអ្នក ហើយនិងខ្ញុំនៅក្នុងការសម្រេចចិត្ត ថាត្រូវធ្វើតាមការដឹកនាំរបស់ព្រះ ឬដើរតាមការសម្រេចចិត្តរបស់ខ្លួនឯង។ ប្រសិនបើលោកអ្នកចង់អោយព្រះជួយដល់លោកអ្នក សូមអធិស្ឋានឥឡូវនេះ ហើយទូលសុំអោយព្រះបានជួយលោកអ្នក ដើម្បីអោយលោកអ្នកអាចរស់នៅតាមព្រះហឬទ័យរបស់ព្រះ ដោយការគ្មានឥទ្ធិពលនៃកំហឹង។

៤. សេចក្តីអធិស្ឋាន

ព្រះយេស៊ូវគ្រីស្ទ ជាព្រះដែលពេញដោយក្តីស្រលាញ់ ទ្រង់ជ្រាបថា មានបញ្ហាជាច្រើនកើតឡើងនៅក្នុងជីវិតរបស់ទូលបង្គំ ដែលកើតឡើងដោយសារកំហឹង។ ទូលបង្គំសូមអធិស្ឋាន សូមអោយទ្រង់បានជួយទូលបង្គំ ដើម្បីអោយទ្រង់បានជួយគ្រប់គ្រងកំហឹងរបស់ទូលបង្គំផង។ សូមអោយទូលបង្គំបានពេញដោយក្តីស្រលាញ់ និងក្តីអំណររបស់ទ្រង់ជានិច្ច មិនមែនជាកំហឹងឡើង។ ទូលបង្គំអធិស្ឋាននៅក្នុងព្រះនាមព្រះយេស៊ូវគ្រីស្ទ អាមែន។

ស្វែងរកសេចក្តីសុខសាន្ត

Fri, 23 Aug 2024 07:29:40 GMT

ស្វែងរកសេចក្តីសុខសាន្ត

សម័យនេះ គឺជាយុគសម័យនៃភាពច្របូកច្របល់ និងភាពវឹកវរ។ មនុស្សជាច្រើនហាក់បីដូចជាកំពុងជាប់គាំងនៅក្នុងស្ថានភាពដ៏លំបាកជាច្រើន។ ទំាងគំនិង ទាំងការព្រួយបារម្ភកំពុងហ៊ុំព័ទ្ធពួកគេ ហើយធ្វើអោយពួកគេខ្វះនូវ សេចក្តីសុខសាន្ត និងការស្កប់ចិត្ត។

តើជីវិតរបស់លោកអ្នកកំពុងជួបនូវភាពស្មុគស្មាញមែនទេ? តើលោកអ្នកមិនអាចស្វែងរកឃើញនូវសេចក្តីសុខសាន្តមែនទេ? តើលោកអ្នកកំពុងស្វែងរកសេចក្តីសុខសាន្តមែន? សេចក្តីសុខសាន្តបាននាំមកនូវភាពស្កប់ចិត្តនៅខាងក្នុង និងធ្វើអោយលោកអ្នកមានអារម្មណ៍រួចផុតពីការខ្វល់ខ្វាយទាំងឡាយ។ ដូច្នេះ ចូរអោយលោកអ្នកបានស្វែងរកជំនួយតាមរយៈព្រះគម្ពីរទំនុកដំកើង និងព្រះគម្ពីរដំណឹងល្អខាងក្រោមនេះ។

១. ការស្កប់ចិត្តនៅក្នុងព្រះយេស៊ូវ

មូលហេតុចំបងបំផុតដែលធ្វើអោយយើងមិនចេះស្កប់ចិត្ត គឺការខ្វល់ខ្វាយ និងការថប់បារម្ភខាងក្នុងរបស់យើង។ តើវានឹងទៅជាយ៉ាងណា? តើវាកើតឡើងនៅពេលណា? ទាំងអស់នេះគឺជាសំណួរដែលតែងតែកើតឡើងនៅក្នុងយើង និងបង្កើតនូវស្ថានភាពមិនច្បាស់លាស់មួយ។ ប៉ុន្តែនៅក្នុងស្ថានភាពនេះ យើងអាចស្វែងរកឃើញនូវសេចក្តីសុខសាន្ត និងការស្កប់ចិត្តដ៏ពិតប្រាកដនៅក្នុងព្រះយេស៊ូវគ្រីស្ទ។

នៅក្នុងព្រះគម្ពីរ យ៉ូហាន ១៤:២៧ បានចែងថា «ខ្ញុំទុកសេចក្តីសុខនៅនឹងអ្នករាល់គ្នា គឺខ្ញុំឲ្យសេចក្តីសុខសាន្តរបស់ខ្ញុំដល់អ្នករាល់គ្នា ហើយដែលខ្ញុំឲ្យ នោះមិនមែនដូចជាលោកីយ៍ឲ្យទេ កុំឲ្យចិត្តអ្នករាល់គ្នាថប់បារម្ភ ឬភ័យឡើយ»។

ព្រះបន្ទូលដែលចេញពីព្រះឱស្ឋរបស់ព្រះយេស៊ូវបានផ្តល់អោយយើងនូវសេចក្តីសុខសាន្តដ៏មិនចេះផុតឡើយ។ នៅពេលដែលព្រះយេស៊ូវទ្រង់មានបន្ទូលថា ទុកសេចក្តីសុខនៅនឹងអ្នករាល់គ្នា គឺខ្ញុំឲ្យសេចក្តីសុខសាន្តរបស់ខ្ញុំដល់អ្នករាល់គ្នា ហើយដែលខ្ញុំឲ្យ នោះមិនមែនដូចជាលោកីយ៍ឲ្យទេ កុំឲ្យចិត្តអ្នករាល់គ្នាថប់បារម្ភ ឬភ័យឡើយ ។ នៅពេលដែលព្រះយេស៊ូវមានបន្ទូលថា ទ្រង់ប្រទាននូវសេចក្តីសុខសាន្តដ៏មិនចេះផុតឡើយដល់លោកអ្នក នោះតើលោកអ្នកត្រូវខ្វល់ខ្វាយធ្វើអ្វីទៀត។ នៅក្នុងព្រះគម្ពីរ ១ពេត្រុស ៥:៧ បានចែងថា ហើយចូរផ្ទេរគ្រប់ទាំងសេចក្តីទុក្ខព្រួយរបស់អ្នករាល់គ្នាទៅលើទ្រង់ ដ្បិតទ្រង់តែងយកព្រះទ័យទុកដាក់នឹងអ្នករាល់គ្នា។

ព្រះយេស៊ូវទ្រង់យកព្រះទ័យទុកដាក់ចំពោះលោកអ្នក ទ្រង់ជ្រាបពីបញ្ហាដែលលោកអ្នកកំពុងឆ្លងកាត់។ ទ្រង់ជ្រាបពីមូលហេតុនៃបញ្ហា និងការខ្វល់ខ្វាយរបស់លោកអ្នក។ ដូច្នេះ អ្វីដែលលោកអ្នកត្រូវធ្វើនោះគឺ អធិស្ឋាន ហើយទូលសុំសេចក្តីសុខសាន្ត និងភាពស្កប់ចិត្តដល់ខ្លួនឯង ។ លោកអ្នកត្រូវតែថ្វាយទ្រង់នូវចិត្តគំនិតរបស់លោកអ្នក នៅពេលដែលលោកអ្នកធ្វើបែបនេះនោះ លោកអ្នកនឹងចាប់ផ្តើមមានសេចក្តីសុខសាន្តដ៏មិនចេះចប់នៅក្នុងខ្លួនរបស់លោកអ្នក។

២. សេចក្តីអធិស្ឋាន

ព្រះអម្ចាស់យេស៊ូវ ទូលបង្គំសូមអរព្រះគុណទ្រង់សម្រាប់សេចក្តីស្រឡាញ់ និងការយកព្រះទ័យទុកដាក់ចំពោះទូលបង្គំ។ ទូលបង្គំសូមថ្វាយរាល់ទាំងចិត្តគំនិតទាំងអស់របស់ទូលបង្គំដល់ទ្រង់នៅថ្ងៃនេះ។ សូមបំពេញដល់ទូលបង្គំនូវបំណងព្រះហឬទ័យទ្រង់នៅក្នុងជីវិតរបស់ទូលបង្គំនៅថ្ងៃនេះ។ ទូលបង្គំអធិស្ឋាននៅក្នុងព្រះនាមព្រះយេស៊ូវគ្រីស្ទ អាមែន!

គ្រោះថ្នាក់នៃកំហឹងនៅក្នុងទំនាក់ទំនងរបស់មនុស្ស

Fri, 23 Aug 2024 06:53:51 GMT

គ្រោះថ្នាក់នៃកំហឹងនៅក្នុងទំនាក់ទំនងរបស់មនុស្ស

មានទំនាក់ទំនងដ៏ស្រស់ស្អាតជាច្រើននៅក្នុងដំណើរជីវិតរបស់មនុស្ស។ ដូចជាទំនាក់ទំនងក្នុងនាមជាឪពុកម្តាយ ទំនាក់ទំនងបងប្អូនបង្កើត ទំនាក់ទំនងអាពាហ៍ពិពាហ៍ ទំនាក់ទំនងមិត្តភ័ក្តិ ទំនាក់ទំនងបងប្អូនជីដូនមួយជាដើម។ ទំនាក់ទំនងខ្លះយើងបង្កើតឡើងដោយខ្លួនឯង ហើយទំនាក់ទំនងខ្លះយើងទទួលដូចតាំងតែពីយើងកើតមក។ វាជាទំនួលខុសត្រូវរបស់យើងនៅក្នុងការចងទំនាក់ទំនងទាំងអស់នេះជាមួយនឹងភាពស្រស់ស្អាត។

ប៉ុន្តែប្រសិនបើលោកអ្នកឆាប់ខឹងខ្លាំងពេកនៅក្នុងរឿងតូចតាច នោះវាអាចប្រែក្លាយជារឿងដ៏គ្រោះថ្នាក់។ តើកំហឹងរបស់លោកអ្នកធ្លាប់ដកយកទំនាក់ទំនងដ៏ពិសេស និងមានតម្លៃពីជីវិតរបស់លោកអ្នកដែរឬទេ? តើលោកអ្នកចោះបោះបង់ចោលទម្លាប់នេះដែរឬទេ? លោកអ្នកចង់ ប៉ុន្តែមិនអាចធ្វើបាន សូមបានមើលពីរបៀបដែលអាចដោះស្រាយកំហឹងទាំងនេះ នោក្នុងព្រះគម្ពីរទំនុកដំកើង និងក័ណ្ឌដំណឹងល្អដែលអាចផ្តល់ក្តីសង្ឃឹមដល់លោកអ្នកបាន។

១. លោកអ្នកត្រូវតែចេះគ្រប់គ្រងកំហឹង

សុភាសិត ២៩:១១ ពួកល្ងីល្ងើ សំដែងចេញអស់ទាំងកំហឹងរបស់ខ្លួន តែមនុស្សមានប្រាជ្ញាគេទប់ចិត្ត ហើយរំងាប់ចេញវិញ។ នៅពេលដែលយើងបានអានព្រះបន្ទូលរបស់ព្រះជាម្ចាស់ នោះយើងមើលឃើញយ៉ាងច្បាស់ថា អ្នកដែលបញ្ចេញកំហឹង គឺជាមនុស្សល្ងីល្ងើ និងល្ងង់ខ្លៅ។ យើងត្រូវចេះគ្រប់គ្រប់ខ្លួនឯង ដើម្បីកុំអោយក្លាយជាមនុស្សល្ងីល្ងើ។

រឿងមួយដែលយើងតែងតែឮនោះគឺ «ខ្ញុំខឹង ខ្ញុំមិនអាចអត់ទោសអោយអ្នកបានទេ»។ ប៉ុន្តែខ្ញុំចង់ប្រាប់ដល់លោកអ្នកថា ប្រសិនបើលោកអ្នកកំពុងគិតថាការទួលយកវាជារឿងត្រឹមត្រូវ នោះលោកអ្នកមិនទទួលបានអ្វីទាំងអស់។ យើងនឹងរក្សាទុកនូវកំហុស ហើយផឹកនូវកំហឹងរបស់យើង។ ការពារខ្លួនយើង និងអ្នកដទៃនូវអ្វីដែលបានហាមប្រាម។

២. រៀនអត់ទោស

សុភាសិត ២៩:១១ តែមនុស្សមានប្រាជ្ញាគេទប់ចិត្ត ហើយរំងាប់ចេញវិញ។

វាជារឿងដ៏សំខាន់សម្រាប់លោកអ្នក នៅក្នុងការយល់អំពីកំហឹងអាចដកនូវទំនាក់ទំនងដ៏ស្រស់ស្អាតរបស់លោកអ្នកបាន។ ដូច្នេះលោកសូមកុំព្រងើយកន្តើយនូវរឿងដែលធ្វើអោយលោកអ្នកខឹងនោះឡើយ។ នៅក្នុងរបៀបដូចគ្នានេះ ការអត់ទោសត្រូវបានបង្កើតឡើងនៅក្នុងខ្លួនរបស់យើង។ នៅពេលដែលលោកអ្នកចេះមានទម្លាប់អត់ទោសនៅក្នុងជីវិតរបស់លោកអ្នក នោះអ្វីៗនឹងកាន់តែងាយស្រួលសម្រាប់លោកអ្នក។ ការភ័យខ្លាចនៅក្នុងារ ខ្លាចបាត់បង់ទំនាក់ទំនងក៏រលាយបាត់ពីខ្លួនលោកអ្នកទៅដែរ។

៣. សេចក្តីអធិស្ឋាន

ឱព្រះអម្ចាស់យេស៊ូវ ទូលបង្គំសូមអរព្រះគុណទ្រង់ដែលបានដឹកនាំជីវិតទូលបង្គំ។ ទូលបង្គំសូមចូលមកចំពោះទ្រង់ សូមទ្រង់បានដកនូវរាល់ទាំងកំហឹង ដែលធ្វើអោយអ្នកដទៃឈឺចាប់ចេញពីទូលបង្គំផង។ ទូលបង្គំអធិស្ឋាននៅក្នុងព្រះនាមព្រះយេស៊ូវគ្រីស្ទ។

ការអត់ទោសដ៏គ្មានលក្ខណ្ឌ

Fri, 23 Aug 2024 04:42:17 GMT

ការអត់ទោសដ៏គ្មានលក្ខណ្ឌ

តើលោកអ្នកដឹងឬទេថា ការអត់ទោសដ៏ឥតគិតថ្លៃគឺជាអ្វី? ការអត់ទោសដែលលោកអ្នកទទួលបានដោយគ្មានលក្ខណ្ឌ និងគ្មានការចោទប្រកាន់។ ព្រះរបស់យើងទ្រង់អត់ទោសដល់យើងដោយគ្មានលក្ខណ្ឌ ប៉ុន្តែលោកអ្នកគួរតែមានការស្ដាយចំពោះអំពើបាបដែលលោកអ្នកបានប្រព្រឹត្ត ហើយទូលសុំការអត់ទោសពីព្រះ ដោយលន់តួសារភាពអំពើបាបរបស់លោកអ្នកនៅចំពោះទ្រង់។ តើលោកអ្នកពិបាកនៅក្នុងការអត់ទោស ដល់អ្នកដែលបានប្រព្រឹត្តខុសចំពោះលោកអ្នកមែនទេ? តើលោកអ្នកគិតថាលោកអ្នកមានបាបខ្លាំងណាស់មែនទេ ហើយលោកអ្នកពិបាកនឹងទូលសុំដល់ព្រះអោយអត់ទោសដល់លោកអ្នកមែនទេ? មានសំណួរជាច្រើនដែលរំលឹកលោកអ្នកអំពីការអត់ទោស? ដូច្នេះព្រះគម្ពីរទំនុកដំកើង និងក័ណ្ឌគម្ពីរដំណឹងល្អនឹងមានចម្លើយសម្រាប់សំណួរទាំងនោះ។

១. ការអត់ទោសគឺជាអំណោយមកពីព្រះ

ការអត់ទោស គឺជាអំណោយនៃព្រះគុណ និងសេចក្តីមេត្តាករុណានៃព្រះ។ ព្រះយេស៊ូវគ្រីស្ទបានប្រោសលោះអំពើបាបរបស់លោកអ្នក។ ទ្រង់បានដាក់អំពើបាបរបស់លោកអ្នកមកលើទ្រង់ ហើយដាក់ជីវិតរបស់ទ្រង់នៅលើឈើឆ្កាង ដើម្បីប្រទានការអត់ទោសដល់លោកអ្នក។ អេភេសូ ២:៨-៩ ដ្បិតគឺដោយព្រះគុណ ដែលអ្នករាល់គ្នាបានសង្គ្រោះ ដោយសារសេចក្តីជំនឿ ហើយសេចក្តីនោះក៏មិនមែនកើតពីអ្នករាល់គ្នាដែរ គឺជាអំណោយទានរបស់ព្រះវិញ ក៏មិនមែនដោយការប្រព្រឹត្តដែរ ក្រែងអ្នកណាអួតខ្លួន។ នៅពេលដែលលោកអ្នកទូលសុំការអត់ទោសពីព្រះជាម្ចាស់ ហើយទ្រង់អត់ទោសដល់លោកអ្នក នោះមិនមែនមានន័យលោកអ្នកទទួលបានការអត់ទោស ដោយព្រោះការប្រព្រឹត្តល្អ ឬកិច្ចការណាមួយនោះទេ ប៉ុន្តែផ្ទុយទៅវិញលោកអ្នកទទួលបានការអត់ទោស ដោយសារតែព្រះយេស៊ូវគ្រីស្ទ។

២. ចូរអត់ទោសដល់អ្នកដែលធ្វើអោយអ្នកឈឺចាប់ដូចគ្នា

នៅពេលដែលព្រះជាម្ចាស់បានអត់ទោសដល់លោកអ្នកដោយគ្មានលក្ខណ្ឌ ឬក៏ចោទប្រកាន់លោកអ្នក នោះទ្រង់សព្វព្រះទ័យអោយលោកអ្នកបានចេះអត់ទោសដល់អ្នកដទៃដែរ។ ការអត់ទោស គឺជាដំណើរការដ៏សំខាន់បន្ទាប់ពីទទួលបានការអត់ទោសពីព្រះយេស៊ូវគ្រីស្ទ។ អេភេសូ ៤:៣២ ចូរមានចិត្តសប្បុរសនឹងគ្នាទៅវិញទៅមក ព្រមទាំងមានចិត្តទន់សន្តោស ហើយអត់ទោសគ្នា ដូចជាព្រះទ្រង់បានអត់ទោសឲ្យអ្នករាល់គ្នា ដោយព្រះគ្រីស្ទដែរ។ ព្រះអត់ទោសដល់លោកអ្នក ដូច្នេះចូរលោកអ្នកបានអត់ទោសដល់អ្នកដទៃដែរ។

៣. សេចក្តីអធិស្ឋាន

ឳព្រះអម្ចាស់យេស៊ូវគ្រីស្ទអើយ ទូលបង្គំសូមអរព្រះគុណទ្រង់ សម្រាប់ការអត់ទោសដល់ទូលបង្គំ។ ការអត់ដែលទូលបង្គំមិនសក្តិសមទទួលបាន ប៉ុន្តែទ្រង់បានប្រទានដល់ទូលបង្គំដោយគ្មានលក្ខណ្ឌ និងគ្មានការចោទប្រកាន់។ ទូលបង្គំសូមលន់តួសារភាពអំពើបាបរបស់ទូលបង្គំ ដែលទូលបង្គំបានបដិសេធអ្នកដែលធ្វើអោយទូលបង្គំឈឺចាប់។ ទូលបង្គំសុំទោស។ ហើយសូមអោយទូលបង្គំអាចនឹងទោសដល់អ្នកដែលធ្វើអោយទូលបង្គំឈឺចាប់ផង សូមប្រទានកម្លាំងដល់ទូលបង្គំនៅក្នុងការអត់ទោស។ ទូលបង្គំអធិស្ឋានក្នុងព្រះនាមព្រះយេស៊ូវគ្រីស្ទ។

តើខ្ញុំអាចអត់ទោសអោយខ្លួនឯងដោយរបៀបណា?

Sun, 18 Aug 2024 08:20:16 GMT

តើខ្ញុំអាចអត់ទោសអោយខ្លួនឯងដោយរបៀបណា?

សេចក្តីផ្តើម

អ្នកពិតជាធ្វើវាអោយបែកមែន អ្នកគ្មានប្រយោជន៍មែន គ្មាននរណាស្រលាញ់អ្នកឡើយ។ តើលោកអ្នកធ្លាប់មានគំនិតបែបនេះដែរឬទេ? យើងទាំងអស់គ្នាសុទ្ធតែធ្លាប់ធ្វើខុស ហើយធ្វើអោយមនុស្សនៅជុំវិញខ្លួនយើងឈឺចាប់។ សង្ឃឹមថាពួកគេនឹងអត់ទោសអោយអ្នក ប៉ុន្តែពេលខ្លះអ្នកដែលពិបាកអត់ទោសបំផុតនោះ គឺខ្លួនឯងទៅវិញទេ! មនុស្សជាច្រើន ស្ទើរតែពេញមួយជីវិតរបស់ពួកគេ ព្យាយាមបំភ្លេចនូវអ្វីដែលពួកគេបានធ្វើខុស ព្រមទាំងមិនដែលអត់ទោសអោយខ្លួនឯងឡើយ។ គួរអោយអាណិតណាស់ ប៉ុន្តែអរគុណដល់ព្រះជាម្ចាស់ដែលទ្រង់បានប្រទានព្រះបន្ទូលទ្រង់ ដើម្បីជួយយើងអោយបានរកឃើញនូវក្តីសង្ឃឹម និងវិធីនៅក្នុងការអត់ទោសអោយខ្លួនឯងបាន។

១. លទ្ធផលដ៏នៃអំពើបាបរបស់យើង គឺការជំនុំជំរះ និងសេចក្តីស្លាប់

ព្រះគម្ពីរទំនុកដំកើង ១៤:៣ បានចែងថា តែគ្រប់គ្នាបានវង្វេងចេញ បានត្រឡប់ទៅជាស្មោកគ្រោកទាំងអស់គ្មានអ្នកណាមួយដែលប្រព្រឹត្តល្អឡើយសូម្បីតែ១ក៏គ្មានផង។ ព្រះគម្ពីរ រ៉ូម ៦:២៣ ដ្បិតឈ្នួលរបស់អំពើបាប នោះជាសេចក្តីស្លាប់ តែអំណោយទាននៃព្រះវិញ គឺជាជីវិតដ៏នៅអស់កល្បជានិច្ច ដោយព្រះគ្រីស្ទយេស៊ូវ ជាព្រះអម្ចាស់នៃយើងរាល់គ្នា។

២. ព្រះបានបង្កើតផែនការមួយដើម្បីអត់ទោសឱ្យយើង

កាលពី២០០០ជាងឆ្នាំមុនព្រះយេស៊ូវគ្រីស្ទ ព្រះជាម្ចាស់បានបង្ហាញផែនការរបស់ទ្រង់ដល់ហោរាអេសាយ ហើយនៅក្នុងព្រះគម្ពីរអេសាយ ៥៣:៥ តែទ្រង់ត្រូវរបួស ដោយព្រោះអំពើរំលងរបស់យើង ក៏ត្រូវវាយជាំ ដោយព្រោះអំពើទុច្ចរិតរបស់យើងទេ ឯការវាយផ្ចាលដែលនាំឲ្យយើងបានជាមេត្រី នោះបានធ្លាក់ទៅលើទ្រង់ ហើយយើងរាល់គ្នាបានប្រោសឲ្យជា ដោយសារស្នាមរំពាត់នៅអង្គទ្រង់។ ហោរាអេសាយកំពុងចង្អុលបង្ហាញអំពីព្រះយេស៊ូវគ្រីស្ទ។

ដើម្បីដោះស្រាយអំពើបាបរបស់យើង ព្រះជាម្ចាស់បានចាត់បញ្ជូន ព្រះយេស៊ូវគ្រីស្ទមកសុគតជំនួសអំពើបាបរបស់យើង ។ ព្រះគម្ពីរ ១យ៉ូហាន ២:២ ដែលទ្រង់ជាដង្វាយធួននឹងបាបយើងរាល់គ្នា មិនត្រឹមតែបាបរបស់យើងរាល់គ្នាតែប៉ុណ្ណោះ គឺនឹងបាបរបស់លោកីយ៍ទាំងមូលដែរ។ តាមរយៈការជឿទុកចិត្តលើព្រះយេស៊ូវគ្រីស្ទ អំពើបាប និងសេចក្តីអាម៉ាស់របស់យើងទាំងអស់ត្រូវបានអត់ទោស។

៣. ព្រះជាម្ចាស់បានអត់ទោសឱ្យយើង (ទាំងស្រុង!) ដោយសារតែការសុគតនិងការរស់ឡើងវិញរបស់ព្រះយេស៊ូវ

ព្រះគម្ពីរ១យ៉ូហាន ១:៩ បានចែងថា បើយើងលន់តួបាបវិញ នោះទ្រង់មានព្រះហឫទ័យស្មោះត្រង់ ហើយសុចរិត ប្រយោជន៍នឹងអត់ទោសបាបឲ្យយើង ហើយនិងសំអាតយើង ពីគ្រប់អំពើទុច្ចរិតទាំងអស់ផង។ ប្រសិនបើយើងជឿទុកចិត្តលើកិច្ចការរបស់ព្រះយេស៊ូវគ្រីស្ទនៅលើឈើឆ្កាង នោះយើងទទួលបានការអត់ទោសទាំងស្រុង។

៤. ដូចដែលព្រះជាម្ចាស់បានអត់ទោសអោយយើង នោះយើងត្រូវអត់ទោសអោយខ្លួនឯង

នៅពេលដែលយើងជឿទុកចិត្តដល់ព្រះយេស៊ូវគ្រីស្ទ យើងដឹងថារាល់ទាំងកំហុសទាំងឡាយ និងការថ្កោលទោសមកកាន់ខ្លួនឯងនឹងរលាយបាត់ទៅស។ នៅក្នុងព្រះគម្ពីររ៉ូម ៨:១-២ បានចែងថា ហេតុនោះ នៅជាន់នេះ អ្នកណាដែលនៅក្នុងព្រះគ្រីស្ទយេស៊ូវ នោះគ្មានទោសសោះ ដ្បិតអំណាចរបស់ព្រះវិញ្ញាណនៃជីវិត ដែលនៅក្នុងព្រះគ្រីស្ទយេស៊ូវ នោះបានប្រោសឲ្យខ្ញុំរួចពីអំណាចរបស់អំពើបាប និងសេចក្តីស្លាប់ហើយ។ យើងមានសេរីភាពហើយ។ ប្រសិនបើព្រះជាម្ចាស់បានអត់ទោសអោយយើងហើយ នោះចូរអោយយើងបានអត់ទោសអោយខ្លួនឯងដែរ ហើយរស់នៅក្នុងជីវិតដែលមានសេរីភាពចុះ។

ការអធិស្ឋាន៖

ទូលបង្គំសូមអរព្រះគុណដល់ព្រះយេសស៊ូគ្រីស្ទ ដែលបានអត់ទោសឲ្យទូលបង្គំ។ សូមទ្រង់បានជួយទូលបង្គំ អោយចេះអត់ទោសអោយខ្លួនឯងផង។ ទូលបង្គំសូមអធិស្ឋាននៅក្នុងព្រះនាមព្រះយេស៊ូវគ្រីស្ទ អាមែន។

ព្យាបាលស្នាមរបួសអតីតកាល

Fri, 09 Aug 2024 04:53:19 GMT

ព្យាបាលស្នាមរបួសអតីតកាល

ជារឿយៗអតីតកាលធ្វើអោយយើងឈឺចាប់ និងសល់តែការចងចាំ។ ស្នាមរបួសចាស់ៗ បន្សល់នូវស្លាកស្នាមដែលយើងមិនអាចបំភ្លេចបាន។ របួសទាំងនោះ បានរំលឹកយើងអំពីរឿងរ៉ាវដែលធ្វើអោយយើងឈឺចាប់យ៉ាងខ្លាំង។ ឬប្រហែលជាលោកអ្នកអាចនឹងធ្វើអោយនរណាម្នាក់ឈឺចាប់?

លោកអ្នកមិនដឹងថា ត្រូវស្វែងរកសេចក្តីសុខសាន្តនៅទីណាបាន។ លោកអ្នកមើលមកកាន់ខ្លួនឯងកំពុងតែខូចខ្ទេចខ្ទាំ ឬមានកំហឹងគ្រប់ពេល។ តើលោកអ្នកកំពុងស្ថិតនៅក្នុងស្ថានភាពបែបនេះយូរប៉ុណ្ណាហើយ? តើលោកអ្នកកំពុងស៊ូទ្រាំនឹងការឈឺចាប់បែបនេះដល់ពេលណាទៀត? តើលោកអ្នកចង់គេចចេញពីការឈឺចាប់នៃរបួសទាំងនេះដែរឬទេ? ដូច្នេះ ចូរលោកអ្នករំដោះខ្លួនឯងចេញពីការនេះ ដោយការអាននូវព្រះគម្ពីរទំនុកដំកើង និងក័ណ្ឌដំណឹងល្អមួយចំនួននៅខាងក្រោមនេះ។

ព្រះយេស៊ូវគ្រីស្ទទ្រង់ជាគ្រូពេទ្យព្យាបាល

ព្រះយេស៊ូវគ្រីស្ទ មានការព្យាបាលគ្រប់ប្រភេទសម្រាប់លោកអ្នក។ មនុស្សភាគច្រើនគិតថា មានតែថ្នាំពេទ្យទេ ដែលអាចព្យាបាលជំងឺបាន។ ប៉ុន្តែមានតែព្រះយេស៊ូវគ្រីស្ទទេ ដែលជ្រាបពីរបួសខាងក្នុងរបស់លោកអ្នក។ ទ្រង់មិនអាចទ្រាំមើលការឈឺចាប់របស់លោកអ្នកបានទេ។

ព្រះគម្ពីរទំនុកដំកើង ១៤៧:៣ បានចែងថា ទ្រង់ប្រោសអស់អ្នកដែលមានចិត្តសង្រេងឲ្យបានជាក៏រុំរបួសឲ្យគេផង។

សូមកុំនឹកស្មានថា ព្រះជាម្ចាស់ទ្រង់មិនដឹងពីស្ថានភាពរបស់លោកអ្នក។ ទ្រង់ជ្រាបរាល់ស្នាមរបួសរបស់លោកអ្នក ទ្រង់ជ្រាបពីការឈឺចាប់របស់លោកអ្នក ហើយទ្រង់មានការកំសាន្តចិត្តដ៏អាស្ចារ្យដែលលោកអ្នកអាចស្វែងរកឃើញនៅក្នុងព្រះគម្ពីរ គឺទ្រង់បាន ទ្រង់ប្រោសអស់អ្នកដែលមានចិត្តសង្រេងឲ្យបានជាក៏រុំរបួសឲ្យគេផង។ ទ្រង់ព្យាបាលរបួសលោកអ្នកអោយបានជាសះស្បើយទាំងស្រុង។

លន់តួអំពើបាបរបស់លោកអ្នក

ដើម្បីដកខ្លួនចេញពីស្ថានភាពនេះ ការដែលសំខាន់បំផុតនោះគឺ លោកអ្នកត្រូវទទួលស្គាល់កំហុសរបស់លោកអ្នក ចំពោះកិច្ចការណាមួយដែលលោកអ្នកតែងតែមិនព្រមទទួលស្គាល់។ ដោយសារតែការនោះហើយ ដែលធ្វើអោយលោកអ្នកមិនអាចចាកចេញពីស្ថានភាពនោះបាន។ លោកអ្នកត្រូវឈប់គិតអវិជ្ជមាន ហើយចាប់ផ្តើមគិតវិជ្ជមានវិញ។

លោកអ្នកត្រូវអត់ទោសដល់អស់អ្នកដែលធ្វើអោយលោកអ្នកឈឺចាប់ ហើយសុំទោសដល់អ្នកដែលលោកអ្នកធ្វើអោយគេឈឺចាប់។ ចូរចូលមកចំពោះព្រះយេស៊ូវគ្រីស្ទ ហើយថ្វាយទាំងអស់ដល់ទ្រង់។ ទ្រង់នឹងព្យាបាលលោកអ្នក។ ទ្រង់ចង់រំដោះលោកអ្នកចេញពីដួងចិត្តដ៏ខ្ទេចខ្ទាំនេះ។ ទ្រង់មានអំណាចចេស្តាគ្រប់គ្រាន់ ហើយមានអំណាចដោះស្រាយរាល់ទាំងបញ្ហារបស់លោកអ្នក។ ចូរទូលសុំដល់ព្រះយេស៊ូវគ្រីស្ទ ដែលទ្រង់អាចប្រទាននូវចិត្តដល់ស្កប់ស្គល់ដល់លោកអ្នកបាន នោះលោកអ្នកនឹងលែងមានអារម្មណ៍ពិបាកចិត្តហើយ។ ពេលនោះ សូម្បីតែលោកអ្នកនឹកចាំពីរបួសចាស់របស់លោកអ្នកក៏ដោយ ក៏វាលែងធ្វើឱ្យលោកអ្នកឈឺចាប់ទៀតដែរ។ ដោយសារតែ លោកអ្នកនឹងមានសេរីភាព ហើយគឺព្រះយេស៊ូវគ្រីស្ទនោះហើយ ដែលនឹងរំដោះលោកអ្នកអោយមានសេរីភាព។

សេចក្តីអធិស្ឋាន

ឳព្រះយេស៊ូវជាព្រះនៃទូលបង្គំអើយ ទូលបង្គំសូមអរព្រះគុណទ្រង់ សម្រាប់សេចក្តីស្រលាញ់របស់ទ្រង់ ដែលមានសម្រាប់ទូលបង្គំ។ ទូលបង្គំសូមថ្វាយរាល់ទាំងស្នាមរបួសរបស់ទូលបង្គំដល់ទ្រង់។ សូមជួយរំដោះអោយទូលបង្គំមានសេរីភាពចេញពីការឈឺចាប់នោះផង។ ទូលបង្គំ សូមអោយទ្រង់បានអត់ទោសរាល់ទាំងទោសកំហុសទូលបង្គំផង។ ទូលបង្គំសូមអធិស្ឋាននៅក្នុងព្រះនាមព្រះយេស៊ូវគ្រីស្ទ

ស្វែងរកសេចក្តីសុខសាន្តក្នុងពេលថប់បារម្ភ

Fri, 02 Aug 2024 06:05:40 GMT

ស្វែងរកសេចក្តីសុខសាន្តក្នុងពេលថប់បារម្ភ

ការព្រួយបារម្ភពិតជាអាចដកយកនូវសេចក្តីសុខសាន្តនៅក្នុងជីវិតរបស់មនុស្សម្នាក់ៗមែន។ ជារឿយៗលោកអ្នកមិនដឹងពីមូលហេតុដែលបណ្តាលអោយកើតមានការព្រួយបារម្ភនោះទេ។ ដោយសារមិនដឹងពីមូលហេតុច្បាស់លាស់បែបនេះ តើលោកអ្នកមើលមកខ្លួនឯងថាកំពុងស្ថិតនៅក្នុងស្ថានភាពចំលែកទេ? ហើយពេលខ្លះលោកអ្នកកំពុងឆ្លងកាត់ស្ថានភាព ឬក៏បញ្ហាដែលធ្វើអោយលោកអ្នកមិនអាចសម្រាកបាន។

មិនថាមូលហេតុ ឬក៏ស្ថានភាពបែបណានៃការថប់បារម្ភនោះទេ មានព្រះមួយអង្គ ដែលអាចជួយដករាល់ការថប់បារម្ភនោះចេញបាន។ តើលោកអ្នកកំពុងមានអារម្មណ៍មិនស្ងប់នៅក្នុងចិត្តមែនដែរឬទេ? តើលោកអ្នកបានព្យាយាមគ្រប់មធ្យោបាយទាំងអស់ដើម្បីកម្ចាត់វាហើយឬនៅ? ប្រសិនបើលោកអ្នកនៅតែមិនអាចស្វែងរកឃើញសេចក្តីសុខសាន្ត ហើយលោកអ្នកចង់ចាកចេញពីស្ថានភាពនោះ លោកអ្នកអាចទុកចិត្តដល់ព្រះអម្ចាស់យេស៊ូវគ្រីស្ទដែលអាចជួយលោកអ្នកបាន ។ ចូរស្វែងយល់អំពីព្រះបន្ទូលរបស់ព្រះដែលមានចែងដូចខាងក្រោមនេះ៖

ការអធិស្ឋានអាចផ្លាស់ប្តូរស្ថានភាពរបស់យើង

ភីលីព ៤:៦-៧ បានចែង កុំឲ្យខ្វល់ខ្វាយអ្វីឡើយ ចូរទូលដល់ព្រះ ឲ្យជ្រាបពីសេចក្តីសំណូមរបស់អ្នករាល់គ្នាក្នុងគ្រប់ការទាំងអស់ ដោយសេចក្តីអធិស្ឋាន និងពាក្យទូលអង្វរ ទាំងពោលពាក្យអរព្រះគុណផង យ៉ាងនោះ សេចក្តីសុខសាន្តរបស់ព្រះ ដែលហួសលើសពីអស់ទាំងគំនិត និងជួយការពារចិត្ត ហើយនិងគំនិតរបស់អ្នករាល់គ្នា ក្នុងព្រះគ្រីស្ទយេស៊ូវ។

ប្រសិនបើលោកអ្នកកំពុងស្វែងរកសេចក្តីសុខសាន្ត បើទោះបីជាលោកអ្នកកំពុងស្ថិតនៅក្នុងស្ថានភាពបែបណាក៏ដោយ ចូរចូលមករបស់ព្រះអម្ចាស់យេស៊ូវគ្រីស្ទ ហើយអធិស្ឋានទៅកាន់ទ្រង់ នោះលោកអ្នកនឹងទទួលបាននូវ សេចក្តីសុខសាន្តរបស់ព្រះ ដែលហួសលើសពីអស់ទាំងគំនិត និងជួយការពារចិត្តលោកអ្នក។ ចូរឈប់ថប់បារម្ភ ហើយទុកចិត្តដល់ព្រះអម្ចាស់យេស៊ូវគ្រីស្ទ។

ព្រះទ្រង់អាចស្ដារលោកអ្នកឡើងវិញបាន

ពេត្រុសទី១ ៥:៧ បានចែងថា៖ ហើយចូរផ្ទេរគ្រប់ទាំងសេចក្តីទុក្ខព្រួយរបស់អ្នករាល់គ្នាទៅលើទ្រង់ ដ្បិតទ្រង់តែងយកព្រះទ័យទុកដាក់នឹងអ្នករាល់គ្នា។

យើងអាចថ្វាយការព្រួយបារម្ភរបស់យើងទាំងស្រុងដល់ព្រះអម្ចាស់យេស៊ូវគ្រីស្ទ ពីព្រោះ ទ្រង់ជ្រាបគ្រប់យ៉ាង ហើយគ្រប់ទាំងហេតុការ ឬក៏អំណាចអ្វីៗទាំងអស់ស្ថិតនៅក្នុងការគ្រប់គ្រងរបស់ទ្រង់ ។ នៅក្នុងព្រះគម្ពីរដែលយើងបានអាន ព្រះទ្រង់មិនចង់ឃើញយើងស្ថិតនៅក្នុងស្ថានភាពនៃការព្រួយបារម្ភនោះទេ។ នៅពេលដែលដែលលោកអ្នកអធិស្ឋាន សូមអោយទ្រង់បានដកនូវរាល់ទាំងបន្ទុក និងការខ្វល់ខ្វាយទាំងអស់ចេញពីលោកអ្នក។ នៅពេលដែលលោកអ្នកធ្វើបែបនេះ លោកអ្នកនឹងស្វែងរកឃើញនូវសេចក្តីសុខសាន្ត និងការស្កប់ចិត្តដ៏គ្មានទីបញ្ចប់ក្នុងជីវិតរបស់លោកអ្នក។ សេចក្តីល្អនឹងចូលមកក្នុងជីវិតលោកអ្នក។ លោកអ្នកនឹងទទួលបានអារម្មណ៍ ហាក់បីដូចជានៅកន្លែងថ្មីដែលគ្មានការព្រួយបារម្ភ និងការខ្វល់ខ្វាយ។

សេចក្តីអធិស្ឋាន

ឳព្រះអម្ចាស់យេស៊ូវ ទូលបង្គំសូមអរគុណទ្រង់សម្រាប់សេចក្តីស្រឡាញ់របស់ទ្រង់ចំពោះទូលបង្គំ។ ទូលបង្គំ សូមថ្វាយនូវរាល់ទាំងបន្ទុកទាំងប៉ុន្មានរបស់ទូលបង្គំ និងការព្រួយបារម្ភទាំងអស់ថ្វាយដល់ទ្រង់។ សូមទ្រង់បានប្រទាននូវសេចក្តីសុខសាន្ត និងការស្កប់ចិត្តដែលមិនចេះផុតឡើយដល់ទូលបង្គំផង។ ទូលបង្គំអធិស្ឋាននៅក្នុងព្រះនាមព្រះយេស៊ូវគ្រីស្ទ អាមែន។

ឈប់គិតថាគ្មានអ្នកណាស្រឡាញ់លោកអ្នកទៀតឡើយ

Tue, 30 Jul 2024 10:44:15 GMT

ឈប់គិតថាគ្មាននរណាស្រលាញ់លោកអ្នកឡើយ

សេចក្តីស្រឡាញ់ជាអារម្មណ៍មូយ ដែលមនុស្សម្នាក់ ស្រលាញ់កាន់មនុស្សម្នាក់ទៀត ។ ហើយប្រាកដជាមានអារម្មណ៍ថាពិសេស និង រីករាយពេលដែលទទួលបាននូវក្តីស្រឡាញ់។ បុគ្គលគ្រប់រូបតែងតែចង់ទទួលបាននូវសេចក្តីស្រឡាញ់ ក៏ប៉ុន្តែមានមនុស្សមួយចំនួនដែលគិតថាគ្មាននរណាស្រឡាញ់ពួកគេសោះឡើយ ហើយពួកគេគិតថាពួកគេជាមនុស្សមិនសំខាន់ និង គ្មាននរណាខ្វាយខ្វល់យកចិត្តទុកដាក់នឹងពួកគេ។ តើលោកអ្នកក៏មានអារម្មណ៍ថា គ្មាននរណាស្រឡាញ់លោកអ្នកដែរមែនឬទេ? តើលោកអ្នកមានអារម្មណ៍ថាឯកា ហើយគ្មាននរណាខ្វល់ពីលោកអ្នកមែនដែរឬទេ? គ្មាននរណាស្រឡាញ់លោកអ្នកសោះឡើ ដូច្នេះសូមអោយយើងក្រឡេកមកមើលព្រះបន្ទូលព្រះនៅក្នុងព្រះគម្ពីរដែលបានបង្ហាញយើង ព្រមទាំងផ្តល់នូវចម្លើយដ៍ជាក់លាក់ពិតប្រាកដ។

ព្រះស្រឡាញ់អ្នក

នៅពេលដែលយើងស្រឡាញ់នរណាម្នាក់ យើងស្រឡាញ់គេដោយមើលពីលក្ខណៈសម្បត្តិរបស់គេ។

ប៉ុន្តែ តើលោកអ្នកដឹងទេថា ព្រះទ្រង់ស្រឡាញ់អ្នកយ៉ាងដូចម្តេច?

តាមរយះខរគម្ពីរ រ៉ូម ៥:៨ បានចែងថា តែឯព្រះ ទ្រង់សំដែងសេចក្តីស្រឡាញ់របស់ទ្រង់ ដល់យើងរាល់គ្នាឲ្យឃើញច្បាស់ ដោយព្រះគ្រីស្ទបានសុគតជំនួសយើងរាល់គ្នា នោះគឺក្នុងកាលដែលយើងនៅមានបាបនៅឡើយផង ។

លោកអ្នកមិនចាំបាច់ត្រូវខិតខំធ្វើអ្វីមួយដើម្បីទទួលបានក្តីស្រឡាញ់ពីព្រះឡើយ។ ពីព្រោះទ្រង់ស្រឡាញ់លោកអ្នក ជាអ្នក។ ព្រះយេស៊ូវគ្រីស្ទបានសុគតនៅលើឈើឆ្កាងដើម្បីលើកលែងទោសនៃអំពើបាបរបស់លោកអ្នក។

ព្រះយេស៊ូវទ្រង់សុគតដោយផ្ទាល់ ដើម្បីយកយើងចេញពីសេចក្តីស្លាប់ដ៏អស់កល្ប។ ដែលហៅថាសេចក្ដីស្រឡាញ់ដែលព្រះមានចំពោះរាស្រ្តរបស់ទ្រង់។

ឈប់គិតថាគ្មានអ្នកណាឡាញ់លោកអ្នកទៀតឡើយ

ដ្បិតព្រះទ្រង់ស្រឡាញ់មនុស្សលោក ដល់ម៉្លេះបានជាទ្រង់ប្រទានព្រះរាជបុត្រាទ្រង់តែមួយ ដើម្បីឲ្យអ្នកណាដែលជឿដល់ព្រះរាជបុត្រានោះ មិនត្រូវវិនាសឡើយ គឺឲ្យមានជីវិតអស់កល្បជានិច្ចវិញ។

លោកអ្នកត្រូវជឿថាព្រះយេស៊ូវគ្រីស្ទជាគឺជាព្រះរាជបុត្រានៃព្រះ ហើយនេះជាជំហានដំបូងនៃសេចក្តីជំនឿរបស់លោកអ្នក។

លោកអ្នកនឹងចាប់ផ្តើមស្គាល់សេចក្ដីស្រឡាញ់របស់ព្រះនៅក្នុងជីវិតរបស់លោកអ្នក ហើយចេញពីអារម្មណ៍ដែលលោកអ្នកមិនធ្លាប់ទទួលបាននៅក្តីស្រឡាញ់កន្លងមក។

សេចក្តីអធិស្ឋាន

ទូលបង្គំសូមអរគុណដល់ព្រះ ព្រោះព្រះអង្គបានស្រឡាញ់ខ្ញុំ។ ព្រះអង្គបានប្រគល់ជីវិតរបស់ព្រះអង្គសម្រាប់ទូលបង្គំ។ ទូលបង្គំសូមអរគុណដល់ព្រះ។ ទូលបង្គំឈប់គិតបន្តទៀតនៅគំនិតដែលគិតថាគ្មាននរណាស្រឡាញ់ទូលបង្គំ។ ទូលបង្គំជឿថាព្រះអង្គស្រឡាញ់ទូលបង្គំ ទូលបង្គំសូមអធិស្ឋានក្នុងព្រះយេស៊ូវគ្រីស្ទ អាមែន។

ការជ្រើសរើសអនាគតដ៏ត្រឹមត្រូវ

Thu, 25 Jul 2024 08:42:05 GMT

ការជ្រើសរើសអនាគតដ៏ត្រឹមត្រូវ

អនាគត គឺមានសារៈសំខាន់ខ្លាំងណាស់សម្រាប់មនុស្សគ្រប់ៗរូប។ មនុស្សគ្រប់រូបធ្វើការទាំងយប់ទាំងថ្ងៃ ដើម្បីកែលម្អអនាគតរបស់ពួកគេ។ ខណៈពេលដែលមនុស្សមួយចំនួន មានភាពច្បាស់លាស់អំពីអនាគតរបស់ពួកគេ ប៉ុន្តែមនុស្សមួយចំនួនមិនអាចសម្រេចចិត្តថា តើត្រូវធ្វើអ្វីនាពេលអនាគតរបស់ពួកគេ។ ហើយមានហេតុផលផ្សេងៗសម្រាប់រឿងនេះ។ ពេលខ្លះពួកគេមិនមានធនធានដើម្បីធ្វើអ្វីដែលពួកគេចង់ធ្វើ ឬពួកគេគ្មានការណែនាំ។ ពួកគេមិនអាចសម្រេចចិត្តដោយខ្លួនឯងថាត្រូវជ្រើសរើសអ្វីនោះឡើយ។

តើលោកអ្នកបារម្ភពីអនាគតរបស់លោកអ្នកដែរឬទេ? មិនអាចសម្រេចចិត្តបានត្រឹមត្រូវ អំពីការជ្រើសរើសសម្រាប់អនាគតរបស់លោកអ្នក? តើលោកអ្នកខ្លាចថា ការសម្រេចចិត្តរបស់លោកអ្នកអាចខុសមែនទេ? ឬលោកអ្នកមិនប្រាកដថាអ្វីៗនឹងកើតឡើង? ដូច្នេះ ចូរយើងស្វែងរកជំនួយពីព្រះគម្ពីរសម្រាប់បញ្ហានេះ។

ស្គាល់អំពីបំណងព្រះហឬទ័យរបស់ព្រះ

សុភាសិត ១៩:២១ ចែងថា៖ នៅក្នុងចិត្តមនុស្ស តែងមានគំនិតគិតធ្វើជាច្រើនយ៉ាង មានតែដំបូន្មាននៃព្រះ‌យេហូវ៉ាប៉ុណ្ណោះ ដែលនឹងស្ថិត‌ស្ថេរនៅ។

មនុស្សតែងតែមានសេចក្តីប៉ងប្រាថ្នាខ្លួនឯងជាច្រើន ប៉ុន្តែមិនមែនការនោះសម្រេចបានទាំងអស់នោះទេ ព្រោះវាមិនមែនតាមព្រះហឬទ័យនៃព្រះ។ ព្រះជាម្ចាស់មានផែនការសម្រាប់លោកអ្នកតាំងតែពីដើមមកម្លេះ។ លោកអ្នកត្រូវអធិស្ឋានទៅកាន់ទ្រង់ និងស្វែងរកព្រះហឬទ័យនៃព្រះសម្រាប់លោកអ្នក។ ថ្វាយខ្លួនលោកអ្នកទាំងស្រុងដល់ព្រះជាម្ចាស់។

ស្ដាប់ព្រះសូរសៀងព្រះអម្ចាស់

អេសាយ ៣០:២១ បានចែងថា ហើយកាលណាឯងរាល់គ្នាបែរទៅខាងស្តាំ ឬខាងឆ្វេង នោះត្រចៀកនឹងឮពាក្យពីក្រោយឯងថា គឺផ្លូវនេះទេ ចូរដើរតាមនេះវិញ។

នៅពេលដែលលោកអ្នក ធ្វើតាមព្រះហឬទ័យរបស់ព្រះជាម្ចាស់ ទ្រង់នឹងដឹកនាំលោកអ្នកជានិច្ច ហើយទ្រង់ធានានូវអនាគតដ៏ភ្លឺស្វាង។ រំដោះខ្លួនលោកអ្នកពីបញ្ហានេះ ដោយថ្វាយអនាគតរបស់លោកអ្នកទៅកាន់ព្រះហស្តរបស់ព្រះជាម្ចាស់។ ទុកចិត្តទាំងស្រុងលើព្រះជាម្ចាស់សម្រាប់អនាគតរបស់លោកអ្នក។

សេចក្តីអធិស្ឋាន

ឳព្រះអម្ចាស់យេស៊ូវជាព្រះនៃទូលបង្គំអើយ ទូលបង្គំសូមអរព្រះគុណទ្រង់សម្រាប់សេចក្តីស្រឡាញ់ដល់ទូលបង្គំ។ ទូលបង្គំសូមថ្វាយខ្លួន និងអនាគតរបស់ទូលបង្គំនៅក្នុងដៃព្រះហស្តរបស់ទ្រង់។ សូមទ្រង់បានធ្វើអ្វី ទៅតាមបំណងព្រះហឬទ័យរបស់ទ្រង់។ ទូលបង្គំសូមអធិស្ឋានក្នុងព្រះនាមព្រះយេស៊ូវគ្រីស្ទ អាមែន។

ខ្ញុំមានអារម្មណ៍ធ្លាក់ទឹកចិត្ត

Thu, 25 Jul 2024 08:12:14 GMT

ខ្ញុំមានអារម្មណ៍ធ្លាក់ទឹកចិត្ត

មានពេលមួយខ្ញុំមានអារម្មណ៍ថា ខ្ញុំគ្មានគោលបំណងអ្វីសោះនៅក្នុងជីវិត ជីវិតគ្មានន័យ ហើយគ្មាននរណាខ្វាយខ្វល់ និង ស្រឡាញ់ខ្ញុំឡើយ។ នៅក្នុងស្ថានភាពដែលពោរពេញដោយការច្របូកច្របល់នេះ មិនថានៅពេលខ្ញុំចូលគេង ប៉ុន្តែនៅក្នុងខួរក្បាលរបស់ខ្ញុំ រឿងរ៉ាវទាំងអស់នៅតែបន្តអោយខ្ញុំគិតប្រៀបដូចជាខ្សែភាពយន្ត។ វត្តមានរបស់បុគ្គលដែលធ្លាប់ធ្វើអោយខ្ញុំឈឺចាប់ បានលេចឡើងមកក្នុងគំនិតខ្ញុំដូចជាតួសម្តែងក្នុងភាពយន្ត។ ខ្ញុំមិនដឹងត្រូវធ្វើអ្វីទៀតទេ ព្រោះខ្ញុំមិនអាចទ្រាំទ្រជាមួយរឿងរ៉ាវទាំងអស់នេះបន្តទៀតឡើយ។ ខ្ញុំអស់សង្ឃឹម ខ្ញុំបានបាត់បង់នូវទំនុកចិត្តខ្លួនឯងទាំងស្រុង។ ហាក់បីដូចជា ពេលវេលានោះជាយប់ចុងក្រោយក្នុងជីវិតរបស់ខ្ញុំអញ្ចឹង។

ខ្ញុំអត់បានចាំទេថា ខ្ញុំបានគេងលង់លង់តាំងពីពេលណានៅយប់នោះ ក៏ប៉ុន្តែពេលខ្ញុំភ្ញាក់ឡើខ្ញុំបានយកព្រះគម្ពីរមកអាន ពេលដែលខ្ញុំចាប់ផ្តើមអាន ក៏មានខរគម្ពីរមួយលេចមកអោយខ្ញុំឃើញនៅក្នុង យ៉ូហាន ១:១២ ប៉ុន្តែអស់អ្នកណាដែលទទួលទ្រង់ គឺអស់អ្នកដែលជឿដល់ព្រះ‌នាមទ្រង់ នោះទ្រង់បានប្រទានអំណាចឲ្យបានត្រឡប់ជាកូនព្រះ។

ក្រោយពេលដែលខ្ញុំបានអានព្រះបន្ទូលនេះហើយ ចិត្តរបស់ខ្ញុំបានផ្លាស់ប្តូរ ពីព្រោះខ្ញុំបានរកឃើញនូវសេចក្តីសង្ឃឹម ខ្ញុំបានដឹងថាព្រះទ្រង់ជាម្នាក់ដែលខ្ញុំពិតជាត្រូវការនូវទំនាក់ទំនងជាមួយទ្រង់ ពីព្រោះគ្រប់យ៉ាងដែលច្របូកច្របល់ក្នុងចិត្តខ្ញុំ កើតមកពីពាក្យសម្តីរបស់អ្នកដទៃ ដែលបានជះឥទ្ធិពលមកកាន់ខ្ញុំ។

សេចក្តីពិតគ្មានភាពលួងលោមនោះទេ ។ មនុស្សអាចចាប់ផ្តើម នូវការចាប់ផ្តើមធ្វើដំណើរជាថ្មីបាន នៅពេលគេជ្រើសរើសគោលដៅថ្មីខ្លួនគេ។ ពេលនោះខ្ញុំបានរកឃើញទំនាក់ទំនងដ៏ពិតប្រាកដជាមួយព្រះ និងរឿងរ៉ាវចាស់ៗពីអតីតកាល ដែលធ្វើអោយខ្ញុំឈឺចាប់ ត្រូវបានរសាយបាត់ទៅ ដូចបានបង្ហាញក្នុងព្រះបន្ទូល ២កូរិនថូស ៥:១៧ បានជាបើអ្នកណានៅក្នុងព្រះ‌គ្រីស្ទ នោះឈ្មោះថាបានកើតជាថ្មីហើយ អស់ទាំងសេចក្ដីចាស់បានកន្លងបាត់ទៅ មើល គ្រប់ទាំងអស់បានត្រឡប់ជាថ្មីវិញ។

របួសក្នុងចិត្តរបស់ខ្ញុំ បានចាប់ផ្តើមជាសះស្បើយក្នុងពេលដែលខ្ញុំក្លាយជាបុគ្គលរឹងមាំក្នុងព្រះគ្រីស្ទ ដែលទ្រង់បានធ្វើការក្នុងដួងចិត្តដ៏ប្រេះស្រាំរបស់ខ្ញុំ។ ពីព្រោះព្រះ នឹងផ្លាស់ប្រែអ្វីៗអោយបានស្រស់បំព្រងឡើងវិញ នៅពេលវេលាដែលល្អបំផុត។ ខ្ញុំបានឃើញការផ្លាស់ប្តូរជីវិតរបស់ខ្ញុំ ខ្ញុំពិតជាត្រូវការទ្រង់ណាស់។

មានមនុស្សជាច្រើនដែលកំពុងសោកសៅក្នុងជីវិត ហើយអស់សង្ឃឹម ពីព្រោះយើងមិនអាចលើកបន្ទុកទាំងអស់នេះតែម្នាក់ឯងបានឡើយ ។

បើសិនយើត្រូវការ ការសម្រាកដ៏ពិតប្រាកដ យើងត្រូវស្វែងរកព្រះអង្គ ហើសំរាកក្នុងវត្តមានទ្រង់ដូចបានបង្ហាញក្នុងព្រះគម្ពីរ ម៉ាថាយ ១១:២៨-២៩ អស់អ្នកដែលនឿយព្រួយ ហើយផ្ទុកធ្ងន់អើយ ចូរមកឯខ្ញុំ ខ្ញុំនឹងឲ្យអ្នករាល់គ្នាឈប់សំរាក ចូរទទួលនឹមខ្ញុំ ហើយរៀននឹងខ្ញុំចុះ ដ្បិតខ្ញុំស្លូត ហើយមានចិត្តសុភាព នោះអ្នករាល់គ្នានឹងបានសេចក្ដីសំរាកដល់ព្រលឹង។

ប្រសិនបើលោកអ្នកកំពុងប្រឈមមុខនឹងបញ្ហាដូចខ្ញុំ សូមលោកអ្នកចូលមកស្វែងរកព្រះ និង ថ្វាយរាល់បន្ទុកបញ្ហាទៅកាន់ទ្រង់។ ប្រសិនទំនាក់ទំនងរបស់អ្នកជាមួយព្រះមានភាពរឹងមាំ ទ្រង់នឹងផ្ទុកបន្ទុកបញ្ហាជំនួសលោកអ្នក លោកអ្នកនឹងពេញដោយក្តីស្រឡាញ់ និងសេចក្តីសុខសាន្តដ៏ពិតប្រាកដ។

សេចក្តីអធិស្ឋាន

សូមព្រះយេស៊ូវគ្រីស្ទបានព្យាបាលដួងចិត្ត ដែលបានប្រេះស្រាំរបស់ទូលបង្គំផង បំពេញចិត្តកូននូវសេចក្តីសុខសាន្ត និង អំណរ ដែលមានតែមកពីទ្រង់ទេក្នុងពេលដ៏លំបាកនេះ ទូលបង្គំចង់នៅជាមួយទ្រង់ជារៀងរហូតតទៅ ទូលបង្គំជឿថាមានតែទ្រង់ទេ ដែលអាចព្យាបាលទូលបង្គំបាន ទូលបង្គំសូមអធិស្ឋានក្នុងព្រះនាមព្រះយេស៊ូវគ្រីស្ទ អាមែន។

ការដោះស្រាយភាពថប់បារម្ភ

Thu, 25 Jul 2024 07:12:36 GMT

ការដោះស្រាយភាពថប់បារម្ភ

សេចក្តីណែនាំ

តើលោកអ្នកមកខ្លួនឯងថា ខ្លួនឯងកំពុងមានអារម្មណ៍តប់ប្រមល់ អន្ទះអន្ទែង និងអស់កម្លាំងមែនទេ? តើការថប់បារម្ភបានក្លាយជាទម្លាប់ប្រចាំថ្ងៃរបស់លោកអ្នកមែនទេ? ប្រសិនបើអារម្មណ៍នោះ ជាការដែលលោកអ្នកកំពុងប្រឈមមុខមែន ខ្ញុំចង់ប្រាប់ដល់លោកអ្នកថា មានតែវិធីដែលអាចជួយដល់លោកអ្នក អោយចាកចេញពីស្ថានភាពនេះបាន។

ជារៀងរាល់ថ្ងៃយើងកំពុងប្រឈមមុខនឹងការលំបាកមួយចំនួន ខណៈពេលដែលយើងកំពុងរស់នៅក្នុងពិភពលោកនេះ។ ជាច្រើនដង យើងមិនអាចគ្រប់គ្រងស្ថានភាពនោះបាន ហើយយើងមានអារម្មណ៍អស់សង្ឃឹម និងគ្មានសេចក្តីសុខសាន្តនៅក្នុងស្ថានភាពនោះ។

ចូរកុំអស់សង្ឃឹម ប្រសិនបើរឿងនោះកើតឡើងចំពោះលោកអ្នកមែន ប្រសិនបើលោកអ្នកជួបប្រទះស្ថានភាពបែបនោះញឹកញាប់ ឬជារៀងរាល់ថ្ងៃ នោះពិតណាស់លោកអ្នកត្រូវការជំនួយ។ លោកអ្នកគួរថ្វាយរាល់ទាំងបន្ទុកនោះដល់ព្រះជាម្ចាស់ ពីព្រោះព្រះអង្គទ្រង់ជ្រាបពីស្ថានភាព និងទុក្ខលំបាករបស់លោកអ្នក ហើយអាចជួយលោកអ្នកបាន...

ព្រះយេស៊ូវគ្រីស្ទទ្រង់អាចជួយលោកអ្នកបាន។ ទាំងនេះគឺជាចំណុចមួយចំនួនដែលជួយដល់លោកអ្នក អំពីរបៀបដែលលោកអ្នកអាចទុកចិត្តដល់ព្រះជាម្ចាស់បាន។

ថ្វាយការថប់បារម្ភរបស់លោកអ្នកដល់ព្រះ

នៅពេលដែលអំពើបាបបានចូលមកក្នុងលោកិយនេះ ព្រះជាម្ចាស់ទ្រង់ជ្រាបថា ជីវិតរបស់មនុស្សនឹងមិនងាយស្រួលនោះទេ។ ប៉ុន្តែទ្រង់បានប្រទានការសន្យាថា ទ្រង់នឹងមិនធ្វើឱ្យចូលក្នុងស្ថានភាពដ៏អាក្រក់លើសពីកម្លាំងរបស់យើងឡើយ។ បើយើងទុកចិត្តដល់ទ្រង់ នោះទ្រង់នឹងប្រទានសេចក្តីសុខសាន្តដល់យើង។

ភីលីព ៤:៦-៧ កុំឲ្យខ្វល់‌ខ្វាយអ្វីឡើយ ចូរទូលដល់ព្រះ ឲ្យជ្រាបពីសេចក្ដីសំណូមរបស់អ្នករាល់គ្នាក្នុងគ្រប់ការទាំងអស់ ដោយសេចក្ដីអធិស្ឋាន នឹងពាក្យទូលអង្វរ ទាំងពោលពាក្យអរព្រះ‌គុណផង យ៉ាងនោះ សេចក្ដីសុខ‌សាន្តរបស់ព្រះ ដែលហួសលើសពីអស់ទាំងគំនិត នឹងជួយការ‌ពារចិត្ត ហើយនឹងគំនិតរបស់អ្នករាល់គ្នា ក្នុងព្រះ‌គ្រីស្ទយេស៊ូវ។

១ ពេត្រុស ៥:៧ ហើយចូរផ្ទេរគ្រប់ទាំងសេចក្ដីទុក្ខព្រួយរបស់អ្នករាល់គ្នាទៅលើទ្រង់ ដ្បិតទ្រង់តែងយកព្រះ‌ទ័យទុកដាក់នឹងអ្នករាល់គ្នា។

ព្រះទ្រង់គង់ជាមួយនឹងលោកអ្នកជានិច្ច

នៅពេលដែលលោកអ្នកមានបញ្ហានៅក្នុងជីវិត ចូរនឹកចាំពីសេចក្តីសន្យារបស់ព្រះដែលទ្រង់បានមានព្រះបន្ទូលនៅក្នុងព្រះគម្ពីរ។ ខគម្ពីរទាំងនោះនឹងរំលឹកដល់លោកអ្នកថា លោកអ្នកត្រូវតែជឿទុកចិត្តដល់ទ្រង់។ មិនថាលោកអ្នកឆ្លងកាត់ស្ថានភាពបែបណានោះទេ ព្រះជាម្ចាស់នឹងថែរក្សា និងមើលថែលោកអ្នកជានិច្ច។

ទំនុកតម្កើង ៥៥:២២ ចូរផ្ទេរបន្ទុករបស់អ្នកទៅលើព្រះ‌យេហូវ៉ា នោះទ្រង់នឹងជួយទប់‌ទល់អ្នក ទ្រង់មិនព្រមឲ្យមនុស្សសុចរិតត្រូវរង្គើឡើយ។

សុភាសិត ៣:៥-៦ ចូរទីពឹងដល់ព្រះ‌យេហូវ៉ាឲ្យអស់អំពីចិត្ត កុំឲ្យពឹងផ្អែកលើយោបល់របស់ខ្លួនឡើយ ត្រូវឲ្យទទួលស្គាល់ទ្រង់នៅគ្រប់ទាំងផ្លូវឯងចុះ នោះទ្រង់នឹងដំរង់អស់ទាំងផ្លូវច្រករបស់ឯង។

ព្រះជាម្ចាស់ទ្រង់ក៏បានសន្យាដែលថា ទ្រង់នឹងប្រទានការកំសាន្តចិត្តដល់យើងផងដែរ។ ពេលដែលចិត្តរបស់លោកអ្នកច្របូកច្របល់ នោះចូរអធិស្ឋានទៅកាន់ព្រះជាម្ចាស់ដើម្បីអោយដួងចិត្តរបស់យើងបានបំពេញដោយសេចក្តីសុខសាន្ត អំណរដែលព្រះជាម្ចាស់បានសន្យានឹងបំពេញអោយ។ ដោយសារទ្រង់បានសន្យាថា គ្រប់ការទាំងអស់ផ្សំគ្នា សំរាប់សេចក្ដីល្អដល់ពួកអ្នកដែលស្រឡាញ់ព្រះ គឺដល់ពួកអ្នកដែលទ្រង់ហៅមក តាមព្រះ‌ដំរិះទ្រង់។

សេចក្តីអធិស្ឋាន

ឳព្រះវរបិតាដែលគង់នៅស្ថានសួគ៌ដ៏ខ្ពស់បំផុតអោយ ទូលបង្គំមានខ្វល់ខ្វាយ និងពោរពេញដោយភាពភ័យខ្លាច។ ទូលបង្គំបានព្យាយាមព្យាដោះស្រាយវាដោយខ្លួនឯង ប៉ុន្តែវាមិនអាចជួយទូលបង្គំបានទេ។ សូមប៉ះពាល់ទូលបង្គំដោយព្រះវត្តមានរបស់ទ្រង់ ហើយជួយអោយដួងចិត្តរបស់ទូលបង្គំបានពេញដោយសេចក្តីសុខសាន្ត។ ទូលបង្គំដឹងថា ព្រះអង្គស្រលាញ់ទូលបង្គំ ហើយជ្រាបពីបញ្ហារបស់ទូលបង្គំ។ ទូលបង្គំសូមអធិស្ឋាននៅក្នុងព្រះនាម ព្រះយេស៊ូវគ្រីស្ទ អាមែន។

តើយើងអាចយកឈ្នះអំពើបាបបានដោយរបៀបណា?

Mon, 22 Jul 2024 02:29:32 GMT

តើយើងអាចយកឈ្នះអំពើបាបបានដោយរបៀបណា?

តើលោកអ្នកធ្លាប់មានអារម្មណ៍ថា ខ្លួនឯងកំពុងរស់នៅក្នុងជីវិតមួយដែលពោរពេញដោយអំពើបាបដែររឬទេ?

តើអំពើបាបបានក្លាយទៅជាទម្លាប់មួយ ដែលលោកអ្នកតែងតែប្រព្រឹត្ត ហើយលោកអ្នកមិនដឹងថាត្រូវធ្វើដូចម្តេច ដើម្បីយកវាចេញពីជីវិតរបស់លោកអ្នកមែនទេ ?

ទោះបីជាលោកអ្នកសម្រេចចិត្តថាមិនប្រព្រឹត្តអំពើបាបក៏ដោយ ក៏លោកអ្នកនៅតែបន្តធ្វើវាដោយមិនអាចគ្រប់គ្រងខ្លួនឯងបាន ហើយបន្ទាប់មកលោកអ្នកក៏មានអារម្មណ៍ថាស្តាយក្រោយ ហើយត្រូវការការអត់ទោស។

មានពេលខ្លះ យើងដឹងថាអ្វីដែលយើងធ្វើជាភាពមិនត្រឹមត្រូវ ប៉ុន្តែយើងមិនអាចបញ្ឈប់ខ្លួនឯងបាន។ យើងខិតខំយ៉ាងខ្លាំង ដើម្បីកែប្រែខ្លួនឯង ហើយព្យាយាមដកយករាល់ទម្លាប់មិនល្អចេញពីជីវិតរបស់យើង ប៉ុន្តែនៅទីបំផុតយើងនៅតែមិនអាចធ្វើវាបាន។ ត្រូវចាំថា មានខ្មាំងសត្រូវ ដែលវាតែងតែធ្វើគ្រប់យ៉ាងដែលវាអាចធ្វើទៅបាន ដើម្បីអោយយើង អស់សង្ឃឹម ជាប់ក្នុងបញ្ហា និង ស្ថានភាពមិនល្អ ដែលយើងកំពុងជួបប្រទះ ជាពិសេសធ្វើអោយយើង ឃ្លាតឆ្ងាយពីព្រះវត្តមានរបស់ព្រះជាម្ចាស់ ។

ប៉ុន្តែព្រះគម្ពីរបានប្រាប់យើងយ៉ាងច្បាស់ ពីរបៀបដែលយើងអាចយកឈ្នះអំពើបាបបាន។

ជឿថាព្រះយេស៊ូវគ្រីស្ទជាព្រះដ៏ពិត

ត្បិតនៅក្នុងព្រះគម្ពីរ រ៉ូម ១០:៩ បានចែងមកថា

បើមាត់អ្នកនឹងទទួលថ្លែងប្រាប់ពីព្រះអម្ចាស់យេស៊ូវ ហើយអ្នកជឿក្នុងចិត្តថា ព្រះបានប្រោសឲ្យទ្រង់រស់ពីស្លាប់ឡើងវិញ នោះអ្នកនឹងបានសង្គ្រោះពិត។

បើសិនជានរណាម្នាក់ ចង់ទទួលបាននូវសេចក្តីសង្រ្គោះ ហើយមានសេរីភាពពីអំពើបាប យើងត្រូវ ជឿចេញពីក្នុងចិត្ត ហើយ ថ្លែងប្រាប់ថា ព្រះយេស៊ូវគ្រីស្ទជាព្រះដ៏ពិត ទ្រង់ជាព្រះសង្គ្រោះនៃមនុស្សលោក។

តើការទាំងអស់នេះមានន័យបែបណា ?

គឺយើងត្រូវស្តាប់បង្គាប់ ដើរតាម និងរស់នៅតាមការបង្រៀនរបស់ព្រះអង្គ។

ព្រះទ្រង់អាចលាងសំអាតយើងចេញពីអំពើបាប

នៅក្នុងព្រះគម្ពីរ ១យ៉ូហាន ១:៩ បានចែងថា បើយើងលន់តួបាបវិញ នោះទ្រង់មានព្រះហឫទ័យស្មោះត្រង់ ហើយសុចរិត ប្រយោជន៍នឹងអត់ទោសបាបឲ្យយើង ហើយនិងសំអាតយើង ពីគ្រប់អំពើទុច្ចរិតទាំងអស់ផង។

ព្រះទ្រង់អត់ទោសដល់យើងរាល់គ្នា ដោយសារការ លះបង់របស់ព្រះយេស៊ូវគ្រីស្ទ ហើយយើងអាចផ្លាស់ប្តូរខ្លួនឯងបាន ដោយមានព្រះអង្គដែលតែងតែគង់ជាមួយយើង ទ្រង់ចាំជួយ ហើយប្រទានម្លាំងដល់យើង។

ទុកព្រះបន្ទូលព្រះក្នុងដួងចិត្តរបស់យើង

មួយវិញទៀតក្នុងព្រះគម្ពីរទំនុកដំកើង ១១៩:១១ បានចែងទូលបង្គំបានកំណត់ចាំព្រះបន្ទូលទ្រង់ទុកនៅក្នុងចិត្តប្រយោជន៍កុំឲ្យទូលបង្គំធ្វើបាបនឹងទ្រង់ឡើយ។

វិធីសាស្ត្រមួយ ដែលអាចជួយយើងអោយឈប់ប្រព្រឹត្តអំពើបាបតទៅទៀតបាន នោះគឺការចងចាំនូវខរព្រះម្ពីរ និង បញ្ញត្តិរបស់ព្រះ ដែលបានចែងមក ហើយតែងតែយកមកគិតក្នុងចិត្ត នោះប្រាកដណាស់ព្រះវិញ្ញាណបរិសុទ្ធនឹងជួយយើង អោយបានផ្លាស់ប្តូរខ្លួនឯង ហើយយកឈ្នះនូវរាល់អំពើបាបរបស់យើងបាន។

សេចក្តីអធិស្ឋាន

ឳព្រះអម្ចាស់ជាព្រះនៃទូលបង្គំអើយ ទូលបង្គំសូមអរព្រះគុណព្រះអង្គដែលស្រឡាញ់ទូលបង្គំ។ ព្រះអង្គអើយ ទូលបង្គំទូលសូមដើម្បីអោយទ្រង់បានអត់ទោសអំពើបាបដល់ទូលបង្គំ ព្រមទាំងសូមលាងសំអាតបង្គំចេញពីភាពកង្វក់នៃអំពើបាបរបស់ទូលបង្គំ អោយបានស្អាតបរិសុទ្ធនៅក្នុងទ្រង់ ព្រមទាំងជួយកុំអោយបង្គំបានប្រព្រឹត្តអំពើបាបម្តងហើយម្តងទៀតទាស់នឹងទ្រង់ឡើយ។

ទូលបង្គំសូមអធិស្ឋានក្នុងព្រះនាមព្រះយេស៊ូវគ្រីស្ទ អាមែន។

ពង្រឹងទំនាក់ទំនងអាពាហ៍ពិពាហ៍

Fri, 19 Jul 2024 04:46:09 GMT

ពង្រឹងចំណងអាពាហ៍ពិពាហ៍

អាពាហ៍ពិពាហ៍គឺជាទំនាក់ទំនងដំបូងបំផុត ដែលព្រះជាម្ចាស់បានបង្កើតនៅក្នុងពិភពលោកនេះ។ នៅពេលដែលព្រះជាម្ចាស់បង្កើតអ័ដាម ព្រះយេហូវ៉ាដ៏ជាព្រះទ្រង់មានព្រះបន្ទូលថា ដែលមនុស្សនេះនៅតែម្នាក់ឯង នោះមិនស្រួលទេ។ ដូច្នេះ ព្រះជាម្ចាស់បានបង្កើតអេវ៉ាសម្រាប់ជាជំនួយដល់អ័ដាម ដើម្បីអោយនាងអាចធ្វើជាជំនួយ និងជាដៃគូរបស់គាត់។ នេះគឺជាទំនាក់ទំនងដ៏បរិសុទ្ធ និងរឹងមាំ។

ប៉ុន្តែដូចជាទំនាក់ទំនងផ្សេងទៀតដែរ ទំនាក់ទំនងអាពាហ៍ពិពាហ៍តែងតែមានការឡើងចុះ។ តើមានពេលមួយដែលលោកអ្នកគិតថា អាពាហ៍ពិពាហ៍ពិបាកជាងការរំពឹងទុក ឬពិបាកជាងការចង់បានរបស់លោកអ្នកដែរឬទេ?

នេះជាអ្វីដែលត្រូវយើងត្រូវចាំ៖ ការនោះវាមិនមែនជាបញ្ហាទេ បញ្ហាស្ថិតនៅលើរបៀបដែលលោកអ្នកដោះស្រាយជាមួយវា ។ លោកអ្នកប្រហែលជាកំពុងធ្វើខុសដោយការពិភាក្សាអំពីបញ្ហាមូលដ្ឋានខ្លាំងពេក រហូតធ្វើឱ្យរឿងនោះកាន់តែលំបាក។ ប្រហែលជាមុខរបររបស់លោកអ្នកកំពុងកាន់កាប់ជីវិតរបស់លោកអ្នក។ ហើយលោកអ្នកពិបាកក្នុងរកពេល សម្រាប់គ្រួសាររបស់លោកអ្នក ប្រហែលជាលោកអ្នកមានបញ្ហាជាមួយការនឹងការទុកចិត្ត លោកអ្នកធុញទ្រាន់នឹងការនិយាយកុហក បោកប្រាស់ ហើយលោកអ្នកគិតថាលោកអ្នកកំពុងព្យាយាមរក្សាទំនាក់ទំនងនេះដោយខ្លួនឯង ប៉ុន្តែនៅតែគ្មានអ្វីប្រសើរឡើង។

ខ្ញុំចង់ប្រាប់ទៅកាន់លោកអ្នកថា មានដំណោះស្រាយសម្រាប់បញ្ហាទាំងអស់នេះ។ ព្រះគម្ពីរទំនុកដំកើង និងក័ណ្ឌគម្ពីរដំណឹងល្អ បានបង្រៀនយើងអំពីរបៀប និងជំហាន ការការអនុវត្តដែលលោកអ្នកអាចធ្វើតាមក្នុងជីវិតប្រចាំថ្ងៃរបស់លោកអ្នក នឹងជួយដល់លោកអ្នកអោយបង្កើតនូវទំនាក់ទំនងរឹងមាំជាមួយនឹងគ្រួសាររបស់លោកអ្នកបាន។

បើលោកអ្នកមានបញ្ហាក្នុងជីវិតអាពាហ៍ពិពាហ៍ ហើយខ្វះការទុកចិត្តគ្នាទៅវិញទៅមក ឬក៏មានការកុហក ឬមានបញ្ហាផ្សេងទៀតនៅក្នុងទំនាក់ទំនងអាពាហ៍ពិពាហ៍របស់លោកអ្នក សូមលោកអ្នកបានមើលនូវខព្រះគម្ពីរខាងក្រោមនេះ៖

ព្រះគម្ពីរអេភេសូ ៤:២-៣ ព្រមទាំងមានចិត្តសុភាព ហើយស្លូតបូតគ្រប់ជំពូកទាំងអត់ធ្មត់ ហើយទ្រាំទ្រគ្នាទៅវិញទៅមក ដោយស្រឡាញ់ ហើយខំប្រឹងរក្សាសេចក្តីរួបរួមគ្នារបស់ព្រះវិញ្ញាណ ដោយសេចក្តីមេត្រី ទុកជាចំណងផង។

ការចេះសម្រុះសម្រួល

ការចេះសម្រុះសម្រួលគ្នា គឺជាមូលដ្ឋាននៃអាពាហ៍ពិពាហ៍។ ទំនាក់ទំនងអាពាហ៍ពិពាហ៍កាន់តែរឹងមាំឡើង និងមានភាពស្រស់ស្អាត នៅពេលដែលោកអ្នកយល់ពីអារម្មណ៍ទាំងនោះ និងអាម្មណ៍របស់ដៃគូ ហើយចេះទ្រាំទ្រនូវភាពខ្វះខាត និងភាពទន់ខ្សោយរបស់គ្នាទៅវិញទៅមក។ កុំគិតថាអ្នកដ៏ទៃនឹងអាចយល់ពីលោកអ្នកបានគ្រប់ពេល ប៉ុន្តែលោកអ្នកត្រូវព្យាយាមស្វែងយល់ពីខ្លួនឯង។

សេចក្តីស្រលាញ់ជាអត្ថិភាព

១កូរិនថូស ១៣:៤-៥ ឯសេចក្តីស្រឡាញ់តែងតែអត់ធ្មត់ ហើយក៏សប្បុរស សេចក្តីស្រឡាញ់មិនចេះឈ្នានីស មិនចេះអួតខ្លួន ក៏មិនដែលមានចិត្តធំផង មិនដែលប្រព្រឹត្តបែបមិនគួរសម មិនដែលរកប្រយោជន៍ផ្ទាល់ខ្លួន មិនរហ័សខឹង មិនប្រកាន់ទោស។

សេចក្តីស្រលាញ់មានសារៈសំខាន់ណាស់ នៅក្នុងជីវិតអាពាហ៍ពិពាហ៍។ ពីព្រោះបើយោងទៅតាមលក្ខណៈនៃសេចក្តីស្រលាញ់ដែលមានចែងនៅក្នុងព្រះគម្ពីរ នៅពេលដែលលោកអ្នកស្រលាញ់ដល់ដៃគូរបស់លោកអ្នក នោះមានន័យថា លោកអ្នកកំពុងចិញ្ចឹមទំនាក់ទំនងនោះអោយបានល្អហើយ។

សារៈសំខាន់នៃការអធិស្ឋាន

ការអធិស្ឋាន គឺជាធាតុសំខាន់ណាស់ក្នុងការរក្សាទំនាក់ទំនងអាពាហ៍ពិពាហ៍។ ចំណុចដែលបានរៀបរាប់ខាងលើ ជាអ្វីដែលលោកអ្នកត្រូវអនុវត្ត ដើម្បីថែរក្សាទំនាក់ទំនងអាពាហ៍ពិពាហ៍អោយបានល្អ ទើបលោកអ្នកអ្នកប្រកបជាមួយព្រះ និងដៃគូរបស់លោកអ្នកបាន។ ការអធិស្ឋានរៀងរាល់ថ្ងៃ គឺដើម្បីអោយលោកអ្នកដែលធ្វើអោយលោកអ្នកកាន់តែមានក្តីស្រលាញ់ ភាពអត់ធ្មត់ និងការចេះសម្រុះសម្រួលគ្នាទៅវិញទៅមក។

ការលែងលះ

Thu, 18 Jul 2024 06:48:15 GMT

ការលែងលះ (ខ្ញុំមានអារម្មណ៍ខឹង ខ្មាស់អៀន និង ឯកា)

តើលោកអ្នកមានអារម្មណ៍ថាឯកា និងខ្មាស់អៀនព្រោះតែការលែងលះមែនទេ? ប្រសិនជាអ្នកមានអារម្មណ៍បែបនេះ ចូរចងចាំថា នេះមិនមែនជាដំណោះស្រាយនៃបញ្ហាទេ ថ្ងៃនេះខណៈពេលដែលលោកអ្នកចាប់ផ្តើមអាន លោកអ្នកអាចនឹងខ្មាស់អៀន ព្រមទាំងមានអារម្មណ៍អាម៉ាស់ វិប្បដិសារី បរាជ័យ និង ឯកា។

លើសពីនេះទៅទៀត ប្រហែលជាថ្ងៃនេះលោកអ្នកកំពុងតែអោបក្រសោបជាមួយនឹងការឈឺចាប់ម្នាក់ឯង គ្មាននរណាដឹងឡើយ។ ព្រោះលោកអ្នកកំពុងប្រឈមមុខនឹងការអៀនខ្មាស់ ភាពភ័យខ្លាច ដែលលោកអ្នកមិនមែនជាអ្នកខុស ក៏ប៉ុន្តែត្រូវទទួលការដាក់ទណ្ឌកម្មចំពោះអំពើខុសរបស់អ្នកដ៏ទៃ និងអំពើបាបរបស់ពួកគេទៅវិញ។ អារម្មណ៍នៃការស្តីបន្ទោសតែងតែលេចឡើងក្នុងគំនិតរបស់លោកអ្នកជានិច្ច និងការឈឺចាប់ដែលលោកអ្នកមានជារៀងរាល់ថ្ងៃ។

ប្រាកដណាស់ ខ្ញុំកំពុងនិយាយអំពីការលែងលះ ការលែងលះដែលមិនមែនជាកំហុសរបស់លោកអ្នក ប៉ុន្តែនៅទីបញ្ចប់លោកអ្នកត្រូវបានទទួលរងនូវភាពឈឺចាប់ ការមើលងាយចំពោះអ្វីដែរលោកអ្នកមិនបានធ្វើ ហើយលោកអ្នកបានក្លាយជាអ្នកខុសទៅវិញ។ គ្រប់យ៉ាងជាកំហុសទាំងស្រុងរបស់អតីតប្តីរបស់លោកអ្នក។ ពីព្រោះលោកអ្នកបានព្យាយាមខ្លាំងណាស់ ដើម្បីរក្សាទំនាក់ទំនងគ្រួសារអោយបានល្អ។

ក៏ប៉ុន្តែសំណួរនោះ គឺហេតុអ្វីបានជាអ្នកស្ថិតក្នុងស្ថានភាពបែបនេះ? នេះជាសំណួរដែលលោកអ្នកត្រូវសួរខ្លួនឯង នៅថ្ងៃនេះហើយស្វែងរកនូវចម្លើយ។ តើលោកអ្នកបានលែងលះប្តីដោយស្ម័គ្រចេញអំពីចិត្តខ្លួនឯង រឺ គាត់ជាអ្នកលែងលះលោកអ្នក ? តើលោកអ្នកធ្លាប់គិតពីមុនទេថា នឹងត្រូវលែងលះគាត់ក្រោយពេលរៀបការ?

ប្រាកដណាស់ គ្មានមនុស្សស្រីណាគិតពីរឿងលែងលះគ្នាក្រោយពេលរៀបការឡើយ។ មនុស្សស្រីគ្រប់រូបសុទ្ធសឹងតែព្យាយាមរក្សាទំនាក់ទំនងនេះអោយបានល្អបំផុត ហើយលោកអ្នកបានធ្វើវាហើយ។

ប៉ុន្តែប្រសិនបើលោកអ្នកបានធ្លាក់ចូលក្នុងស្ថានភាពបែបនេះហើយ ចូរកុំអស់សង្ឃឹម ព្រោះខ្ញុំមានដំណឹងល្អមួយសម្រាប់លោកអ្នក។ ប្រហែលជាមនុស្សគ្រប់គ្នាបានផ្លាស់ប្តូរនៅពេលនេះ ប៉ុន្តែខ្ញុំចង់ប្រាប់លោកអ្នកថា ព្រះជាម្ចាស់នៅតែស្រឡាញ់អ្នកមិនដែលប្រែប្រួលឡើយ ហើយព្រះអង្គបានជ្រាបពីទុក្ខកង្វល់របស់លោកអ្នក ហើយទ្រង់តែងតែថែរក្សាលោកអ្នក។

ហើយរាល់ទាំងការខ្មាស់អៀនដែលលោកអ្នកកំពុងមាននឹងត្រូវបញ្ចប់។ ព្រះអង្គមិនសព្វព្រះហឬទ័យនឹងនឹងការលែងលះទេ ហើយទ្រង់ក៏មិនពេញចិត្តអ្នកដែលជិះជាន់ដូចគ្នា។ ប្រសិនបើលោកអ្នកនៅតែមានអារម្មណ៍ស្តាយក្រោយ ហើយពិបាក ប៉ុន្តែបច្ចុប្បន្នលោកអ្នកបានបញ្ចប់នូវទំនាក់ទំនងនោះហើយ លោកអ្នកអាចសុំការអត់ទោសពីព្រះអង្គបាន។

ពីព្រោះសេចក្តីមេត្តាករុណារបស់ព្រះអង្គ គឺតែងតែមានចំពោះលោកអ្នក។ ហើយព្រះអង្គទ្រង់អត់ទោសដល់លោកអ្នកជានិច្ច។

ព្រះគុណរបស់ព្រះជាម្ចាស់ធំជាងកំហុសរបស់យើង ព្រះអង្គទ្រង់មានផែនការដ៏ល្អសម្រាប់ជីវិតរបស់លោកអ្នក ហើយអ្វីដែលលោកអ្នកជួបអាចជាផ្នែកមួយនៃផែនការដ៏អស្ចារ្យរបស់ព្រះ។ ហើយព្រះអង្គមានអំណាចក្នុងការដកចេញនូវ អារម្មណ៍ខឹង ខ្មាស់អៀន ភាពឯកា ដែលលោកអ្នកកំពុងប្រឈមមុខដោយសារ ស្ថានភាពនៃជីវិតរបស់លោកអ្នក។ ព្រះអង្គចង់ស្តារជីវិតរបស់លោកអ្នកឡើងវិញ ពីព្រោះទ្រង់ស្រឡាញ់ ព្រមទាំងយកព្រះទ័យទុកដាក់ និង ថែរក្សាលោកអ្នក។

ដូច្នេះ សូមអធិស្ឋានទៅកាន់ព្រះឥឡូវនេះ ព្រមទាំងថ្វាយរាល់បន្ទុក បញ្ហា ការខ្មាសអៀន ភាពភ័យខ្លាច និង អារម្មណ៍ឯកាទៅកាន់ទ្រង់ ហើយទុកចិត្ត និងមានជំនឿថា ទ្រង់មិនបោះបង់លោកអ្នកឡើយ ព្រះអង្គនឹងជួយលោកអ្នក ។ ប្រសិនបើលោកអ្នកគិតថា លោកអ្នកចង់សម្រេចចិត្ត ជឿ ហើយថ្វាយជីវិតរបស់លោកអ្នកទៅកាន់ព្រះអង្គ ដើម្បីអោយទ្រង់ដឹកនាំផ្លូវលោកអ្នកចាប់ពីថ្ងៃនេះ សូមអធិស្ឋានតាមលំនាំអធិស្ឋាននៅខាងក្រោមនេះ។

សេចក្តីអធិស្ឋាន

ខ្ញុំសូមអរព្រះគុណព្រះអម្ចាស់ ដែលទ្រង់មិនដែលភ្លេចទូលបង្គំឡើយ។ ថ្ងៃនេះ ពេលនេះទូលបង្គំកំពុងប្រឈមមុខនឹងស្ថានភាពដ៏លំបាកក្នុងជីវិត ព្រះអង្គបានឹកចាំពីទូលបង្គំ ព្រមទាំងប្រទាននូវក្តីស្រឡាញ់មកកាន់ទូលបង្គំ ជាមួយព្រះបន្ទូលរបស់ទ្រង់ ពីថ្ងៃនេះតទៅ ទូលបង្គំជឿ ហើយទុកចិត្តទ្រង់ ទូលបង្គំសូមថ្វាយជីវិតរបស់ទូលបង្គំដល់ព្រះអង្គ សូមទ្រង់បានដឹកនាំ និងធ្វើតាមព្រះហឫទ័យរបស់ទ្រង់ ចាប់ពីថ្ងៃនេះតទៅ ក្នុងព្រះនាមព្រះយេស៊ូគ្រីស្ទ។ អាមែន។

សុំការអត់ទោស

Thu, 18 Jul 2024 03:20:51 GMT

បើខ្ញុំធ្វើខុសចំពោះនរណាម្នាក់ តើខ្ញុំអាចទទួលការអត់ទោសពីគេដែរឬទេ?

សេចក្តីផ្តើម

យើងទាំងអស់គ្នាសុទ្ធតែដឹងហើយថា តើយើងមានអារម្មណ៍យ៉ាងណា នៅពេលដែលយើងដើរសុខៗតាមផ្លូវស្រាប់តែឃើញមនុស្សម្នាក់ ដែលយើងធ្លាប់ធ្វើអោយគេឈឺចាប់។ យើងពិតជាមិនចង់ជួបពួកគេទេ ហើយនៅពេលនោះប្រហែលជាយើងគេចចេញពីពួកគេថែមទៀតផង។ ការពិតទៅ នៅពេលដែលយើងធ្វើខុសចំពោះនរណាម្នាក់ វាធ្វើអោយទំនាក់ទំនងរបស់ពួកយើងបានត្រូវបំផ្លាញ។ តើយើងត្រូវធ្វើយ៉ាងណាដើម្បីជួសជុលស្ថានភាពនោះ? អរព្រះគុណព្រះ ដែលទ្រង់បានប្រទានព្រះបន្ទូលដ៏អស្ចារ្យរបស់ទ្រង់ជាប្រាជ្ញា ដើម្បីជួយដល់យើង។

១. វាពិបាកនៅក្នុងបិទបាំងកំហុស និងអំពើបាបរបស់យើង

យើងអាចរស់នៅក្នុងជីវិតដែលស្ងប់សុខដោយដើរចេញពីមនុស្សដែលយើងបានធ្វើខុសបាន។ យើងប្រហែលជាមានអារម្មណ៍ថា យើងមិនអាចទទួលយកកំហុសរបស់យើងបានទេ។ បើយើងរស់នៅក្នុងជីវិតបែបនោះ នោះយើងប្រឆាំងជាមួយនឹងកិច្ចការរបស់ព្រះជាម្ចាស់ហើយ។

នៅក្នុងព្រះគម្ពីរ ១ពេត្រុស ៥:៦ ដូច្នេះ ចូរឲ្យអ្នករាល់គ្នាបន្ទាបខ្លួន នៅក្រោមព្រះហស្តដ៏ពូកែរបស់ព្រះចុះ ដើម្បីឲ្យទ្រង់បានដំកើងអ្នករាល់គ្នាឡើង នៅវេលាកំណត់។

២. សេចក្តីពិតនោះគឺថា យើងសុទ្ធតែមានកំហុស ហើយធ្វើអោយអ្នកដទៃឈឺចាប់

ព្រះគម្ពីរទំនុកដំកើង ១៤:៣ បានចែងថា៖ តែគ្រប់គ្នាបានវង្វេងចេញ បានត្រឡប់ទៅជាស្មោកគ្រោកទាំងអស់គ្មានអ្នកណាមួយដែលប្រព្រឹត្តល្អឡើយសូម្បីតែ១ក៏គ្មានផង។

ព្រះគម្ពីររ៉ូម ៣:២៣ ពីព្រោះគ្រប់គ្នាបានធ្វើបាប ហើយខ្វះមិនដល់សិរីល្អនៃព្រះ។

យើងត្រូវតែទទួលស្គាល់ថា យើងទាំងអស់គ្នាបានខូច ដោយព្រោះអំពើបាប ការរៀនសុំអោយអ្នកដទៃបានអត់ទោសដល់យើង ជាអ្វីដែលយើងត្រូវធ្វើ ។

៣. ការសុំការអភ័យទោសបើកទ្វារទៅរកសេចក្ដីមេត្តាករុណា

ពេលយើងសុំការអភ័យទោសពីអ្នកដទៃ យើងកំពុងបើកទ្វារដល់ការផ្សះផ្សា និងសេចក្ដីមេត្តាករុណា។

ព្រះគម្ពីរសុភាសិត ២៨:១៣ បានចែងថា៖ អ្នកណាដែលគ្រប់បាំងការរំលងរបស់ខ្លួន នោះនឹងមិនចំរើនឡើងទេ តែអ្នកណាដែលលន់តួ ហើយលះបង់អំពើនោះ នឹងប្រទះបានសេចក្តីមេត្តាករុណាវិញ។

យើងមិនអាចបង្ខំអោយនរណាម្នាក់អត់ទោសឱ្យយើងនោះទេ ប៉ុន្តែយើងត្រូវបន្ទាបខ្លួន ហើយស្នើរសុំ។

៤. ពេលយើងប្រព្រឹត្តខុសចំពោះអ្នកដ៏ទៃ យើងក៏ប្រព្រឹត្តខុសចំពោះព្រះដែរ

យើងក៏ត្រូវទូលសុំដល់ព្រះអោយបានអត់ទោសអោយយើងដែរ។

ព្រះគម្ពីរ ទំនុកដំកើង ៣២:៥ ទូលបង្គំបានរ៉ាប់ទទួលអំពើបាបរបស់ទូលបង្គំនៅចំពោះទ្រង់ ឥតលាក់ការទុច្ចរិតរបស់ទូលបង្គំទុកឡើយ ទូលបង្គំបាននិយាយថា ទូលបង្គំនឹងលន់តួអស់ទាំងការរំលងរបស់ទូលបង្គំដល់ព្រះយេហូវ៉ា ឯទ្រង់ក៏បានអត់ទោសចំពោះអំពើបាបនៃទូលបង្គំទៅ។

ព្រះជាម្ចាស់ទ្រង់អត់ទោសដល់យើងយ៉ាងពេញលេញ ដោយសា រព្រះយេស៊ូវគ្រីស្ទដែលទ្រង់បានសុគតនៅលើឈើឆ្កាងដោយព្រោះបាបយើង យើងអាចទុកចិត្តទ្រង់បានដោយនិយាយថា៖

បើយើងលន់តួបាបវិញ នោះទ្រង់មានព្រះហឫទ័យស្មោះត្រង់ ហើយសុចរិត ប្រយោជន៍នឹងអត់ទោសបាបឲ្យយើង ហើយនិងសំអាតយើង ពីគ្រប់អំពើទុច្ចរិតទាំងអស់ផង។

ប្រាំជំហានយកឈ្នះភាពថប់បារម្ភ

Tue, 16 Jul 2024 04:02:02 GMT

ប្រាំជំហានយកឈ្នះភាពថប់បារម្ភ

សេចក្តីផ្តើម

តើលោកអ្នកធ្លាប់ក្រឡេកមើលជីវិតកាលនៅពីក្មេងទេ? វាហាក់បីដូចជាជីវិតដ៏អស្ចារ្យ និងសាមញ្ញណាស់។ ក្មេងៗមិនមានការខ្វល់ខ្វាយច្រើនទេ។ ទោះបីជាយ៉ាងណាក៏ដោយ នៅពេលដែលយើងធំឡើង ក្តីបារម្ភអំពីជីវិតក៏កើតឡើង មិនថាការព្រួយបារម្ភអំពីការចិញ្ចឹមគ្រួសារ ជំងឺ បញ្ហាផ្សេង ឬគ្រោះមហន្តរាយនោះទេ។ តើយើងអាចស៊ូទ្រាំនឹងភាពមិនច្បាស់លាស់ក្នុងជីវិត និងការព្រួយបារម្ភនេះយ៉ាងដូចម្តេចបាន?

លោកអ្នកនឹងរស់នៅដោយការព្រួយបារម្ភ និងការថប់ព្រួយនៅពេលដែលលោកអ្នករស់នៅដោយគ្មានព្រះ។ ទោះបីជាយ៉ាងណាក៏ដោយ នៅក្នុង ព្រះគម្ពីរទំនុកដំកើង ព្រះគម្ពីររ៉ូម បានបង្រៀនយើងពីរបៀបនៅក្នុងការរស់នៅអោយបានត្រៀមត្រូវ។

នេះគឺជាវិធីទាំងប្រាំ ដែលយើងអាចជួយយើងអោយដោះស្រាយជាមួយការថប់បារម្ភបាន៖

១. ចូរសម្លឹងមើលទៅកាន់

ព្រះជាម្ចាស់

ទំនុកតម្កើង ១៦:៨ ចែងថា៖ ទូលបង្គំបានតាំងព្រះយេហូវ៉ា នៅមុខទូលបង្គំជាដរាប ហើយដោយព្រោះទ្រង់គង់នៅខាងស្តាំទូលបង្គំបានជាទូលបង្គំមិនត្រូវរង្គើឡើយ។

នៅពេលដែលយើងផ្តោតភ្នែករបស់យើងមើលទៅកាន់ព្រះជាម្ចាស់ ហើយថ្វាយរាល់ទាំងបញ្ហារបស់យើងទៅកាន់ព្រះ នោះយើងនឹងចាប់ផ្តើមមើលឃើញអំណាច និងព្រះចេស្តារបស់ទ្រង់។ ទ្រង់គង់ជាមួយយើងដើម្បីជួយយើងអោយឆ្លងកាត់បញ្ហាបាន!

២. ទោះបីជាយើងឆ្លងកាត់ការ

លំបាកយ៉ាងណាក៏ដោយ

ព្រះគង់នៅជាមួយយើងជានិច្ច!

ទំនុកតម្កើង ២៣:៤ ចែងថា៖ អើ ទោះបើទូលបង្គំដើរកាត់ច្រកភ្នំនៃម្លប់សេចក្តីស្លាប់ក៏ដោយ គង់តែមិនខ្លាចសេចក្តីអាក្រក់ណាឡើយ ដ្បិតទ្រង់គង់នៅជាមួយនឹងទូលបង្គំព្រនង់ ហើយនឹងដំបងរបស់ទ្រង់កំសាន្តចិត្តទូលបង្គំ។

សេចក្តីពិតដ៏អស្ចារ្យនោះគឺថា ព្រះអម្ចាស់ដែលពេញដោយក្តីស្រលាញ់ ទ្រង់កំពុងគង់ជាមួយយើង!

៣. ទ្រង់ពេញដោយក្តីស្រលាញ់

និងស្មោះត្រង់

នៅពេលដែលយើងខ្វល់ខ្វាយ យើងត្រូវផ្ដោតចិត្តគំនិតរបស់យើង ទៅលើចរិតលក្ខណៈរបស់ព្រះជាម្ចាស់។

នៅក្នុងព្រះគម្ពីរ បរិទេវ ៣:២២-២៣ បានចែងថា គឺនឹកពីសេចក្តីនេះថា កុំតែមានសេចក្តីសប្បុរសរបស់ព្រះយេហូវ៉ា នោះយើងបានសូន្យបាត់អស់រលីងទៅហើយ ឯសេចក្តីមេត្តាករុណារបស់ទ្រង់ នោះមិនចេះផុតឡើយ សេចក្តីទាំងនោះ ចេះតែថ្មីឡើងរាល់តែព្រឹកជានិច្ច សេចក្តីស្មោះត្រង់របស់ទ្រង់ធំណាស់។

៤. យើងអាចមានក្តីសង្ឃឹមដ៏មិនចេះរលត់ឡើយ

រ៉ូម ៨:៣៨-៣៩ បានចែងថា៖ ដ្បិតខ្ញុំជឿជាក់ថា ទោះស្លាប់ ឬរស់ ពួកទេវតា ឬអំណាចអ្វី ការអ្វីនៅជាន់នេះ ឬទៅមុខ ឬឥទ្ធិឫទ្ធិអ្វី ៣៩ ទីមានកំពស់ ទីជំរៅ ឬរបស់អ្វីដែលកើតមកឯទៀតក្តី នោះពុំអាចនឹងពង្រាត់យើង ចេញពីសេចក្តីស្រឡាញ់របស់ព្រះ ដែលនៅក្នុងព្រះគ្រីស្ទយេស៊ូវ ជាព្រះអម្ចាស់នៃយើងរាល់គ្នាទៅ បានឡើយ។

នៅក្នុងព្រះគម្ពីរទំនុកដំកើង និងព្រះគម្ពីររ៉ូម សុទ្ធតែបានប្រាប់យើងអំពីការមានក្តីសង្ឃឹមដ៏អស់លក្បជានិច្ច មិនមែនដោយសារយើងជាមនុស្សល្អទេ ប៉ុន្តែដោយសារយើងទុកចិត្តដល់ព្រះអង្គសង្រ្គោះជាព្រះអម្ចាស់របស់យើង គឺព្រះយេស៊ូវគ្រីស្ទ ។ សម្រាប់អស់អ្នកដែលទុកចិត្តដល់ព្រះយេស៊ូវគ្រីស្ទ នោះយើងនឹងទទួលបានការធានាអំពីជីវិតដ៏អស់កល្បជានិច្ចជាមួយនឹងទ្រង់ ហើយគ្មានអ្វីដែលអាចបំបែកយើងចេញពីក្តីស្រលាញ់របស់ព្រះជាម្ចាស់បានឡើយ!

៥. យើងអាចថ្វាយរាល់ការ

ខ្វល់ខ្វាយរបស់យើងដល់ព្រះ

ហើយទុកចិត្តទ្រង់

ម៉ាថាយ ១១:២៨-៣០ បានចែងថា ៖ អស់អ្នកដែលនឿយព្រួយ ហើយផ្ទុកធ្ងន់អើយ ចូរមកឯខ្ញុំ ខ្ញុំនឹងឲ្យអ្នករាល់គ្នាឈប់សំរាក ចូរទទួលនឹមខ្ញុំ ហើយរៀននឹងខ្ញុំចុះ ដ្បិតខ្ញុំស្លូត ហើយមានចិត្តសុភាព នោះអ្នករាល់គ្នានឹងបានសេចក្តីសំរាកដល់ព្រលឹង ពីព្រោះនឹមខ្ញុំងាយទេ ហើយបន្ទុកខ្ញុំក៏ស្រាល។

ព្រះគម្ពីរភីលីព ៤:៦-៧ បានចែងថា៖

កុំឲ្យខ្វល់ខ្វាយអ្វីឡើយ ចូរទូលដល់ព្រះ ឲ្យជ្រាបពីសេចក្តីសំណូមរបស់អ្នករាល់គ្នាក្នុងគ្រប់ការទាំងអស់ ដោយសេចក្តីអធិស្ឋាន និងពាក្យទូលអង្វរ ទាំងពោលពាក្យអរព្រះគុណផង យ៉ាងនោះ សេចក្តីសុខសាន្តរបស់ព្រះ ដែលហួសលើសពីអស់ទាំងគំនិត និងជួយការពារចិត្ត ហើយនិងគំនិតរបស់អ្នករាល់គ្នា ក្នុងព្រះគ្រីស្ទយេស៊ូវ។

ដោយសារយើងមានព្រះដ៏មានព្រះឬទ័យស្រលាញ់ នោះយើងអាចថ្វាយរាល់ទាំងការព្រួយបារម្ភរបស់យើងដល់ទ្រង់បាន នោះទ្រង់សព្វព្រះទ័យអោយយើងបានសម្រាក នៅក្នុងសេចក្តីស្រលាញ់របស់ទ្រង់។

សេចក្តីអធិស្ឋាន

ឳព្រះអម្ចាស់ជាព្រះអម្ចាស់នៃទូលបង្គំអើយ ទូលបង្គំសូមអរព្រះគុណទ្រង់ចំពោះការយកព្រះទ័យទុកដាក់ចំពោះទូលបង្គំ និងស្រលាញ់ទូលបង្គំ។ ទូលបង្គំសូមចូលមកចំពោះទ្រង់ដោយមានចិត្តរាបទាប ហើយអធិស្ឋានសុំឱ្យទ្រង់បានយកព្រះទ័យទុកដាក់ចំពោះទូលបង្គំ ហើយប្រទានឱ្យបង្គំនូវសេចក្តីសុខសាន្តនៅក្នុងចិត្ត។ ទូលបង្គំអធិស្ឋាននៅក្នុងព្រះនាមព្រះយេស៊ូវគ្រីស្ទ អាមែន!

ការចេះអត់ទោសនៅក្នុងទំនាក់ទំនងអាពាហ៍ពិពាហ៍

Fri, 12 Jul 2024 08:51:40 GMT

ការចេះអត់ទោសនៅក្នុង

ទំនាក់ទំនងអាពាហ៍ពិពាហ៍

ការអត់ទោសនៅក្នុងការរក្សានៅទំនាក់ទំនងអាពាហ៍ពិពាហ៍ពិតជាមានសារៈសំខាន់ណាស់។ ដោយសារតែគ្មានមនុស្សណាល្អឥតខ្ចោះនោះទេ ហើយដៃគូរទាំងសងខាងត្រូវចូលរួមជាមួយគ្នាក្នុងការដោះស្រាយបញ្ហា និងទទួលយកភាពខ្លាំង និងភាពខ្សោយរបស់ខ្លួន នៅពេលដែលពួកគេស្ថិតនៅក្នុងទំនាក់ទំនងអាពាហ៍ពិពាហ៍ ព្រមទាំងមានទំនួលខុសត្រូវក្នុងការថែរក្សាទំនាក់ទំនងនោះអោយបានល្អប្រសើរ។

លោកអ្នកតែងតែមានការអាក់អន់ចិត្តនឹងគ្នា ដោយព្រោះតែរឿងតូចតាចរបស់ដៃគូររបស់លោកអ្នក ព្រោះវាខុសនឹងការរំពឹងទុករបស់លោកអ្នក។ លោកអ្នកត្រូវការពេលវេលាដើម្បីស្វែងយល់ពីគ្នា ហើយជារឿយៗលោកអ្នកត្រូវអត់ទោសអោយដៃគូរបស់លោកអ្នក ដើម្បីអាចធ្វើដំណើរបន្តទៅមុខទៀតបាន។

តើលោកអ្នកកំពុងកំពុងប្រឈមមុខនឹងការអាក់អន់ចិត្តនឹងគ្នា នៅក្នុងទំនាក់ទំនងអាពាហ៍ពិពាហ៍របស់លោកអ្នកមែនដែរឬទេ? តើលោកអ្នកមិនមានសុភមង្គលនៅក្នុងជីវិតអាពាហ៍ពិពាហ៍របស់លោកអ្នកមែនទេ? តើលោកអ្នកកំពុងគិតថា លោកអ្នកមិនយល់ចិត្តគ្នាបានមែនទេ? ខាងក្រោមនេះមានគន្លឹះមួយចំនួនអាចជួយដល់ទំនាក់របស់លោកអ្នកបាន។

ទទួលយកភាពអវិជ្ជមានរបស់ដៃគូ

ការអត់ទោសនៅក្នុងទំនាក់ទំនងអាពាហ៍ពិពាហ៍ពិតជាមានសារៈសំខាន់ណាស់ មានន័យថាលោកអ្នកកំពុងផ្លាស់ ប្តូរអារម្មណ៍ សេចក្តីប៉ងប្រាថ្នា គំនិត សកម្មភាពចំពោះដៃគូរបស់លោកអ្នក ។ ហើយការផ្លាស់ប្តូរនេះមានន័យថាលោកអ្នកកំពុងដកនូវអ្វីដែលជាភាពអវិជ្ជមានចេញ ដូចជា ភាពជូរចត់ កំហឹង ការឈ្លោះប្រកែក ការសងសឹក ការស្អប់ ហើយជំនួសមកវិញនូវភាពវិជ្ជមានចំពោះដៃគូររបស់លោកអ្នក ។

អេភេសូរ (៤:៣១-៣២) ចូរខំដកគ្រប់ទាំងសេចក្តីជូរល្វីង ក្តៅក្រហាយ កំហឹង ឡូឡា ជេរប្រមាថ និងគ្រប់ទាំងសេចក្តីអាក្រក់ ចេញពីពួកអ្នករាល់គ្នាទៅ ចូរមានចិត្តសប្បុរសនឹងគ្នាទៅវិញទៅមក ព្រមទាំងមានចិត្តទន់សន្តោស ហើយអត់ទោសគ្នា ដូចជាព្រះទ្រង់បានអត់ទោសឲ្យអ្នករាល់គ្នា ដោយព្រះគ្រីស្ទដែរ។

ព្រះជាម្ចាស់បានអត់ទោសអំពើបាបរបស់លោកអ្នក ព្រមទាំងការរំលងរបស់លោកអ្នក ដើម្បីអោយលោកអ្នកអាចអត់ទោសដល់អ្នកដទៃដែរ។ ចូរចាប់ផ្តើមអត់ទោសដល់ដៃគូររបស់លោកអ្នក ដើម្បីធ្វើអោយដួងចិត្តរបស់លោកអ្នកបានប៉ះពាល់ ជាមួយនឹងអាកប្បកិរិយាវិជ្ជមានរបស់លោកអ្នក។ លោកអ្នកនឹងមើលឃើញទំនាក់ទំនងដៃគូរបស់លោកអ្នកកាន់តែរឹងមាំ ហើយមានសុភមង្គលជាមុនជាមិនខាន។

ការអត់ទោសគឺជាអាថ៌កំបាំងនៃទំនាក់ទំនងដែលប្រកបដោយសុខភាពល្អ

ទំនាក់ទំនងរបស់លោកអ្នកអានមានសុខភាពល្អទៅបាន ក៏ព្រោះតែលោកអ្នកចេះអត់ទោសអោយគ្នាទៅវិញទៅមក។ ប៉ុន្តែជាការពិតនោះ វាពិបាកណាស់ នៅក្នុងការ សុំទោស ឬអត់ទោស ។ ប៉ុន្តែចូរចាំថាលោកអ្នកត្រូវរៀប ចំខ្លួនសម្រាប់ការទាំងពីរនេះ ពីព្រោះទំនាក់ទំនងរបស់លោកអ្នកគឺសំខាន់ភាពប្រសើររបស់ខ្លួនឯង ពីព្រោះលោកអ្នក ត្រូវថែរក្សាទំនាក់ទំនងដែលព្រះជាម្ចាស់បានបង្កើតមក ។ ប៉ុន្តែការអត់ទោសមិនមែនត្រឹមតែជាឈ្មោះនៃការរក្សានូវសុភមង្គលប៉ុណ្ណោះទេ តែជាការល្អដែលលោកអ្នកត្រូវធ្វើចំពោះខ្លួនឯងដើម្បីឆ្លងកាត់ដំណើរការនៃការអត់ទោស។

ពង្រឹងចំណងអាពាហ៍ពិពាហ៍របស់លោកអ្នក ដោយការអត់ទោសអោយគ្នាទៅវិញទៅមក ដោយសារតែព្រះជាម្ចាស់បានអត់ទោសដល់លោកអ្នកដែរ។ ការអត់ទោសបាននាំមកនូវ ការស្តារខ្លួនលោកអ្នកឡើងវិញ និងទំនាក់ទំនងរបស់លោកអ្នក ។

សេចក្តីអធិស្ឋាន

ឱព្រះអម្ចាស់ជាព្រះនៃទូលបង្គំអើយ ទូលបង្គំសូមអរព្រះគុណទ្រង់ចំពោះដៃគូដែលទ្រង់បានប្រទានដល់ទូលបង្គំក្នុងជីវិតរបស់ទូលបង្គំ ហើយទូលបង្គំសូមអធិស្ឋានឱ្យទ្រង់បានដកនូវរាល់ទាំងបញ្ហាទាំងអស់ចេញពីទំនាក់ទំនងអាពាហ៍ពិពាហ៍របស់ទូលបង្គំផង។ ហើយជួយអោយទូលបង្គំអាចចេះអភ័យទោសឱ្យគ្នាទៅវិញទៅមក និងពង្រឹងទំនាក់ទំនងរបស់ទូលបង្គំឡើងវិញ ទូលបង្គំអធិស្ឋាននៅក្នុងព្រះនាមព្រះយេស៊ូវគ្រីស្ទ អាម៉ែន។

ចូរវិលត្រឡប់មកឯព្រះយេស៊ូវគ្រីស្ទវិញ

Wed, 10 Jul 2024 04:13:38 GMT

ចូរវិលត្រឡប់មកឯព្រះយេស៊ូវគ្រីស្ទវិញ

នៅពេលដែលលោកអ្នកដើរជាមួយព្រះ ពិតណាស់ ផ្លូវនេះមិនងាយស្រួលនោះទេ ។ វាដូចជាផ្លូវឡើងភ្នំដ៏លំបាកមួយ ដែលមានផ្លូវចោត ផ្លូវបត់បែន មានអ័ព្ទ ចំណោតខ្ពស់ៗជាដើម។ ហើយនោះហើយជាអ្វីដែលព្រះបន្ទូលបានប្រាប់យើងថា ម៉ាថាយ ៧:១៣-១៤ ចូរឲ្យចូលតាមទ្វារចង្អៀត ដ្បិតទ្វារដែលនាំទៅឯសេចក្តីហិនវិនាស នោះធំ ហើយទូលាយផង ក៏មានមនុស្សជាច្រើនដែលចូលតាមទ្វារនោះ តែឯទ្វារដែលនាំទៅឯជីវិត នោះតូច ហើយចង្អៀតវិញ ក៏មានមនុស្សតិចណាស់ដែលរកផ្លូវនោះឃើញ។

បើមានរឿងបែបនោះកើតឡើងចំពោះលោកអ្នកមែន ជាហេតុដែលអាចធ្វើអោយជីវិតលោកអ្នកអាចប្រែក្លាយពីជីវិតដ៏ល្អ ទៅជាជីវិតដ៏អាក្រក់បាន។ ប៉ុន្តែចូរលោកអ្នកដឹងថា ទ្វារនៃការអត់ទោសរបស់ព្រះជាម្ចាស់តែងតែបើកចំហសម្រាប់លោកអ្នកជានិច្ច ។ ពីព្រោះទ្រង់ស្រលាញ់លោកអ្នក ពេលដែលលោកអ្នក លន់តួនូវកំហុស និងអំពើបាប ហើយវិលត្រឡប់មកឯទ្រង់វិញ ពិតណាស់ទ្រង់ពិតជាអត់ទោសដល់លោកអ្នក។

មានរឿងប្រៀបប្រដូចមួយអំពីកូនពៅវង្វេងដែលចាយខ្ជះខ្ជាយទ្រព្យសម្បត្តិរបស់ឪពុក នៅក្នុងព្រះគម្ពីរ លូកា ១៥:១១-៣២។ ព្រះយេស៊ូវបានចែកចាយរឿងប្រៀបប្រដូចនេះជាមួយនឹងពួកសិស្សរបស់ទ្រង់។ រឿងកូនពៅវង្វេងនេះចាប់ផ្តើមពីបុរសម្នាក់ដែលមានកូនប្រុសពីរនាក់។ កូនប្រុសពៅរបស់គាត់សុំឪពុកចែកទ្រព្យសម្បត្តិដែលជាចំណែកមរតករបស់គាត់។ ពេលដែលគាត់បានទទួលចំណែកទ្រព្យសម្បត្តិនោះហើយ កូនពៅក៏បានធ្វើដំណើរទៅស្រុកឆ្ងាយភ្លាម ហើយក៏ចាប់ផ្តើមចាយវាយខ្ជះខ្ជាយទ្រព្យសម្បត្តិដែលឪពុកបានចែកអោយរហូតអស់រលីង។

ពេលចាយវាយអស់ហើយ គ្រោះទុរ្ភិក្សដ៏ធំនៅប្រទេសនោះក៏កើតមានឡើង ដែលធ្វើអោយកូនពៅធ្លាក់ខ្លួនតោកយ៉ាក។ គាត់គ្មានការងារធ្វើ រហូតសុំគេធ្វើការងារជាអ្នកចិញ្ចឹមជ្រូក។ ស្ថានភាពកាន់តែលំបាកទៅៗ រហូតដល់គាត់គ្មានអ្វីបរិភោគ ហើយចង់បរិភោគបាយជ្រូក។

ទីបំផុតកូនពៅ មានចិត្តនឹកនាដល់ឪពុកខ្លួនដែលមានអ្វីៗគ្រប់យ៉ាង។ ដោយចិត្តបន្ទាបខ្លួន គាត់បានទទួលស្គាល់នូវកំហុស និងភាពល្ងង់ខ្លៅរបស់គាត់ ហើយសម្រេចចិត្តវិលត្រឡប់ទៅរកឪពុកវិញ ព្រមទាំងសុំឲ្យឪពុករបស់គាត់បានអត់ទោស និងផ្តល់សេចក្តីមេត្តាករុណាដល់គាត់។ ឪពុកដែលកំពុងរង់ចាំកូនពៅ ហើយស្វាគមន៍គាត់ដោយដៃបើកចំហរដោយក្តីមេត្តា។ គាត់ត្រេកអរណាស់ ចំពោះការវិលត្រឡប់មកវិញរបស់កូនពៅ ដែលបានបាត់បង់។ ភ្លាមៗនោះ ឪពុកប្រាប់ដល់អ្នកបម្រើ អោយពួកគេបានរៀបចំម្ហូបអារហារល្អៗជាច្រើន ដើម្បីអបអរការវិលត្រឡប់មកវិញរបស់កូនពៅរបស់គាត់។

អ្វីដែលខ្ញុំចង់ចែកចាយទៅកាន់លោកអ្នកបងប្អូនអំពីសាច់រឿងនេះ។ ប្រសិនបើលោកអ្នកគិតថា ព្រះជាម្ចាស់នឹងមិនទោសចំពោះអំពើបាប និងកំហុសដែលលោកអ្នកបានធ្វើទេ ការនោះជាការដែលអារក្សបានប្រាប់ដល់លោកអ្នកទេ ។ ប្រសិនបើលោកអ្នក កែប្រែចិត្ ត ហើយ វិលបែរមករកព្រះជាម្ចាស់វិញ នោះពិតណាស់ព្រះជាម្ចាស់ទ្រង់ពិតជាអត់ទោសដល់លោកអ្នកជាប្រាកដ។

ព្រះគម្ពីរបានចែងថា ១យ៉ូហាន ១:៩ បើយើងលន់តួបាបវិញ នោះទ្រង់មានព្រះហឫទ័យស្មោះត្រង់ ហើយសុចរិត ប្រយោជន៍នឹងអត់ទោសបាបឲ្យយើង ហើយនិងសំអាតយើង ពីគ្រប់អំពើទុច្ចរិតទាំងអស់ផង។

សេចក្តីអធិស្ឋាន

ឱព្រះអម្ចាស់ជាព្រះនៃទូលបង្គំអើយ សូមឲ្យសេចក្តីល្អ និងសេចក្តីមេត្តាករុណារបស់ទ្រង់បានតាមទូលបង្គំពេញមួយជីវិតរបស់ទូលបង្គំ។ ឱព្រះអម្ចាស់អើយ សូមស្តាប់ការយំសោករបស់ទូលបង្គំនៅថ្ងៃនេះ នៅពេលទូលបង្គំស្រែកទៅកាន់ទ្រង់ដោយសេចក្តីជំនឿ អំពីបញ្ហានេះ សូមទ្រង់បានបង្ហាញសេចក្តីមេត្តាករុណាដល់ទូលបង្គំផង។ ទូលបង្គំអធិស្ឋាននៅក្នុងព្រះនាមព្រះយេស៊ូវគ្រីស្ទ អាម៉ែន!

តើអ្វីទៅជាដំណឹងល្អ?

Tue, 09 Jul 2024 05:02:22 GMT

តើអ្វីទៅជាដំណឹងល្អ?

តើអ្វីទៅជាដំណឹងល្អដែលលោកអ្នកធ្លាប់បានឮ? បើយើងក្រឡេកមើលពីជីវិតប្រចាំថ្ងៃ យើងនឹងឮ ទារកទើបនឹងកើតនៅក្នុងផ្ទះរបស់នរណាម្នាក់ មានការងារល្អ ពេលយើងឮដំណឹងបែបនេះ យើងគិតថាវាជាដំណឹងល្អសម្រាប់យើង។ ព្រោះវាធ្វើអោយចិត្តយើងបានរីករាយ ពេលបានឮដំណឹងបែបនេះ មិនថាសម្រាប់យើង ឬអ្នកផ្សេងនោះទេ។

ប៉ុន្តែប្រសិនបើលោកអ្នកសួរដល់គ្រីស្ទបរិស័ទវិញនូវសំណួរបែបនេះ នោះមុខជាលោកអ្នកនឹងរកឃើញនូវចម្លើយផ្សេង។ នៅក្នុងដួងចិត្តរបស់អ្នកជឿដល់ព្រះយេស៊ូវ មាន ព្រះរាជសារនៃសេចក្តីសង្គ្រោះ ដែលនោះហើយជាដំណឹងល្អដ៏ពិត ព្រោះព្រះរាជសារនោះបានប្រាប់ពីរបៀបដែលព្រះជាម្ចាស់បានសង្គ្រោះយើង។

តើព្រះបានសង្គ្រោះយើងពីអ្វី?

ជាទូទៅយើងតែងតែគិតថាបញ្ហាច្រើនតែកើតចេញពីបរិយាកាសខាងក្រៅ ហើយដំណោះស្រាយគឺនៅក្នុងខ្លួនរបស់យើង ប៉ុន្តែព្រះគម្ពីរបង្រៀនយើងថា បញ្ហាជាមូលដ្ធានរបស់យើង គឺនៅក្នុងខ្លួនរបស់យើង ហើយដំណោះស្រាយគឺមកពីខាងក្រៅវិញ។ បើលោកអ្នកគិតតែមួយភ្លែតនោះនឹងឃើញថា បញ្ហាទាំងអស់នៅក្នុងជីវិតរបស់លោកអ្នកសព្វថ្ងៃនេះ ជាកំហុសអ្នកដទៃវិញ។

នៅក្នុងដំណឹងល្អ ម៉ាថាយ ១៥:១៩ ដ្បិតគឺពីក្នុងចិត្តនោះឯងដែលចេញអស់ទាំងគំនិតអាក្រក់ គឺការកាប់សំឡាប់គេ ផិតគ្នា សហាយស្មន់ លួចប្លន់ ធ្វើបន្ទាល់ក្លែងក្លាយ ហើយនិងជេរប្រមាថ។

នេះជាអ្វីដែលព្រះគម្ពីរហៅថា អំពើបាប ព្រោះ វាញែកយើងចេញពីព្រះ ។ ដោយសារអំពើបាបវាចូលមកក្នុងដួងចិត្តរបស់យើង ហើយធ្វើអោយយើងដាច់ចេញពី មាគ៌ារបស់ព្រះជាម្ចាស់ ហើយចាប់ផ្តើម ដើរតាមផ្លូវរបស់អារក្សវិញ។

លោកអ្នកប្រហែលជាគិតថា នេះមិនមែនជាដំណឹងល្អអ្វីទាល់តែសោះ ប៉ុន្តែខ្ញុំចង់ប្រាប់ដល់លោកអ្នកថា វាជាការសំខាន់ជាងដែលយើងត្រូវដឹងអំពីដំណឹងអាក្រក់មុន ដើម្បីស្វែងយល់អំពីដំណឹងល្អរបស់ព្រះគម្ពីរតាមក្រោយ។ មានតែពេលនេះទេ ដែលយើងអាចយល់ពីរបៀបដែលព្រះជាម្ចាស់បានសង្គ្រោះយើង។

របៀបដែលព្រះជាម្ចាស់បានសង្រ្គោះយើង

ជំនឿរបស់គ្រីស្ទបរិស័ទផ្តល់ឳ្យយើងនូវ ក្តីសង្ឃឹមដ៏រស់រវើក ហើយក្តីសង្ឃឹមនោះហើយ គឺជាដំណឹងល្អ ដែលមានន័យថា «ដំណឹងល្អដ៏ពិត» ។ ព្រះជាម្ចាស់បានសង្គ្រោះយើង ដោយការលះបង់ ព្រះរាជបុត្រារបស់ព្រះអង្គតែមួយគត់មកយើង។ ព្រះគម្ពីររ៉ូម ៥:៨ តែឯព្រះ ទ្រង់សំដែងសេចក្តីស្រឡាញ់របស់ទ្រង់ ដល់យើងរាល់គ្នាឲ្យឃើញច្បាស់ ដោយព្រះគ្រីស្ទបានសុគតជំនួសយើងរាល់គ្នា នោះគឺក្នុងកាលដែលយើងនៅមានបាបនៅឡើយផង។

ព្រះជាម្ចាស់បានសង្គ្រោះយើងចេញពីអំពើបាប ដោយ សុគតសម្រាប់បាបយើងទាំងអស់គ្នា ។ នេះហើយជាដំណឹងល្អដ៏អស្ចារ្យបំផុតសម្រាប់អ្នកដែលជឿព្រះយេស៊ូវគ្រីស្ទ ពីព្រោះព្រះគម្ពីរបានប្រាប់យើងថា កម្រនឹងមានអ្នកណាព្រមស្លាប់ជំនួសមនុស្សសុចរិតណាស់ ប៉ុន្តែប្រហែលជាមានអ្នកខ្លះហ៊ានស្លាប់ជំនួសមនុស្សល្អដែរទេដឹង។ ព្រះជាម្ចាស់បានលះបង់ព្រះរាជបុត្រារបស់ទ្រង់តែមួយដើម្បី សុគតសម្រាប់រំដោះយើង និង ស្រាយយើងចេញពីចំណងនៃអំពើបាប ដែលខណ្ឌចែកយើងចេញពីព្រះ ហើយស្ដារទំនាក់ទំនងយើងជាមួយព្រះជាម្ចាស់ឡើងវិញ។

(កូរិនថូសទី១ ១៥:៣-៨) យើងរកឃើញការបញ្ជាក់ថា ព្រះបានសម្រេចតាមសេចក្ដីសន្យារបស់ទ្រង់ចំពោះយើង ហើយសេចក្ដីសន្យារបស់ទ្រង់នៅមានជីវិតនៅសព្វថ្ងៃនេះ។

ដ្បិតមុនដំបូង ខ្ញុំបានប្រាប់មកអ្នករាល់គ្នា តាមសេចក្តីដែលខ្ញុំបានទទួលដែរ គឺថាព្រះគ្រីស្ទបានសុគត ដោយព្រោះបាបរបស់យើងរាល់គ្នា តាមបទគម្ពីរ ហើយថា ទ្រង់ត្រូវគេបញ្ចុះក្នុងផ្នូរ រួចដល់ថ្ងៃទី៣ នោះទ្រង់មានព្រះជន្មរស់ឡើងវិញ ក៏តាមបទគម្ពីរ ហើយថា ទ្រង់បានលេចមកឲ្យកេផាសឃើញ រួចដល់ពួក១២នាក់ដែរ ក្រោយទៀត ទ្រង់លេចមកឲ្យពួកបងប្អូនជាង៥០០នាក់ឃើញតែម្តង ជាពួកដែលមានគ្នាច្រើនរស់នៅ ដរាបដល់សព្វថ្ងៃនេះ តែមានខ្លះបានដេកលក់ទៅហើយ ក្រោយទៀត ទ្រង់លេចមកឲ្យយ៉ាកុបឃើញ ក៏ឲ្យពួកសាវ័កទាំងអស់គ្នាឃើញដែរ រួចទ្រង់បានលេចមកឲ្យខ្ញុំឃើញ ជាខាងក្រោយគេបង្អស់ ដូចជាលេចមកដល់កូនកើតមុនកំណត់ដែរ។

សេចក្តីអធិស្ឋាន

ឱព្រះអម្ចាស់យេស៊ូវជាព្រះនៃទូលបង្គំអើយ ទូលបង្គំសូមអរគុណទ្រង់ ចំពោះការសុគតនៅលើឈើឆ្កាងសម្រាប់អំពើបាបទូលបង្គំ។ សូមអត់ទោសឱ្យទូលបង្គំផង។ សូមយាងចូលមកក្នុងជីវិតរបស់ទូលបង្គំ។ ទូលបង្គំសូមទទួលទ្រង់ជាព្រះអម្ចាស់ និងជាព្រះអង្គសង្គ្រោះរបស់ទូលបង្គំ។ សូមជួយអោយឲ្យរស់នៅសម្រាប់ទ្រង់អស់មួយជីវិតនេះ។ ទូលបង្គំសូមអធិស្ឋាននៅក្នុងព្រះនាមព្រះយេស៊ូវ អាម៉ែន។

តើលោកអ្នកកំពុងប្រឈមមុខនឹងអារម្មណ៍ខូចចិត្តមែនទេ?

Fri, 05 Jul 2024 08:02:05 GMT

តើលោកអ្នកកំពុងប្រឈមមុខនឹងអារម្មណ៍ខូចចិត្តមែនទេ?

ពេលខ្លះមានរឿងមួយចំនួនដែលធ្វើអោយយើងខូចចិត្ត។ បន្ទាប់មកយើងគិតថា ជីវិតរបស់យើងនឹងរស់នៅក្នុងស្ថានភាពបែបនោះរហូត។ ដូចជាការបែកបាក់ទំនាក់ទំនង បាត់បង់មនុស្សជាទីស្រលាញ់ ឬក៏ការខកចិត្តនៅក្នុងការស្វែងរកផ្ទះដើម្បីរស់នៅ ឬក៏ត្រូវបាននរណាម្នាក់ក្បត់ជាដើម។ តើជីវិតនឹងមានអ្វីកើតឡើង នៅពេលដែលដួងចិត្តខាងក្នុងរបស់យើងបានខូច? ហើយលោកអ្នកក៏គិតថា លោកអ្នកមិនអាចស្វែងរកសុភមង្គលឃើញទេនៅថ្ងៃអនាគត។ ព្រះគម្ពីរទំនុកតម្កើង និងព្រះគម្ពីរដំណឹងល្អអាចជួយយើង ដើម្បីព្យាបាលរាល់ទាំងអារម្មណ៍ខូចចិត្តទាំងអស់នោះបាន។

ព្រះទ្រង់គង់នៅជាមួយលោកអ្នក

ទំនុកតម្កើង ៣៤:១៨ ចែងថា៖ ព្រះយេហូវ៉ាទ្រង់គង់នៅជិតអ្នកដែលមានចិត្តសង្រេង ហើយសង្គ្រោះអស់អ្នកដែលមានចិត្តសង្រេង។ សូមចាំថា មិនថាលោកអ្នកស្ថិតក្នុងស្ថានភាពអាក្រក់បែបណានោះទេ ព្រះទ្រង់គង់នៅជាមួយនឹងលោកអ្នកជានិច្ច ដោយសារទ្រង់យកព្រះទ័យទុកដាក់ចំពោះលោកអ្នក។

ចូរទុកចិត្តដល់ព្រះជានិច្ច

ព្រះគម្ពីរ អេសាយ ៤១:១០ កុំឲ្យភ័យខ្លាចឡើយ ដ្បិតអញនៅជាមួយនឹងឯង កុំឲ្យស្រយុតចិត្តឲ្យសោះ ពីព្រោះអញជាព្រះនៃឯង អញនឹងចំរើនកំឡាំងដល់ឯង អើ អញនឹងជួយឯង អើ អញនឹងទ្រឯង ដោយដៃស្តាំដ៏សុចរិតរបស់អញ។

ព្រះគម្ពីរសុភាសិត ៣:៥-៦ ចែងថា៖ ចូរទីពឹងដល់ព្រះយេហូវ៉ាឲ្យអស់អំពីចិត្ត កុំឲ្យពឹងផ្អែកលើយោបល់របស់ខ្លួនឡើយ ត្រូវឲ្យទទួលស្គាល់ទ្រង់នៅគ្រប់ទាំងផ្លូវឯងចុះ នោះទ្រង់នឹងដំរង់អស់ទាំងផ្លូវច្រករបស់ឯង។ កុំរំពឹងថានរណាម្នាក់នឹងធ្វើអ្វីសម្រាប់អ្នកក្នុងអំឡុងពេលដ៏លំបាកនេះ។ ផ្ទុយទៅវិញ ចូរទុកចិត្តអ្នកទាំងអស់ទៅលើព្រះ ដោយសារទ្រង់យកចិត្តទុកដាក់នឹងអ្នក ហើយត្រួសត្រាយផ្លូវសម្រាប់អ្នក។

ទ្រង់ព្យាបាលរបួសដួងចិត្តរបស់លោកអ្នក

ទំនុកតម្កើង ១៤៧:៣ ចែងថា៖ ទ្រង់ប្រោសអស់អ្នកដែលមានចិត្តសង្រេងឲ្យបានជាក៏រុំរបួសឲ្យគេផង។

ចូរកុំអោយលោកអ្នកបានផ្តោតខ្លាំងពេកចំពោះរបួសរបស់លោកអ្នក ប៉ុន្តែចូរអោយលោកអ្នកបានផ្តោតទៅលើព្រះជាម្ចាស់ ពីព្រោះទ្រង់មានអំនាចដើម្បីព្យាបាលរាល់ទាំងរបួសរបស់លោកអ្នក។ សូមថ្វាយដល់ទ្រង់នូវរាល់ទាំងបន្ទុករបស់លោកអ្នកដល់ព្រះជាម្ចាស់ ហើយទ្រង់នឹងជួយព្យាបាលដល់លោកអ្នកបន្តិចម្តងៗ ដើម្បីដោះស្រាយនូវរាល់ទាំងការឈឺចាប់នៃអារម្មណ៍ខាងក្នុងរបស់លោកអ្នក។ ទ្រង់ស្រលាញ់លោកអ្នក ហើយទ្រង់បានស្គាល់ដល់លោកអ្នក ទ្រង់ជ្រាបពីរបៀបដែលធ្វើអោយយើងមានសុខភាពល្អប្រសើរឡើងវិញ។

សេចក្តីអធិស្ឋាន

ឱព្រះជាម្ចាស់អើយ ទ្រង់ជ្រាបពីស្ថានភាពរបស់ទូលបង្គំ ហើយទូលបង្គំសូមអរព្រះគុណព្រះអង្គ ដែលទ្រង់មានអំណាចព្យាបាលរបួសទូលបង្គំ ទូលបង្គំសូមទូលអង្វរដល់ព្រះអង្គ សូមទ្រង់បានជួយណែនាំផ្លូវទូលបង្គំ ដើម្បីអោយទូលបង្គំអាចតទល់នឹងស្ថានភាពរបស់ទូលបង្គំបាន ហើយអាចធ្វើដំណើរទៅមុខទៀត។ ទូលបង្គំអធិស្ឋានក្នុងព្រះនាមព្រះយេស៊ូវគ្រីស្ទ អាម៉ែន។

ដំណោះស្រាយសម្រាប់ភាពអស់សង្ឃឹម

Fri, 21 Jun 2024 05:00:43 GMT

ដំណោះស្រាយសម្រាប់ភាពអស់សង្ឃឹម

សេចក្តីផ្តើម

នៅពេលខ្លះជីវិតរបស់យើងនៅលើផែនដីនេះអាចជួបនូវរឿងដែលមិនគួរអោយជឿ។ មិនថាជាការតស៊ូ ដើម្បីប្រកបមុខរបស់រកប្រាក់ចំណូលជាប្រចាំថ្ងៃដើម្បីចិញ្ចឹមគ្រួសារ ការតស៊ូវនឹងជំងឺ ការខកចិត្ត និងក្តីសុបិន្តជាដើម។ ពេលខ្លះភាពអស់សង្ឃឹមបានគ្របសង្កត់យើង។ នៅក្នុងបញ្ហាទាំងអស់នេះ សំនួរមួយលេចឡើង តើព្រះនៅឯណា?

នៅក្នុងព្រះគម្ពីរយើងអាចមើលឃើញថា ព្រះជាម្ចាស់ទ្រង់មិនដែលភ្លេចយើងឡើយ ឬទ្រង់កំពុងតែគេលក់នោះឡើយ។ ផ្ទុយទៅវិញ យើងអាចមើលឃើញថា ព្រះហឬទ័យទ្រង់កំពុងយកចិត្តទុកដាក់ចំពោះយើង។ មានការចំនួន ៥ ដែលបានចែងនៅក្នុងព្រះបន្ទូលសន្យរបស់ទ្រង់ ដើម្បីជួយដល់លោកអ្នកដោះស្រាយចំពោះភាពអស់សង្ឃឹម។

១. ចូរទុកចិត្តដល់ទ្រង់ ទ្រង់គង់នៅខាងយើងជានិច្ច

២. ព្រះទ្រង់ប្រទានកម្លាំងដល់យើង

ព្រះគម្ពីរ ចោទិយកថា ៣១:៦ ដូច្នេះចូរមានកំឡាំងហើយចិត្តក្លាហានឡើង កុំឲ្យខ្លាច ឬមានសេចក្តីភ័យញ័រចំពោះគេឡើយ ដ្បិតគឺព្រះយេហូវ៉ា ជាព្រះនៃឯង ដែលយាងទៅជាមួយនឹងឯង ទ្រង់មិនដែលខាននឹងប្រោសឯងទេ ក៏មិនដែលលះចោលឯងដែរ។

៣. ព្រះអង្គជាទីទុកចិត្ត និងស្មោះត្រង់

នៅពេលដែលយើងជួបបញ្ហា ជាការល្បួងមួយដែលធ្វើអោយយើងគិតថា ព្រះយេស៊ូវគ្រីស្ទទ្រង់បានភ្លេចយើងហើយ។ តាមពិត នោះជាការយល់ខុសយ៉ាងខ្លាំង។

២ថែស្សាឡូនីច ៣:៣ តែព្រះអម្ចាស់ទ្រង់ស្មោះត្រង់ ទ្រង់នឹងតាំងអ្នករាល់គ្នាឲ្យមាំមួនឡើង ហើយការពារអ្នករាល់គ្នាឲ្យរួចពីសេចក្តីអាក្រក់ផង។ ទ្រង់ជាទីទុកចិត្តរបស់យើង!

៤. យើងអាចមានក្តីសង្ឃឹមជានិច្ច

នៅក្នុងព្រះគម្ពីររ៉ូម ៨:៣៨-៣៩ បានចែងថា៖ ដ្បិតខ្ញុំជឿជាក់ថា ទោះស្លាប់ ឬរស់ ពួកទេវតា ឬអំណាចអ្វី ការអ្វីនៅជាន់នេះ ឬទៅមុខ ឬឥទ្ធិឫទ្ធិអ្វី ទីមានកំពស់ ទីជំរៅ ឬរបស់អ្វីដែលកើតមកឯទៀតក្តី នោះពុំអាចនឹងពង្រាត់យើង ចេញពីសេចក្តីស្រឡាញ់របស់ព្រះ ដែលនៅក្នុងព្រះគ្រីស្ទយេស៊ូវ ជាព្រះអម្ចាស់នៃយើងរាល់គ្នាទៅ បានឡើយ។

ព្រះបន្ទូលទ្រង់បានប្រាប់ដល់យើងអំពីក្តីសង្ឃឹមដ៏អស់កល្បជានិច្ច មិនមែនដោយសារតែយើងជាមនុស្សល្អទេ ប៉ុន្តែដោយសារយើងបានទុកចិត្តដល់ព្រះអង្គដ៏ជាព្រះសង្គ្រោះ គឺព្រះយេស៊ូវគ្រីស្ទ។ សម្រាប់អស់អ្នកដែលទុកចិត្តដល់ព្រះយេស៊ូវគ្រីស្ទ នោះនឹងមានការធានាអំពីជីវិតដ៏អស់កល្បជានិច្ចជាមួយនឹងព្រះ ហើយគ្មានអ្វីដែលអាចមកបំបែកយើងចេញពីសេចក្តីស្រលាញ់របស់ព្រះអង្គឡើយ។ នោះហើយជាក្តីសង្ឃឹមដែលយើងត្រូវការ!

៥. ព្រះទ្រង់មានផែនការដ៏ល្អសម្រាប់លោកអ្នក

ទ្រង់បានប្រទាននូវសេចក្តីសន្យា ដល់អស់អ្នកដែលទុកចិត្តដល់ព្រះអម្ចាស់ព្រះយេស៊ូវគ្រីស្ទ។

ព្រះគម្ពីរ យេរេមា ២៩:១១ បានចែងថា ដ្បិតព្រះយេហូវ៉ាទ្រង់មានព្រះបន្ទូលថា អញស្គាល់សេចក្តីដែលអញគិតពីដំណើរឯងរាល់គ្នា មិនមែនគិតធ្វើសេចក្តីអាក្រក់ទេ គឺគិតឲ្យបានសេចក្តីសុខវិញ ដើម្បីដល់ចុងបំផុត ឲ្យឯងរាល់គ្នាបានសេចក្តីសង្ឃឹម។ ជាការដ៏អស្ចារ្យណាស់ដែលព្រះអម្ចាស់នៃសកលលោក ទ្រង់បានស្គាល់លោកអ្នក ហើយមានផែនការដ៏ល្អសម្រាប់លោកអ្នក។

សេចក្តីអធិស្ឋាន

ព្រះអម្ចាស់អើយ ទូលបង្គំសូមអរព្រះគុណព្រះអង្គ ដែលទ្រង់ស្រលាញ់ដល់ទូលបង្គំ ហើយយកចិត្តទុកដាក់ចំពោះទូលបង្គំ ហើយទ្រង់យកព្រះទ័យទុកដាក់ចំពោះទូលបង្គំ ព្រមទាំងប្រទានក្តីសង្ឃឹមដល់ទូលបង្គំ។ ទ្រង់ក៏បានគង់នៅជាមួយនឹងទូលបង្គំ ដូចដែលទ្រង់បានមានព្រះបន្ទូលសន្យា។

អធិស្ឋានសម្រាប់ទំនាក់ទំនងរឹងមាំ

Fri, 24 May 2024 02:29:18 GMT

ការអធិស្ឋានសម្រាប់ទំនាក់ទំនងដ៏រឹងមាំ

សេចក្តីណែនាំ

តើទំនាក់ទំនងរបស់លោកអ្នក ជាមួយនឹងដៃគូរកំពុងដំណើរការមិនល្អមែនទេ? ហើយលោកអ្នកមានអារម្មណ៍ថាទំនាក់ទំនងរបស់លោកអ្នកមិនរឹងមាំគ្រប់គ្រាន់? ហើយលោកអ្នកមិនដឹងពីរបៀបដើម្បីកសាងទំនាក់ទំនងរបស់លោកអ្នកឱ្យកាន់តែរឹងមាំ និងរស់នៅប្រកបដោយសុភមង្គលជាមួយដៃគូរបស់លោកអ្នក ………

មួយរយៈមុន មានស្ត្រីម្នាក់បានសុំឱ្យខ្ញុំអធិស្ឋានអោយ និងក្រុមគ្រួសាររបស់នាង។ ខ្ញុំបានសួរថា តើខ្ញុំគួរអធិស្ឋានសម្រាប់ព្រះពរប្រចាំថ្ងៃ ឬតើមានអ្វីពិសេសដែលខ្ញុំគួរអធិស្ឋានអោយឬទេ? បន្ទាប់មក នាងបានប្រាប់ថា នាង និងដៃគូរមានការបញ្ហានៅក្នុងទំនាក់ទំនងរបស់ពួកគេ។ ពួកគេមានបញ្ហាជាច្រើន ហើយប្រកែកគ្នាជាច្រើន។ ពួកគេមិនសប្បាយចិត្តនឹងគ្នាទេ។ នាងក៏បានចែករំលែកថា ពួកគេក៏ស្រលាញ់គ្នា ហើយក៏បានរៀបការដែរ។ ប៉ុន្តែពេលនេះពួកគេមិនដូចមុនឡើយ។ ហើយនាងចង់រក្សាទំនាក់ទំនងនេះព្រោះពួកគេមានកូនឥឡូវនេះ។ ប៉ុន្មាននាទីក្រោយមក ខ្ញុំបានសួរនាងថា តើនាង និងដៃគូរបស់នាងមាន ទម្លាប់អធិស្ឋាន ជាមួយគ្នាដែរឬទេ? នាងឆ្លើយថា ទេ!

បន្ទាប់ពីការនិយាយរឿងទាំងអស់ហើយ ខ្ញុំក៏បានស្នើទៅកាន់នាងថា ចាប់ពីថ្ងៃនេះទៅ អ្នកទាំងពីរជ្រើសរើសពេលវេលាណាមួយក្នុងមួយថ្ងៃ ដើម្បីអង្គុយចុះនៅចំពោះព្រះ ហើយអធិស្ឋាន។ ប៉ុន្មានថ្ងៃក្រោយមក ខ្ញុំបានជួបនាងជាមួយនឹងប្តីរបស់នាង។ ពួកគេទាំងពីរមើលទៅសប្បាយរីករាយខ្លាំងណាស់។ ពួកគេចាប់ផ្តើមនិយាយអរគុណខ្ញុំ ដូច្នេះខ្ញុំក៏បានសួរអំពីមូលហេតុ។ ប៉ុន្តែក្នុងចិត្តខ្ញុំដឹងពីហេតុផល ប៉ុន្តែខ្ញុំចង់ស្តាប់ពួកគេ ដូច្នេះពួកគេគួរតែដឹងថាតើមានសារៈសំខាន់ប៉ុណ្ណា នៅក្នុងអធិស្ឋានជាមួយគ្នា។

ពួកគេទាំងពីរនាក់បានថ្លែងទីបន្ទាល់ថា បន្ទាប់ពីទទួលដំបូន្មានរបស់ខ្ញុំ ពួកគេទាំងពីរនាក់បានចាប់ផ្តើមអធិស្ឋានជារៀងរាល់ថ្ងៃជាមួយគ្នា ។ ពេលនេះលែងមានការប្រយុទ្ធគ្នារវាងពួកគេទាំងពីរទៀតហើយ ហើយឥឡូវពួកគេសប្បាយចិត្តខ្លាំងណាស់។

ប៉ុន្តែតើមានអ្វីកើតឡើង? ហេតុអ្វីបានជាមានការប្រយុទ្ធគ្នានោះបានឈប់យ៉ាងឆាប់រហ័សបែបនេះ?

ដោយសារតែមានហេតុផលដ៏សាមញ្ញមួយ…. តាមរយៈការណែនាំអំពីការអធិស្ឋាននៅក្នុងទំនាក់ទំនងគ្រួសាររបស់ពួកគេ ពួកគេបានបើកចំហរដួងចិត្ត ហើយព្រះជាម្ចាស់អាចធ្វើការក្នុងជីវិតរបស់ពួកគេតាមរបៀបប្រសើរជាងមុន។ វាគួរឱ្យចាប់អារម្មណ៍ ដោយសារតែពេលដែលពួកគេអនុញ្ញាតឱ្យព្រះជាម្ចាស់ធ្វើការក្នុងទំនាក់ទំនងរបស់ពួកគេ ពួកគេកាន់តែរឹងមាំ។ ព្រះគម្ពីរសាស្ដា ៤:១២ « ហើយបើមានខ្មាំងណាមក ដែលមានកំឡាំងជាង នោះ២នាក់នឹងអាចទប់ទល់បាន ឯពួរ៣ធ្លុងមិនងាយដាច់ទេ»។

គូស្នេហ៍មួយគូនេះកាន់តែមានកម្លាំងខ្លាំងឡើង ហើយពួកគេយកឈ្នះនូវការលំបាករបស់ពួកគេ។ នេះក៏ត្រូវបានគេស្គាល់ផងដែរថា ជាទំនាក់ទំនងនៃមនុស្សបីនាក់ដែលមាន ប្រពន្ធ ប្តី និងព្រះជាម្ចាស់ ។ នេះគឺជាចំណងដែលមិនអាចបំបែកបាន។ ការអធិស្ឋានគឺជាមូលដ្ឋាន សម្រាប់ការមិនធ្លាក់ចូលទៅក្នុងសេចក្តីល្បួងនៅក្នុងទំនាក់ទំនង។ ប្រសិនបើយើងចង់បានទំនាក់ទំនងដ៏រឹងមាំជាមួយដៃគូរបស់យើង យើងត្រូវកសាងទំនាក់ទំនងនោះ ដោយការអធិស្ឋានដ៏រឹងមាំជាមួយព្រះជាម្ចាស់។

ការអធិស្ឋាន

ឳព្រះវរបិតានៃយើងខ្ញុំដែលគង់នៅស្ថានសួគ៌អើយ សូមអរព្រះគុណទ្រង់បានប្រទាននូវសេចក្តីសុខសាន្តដ៏ពិត។ សូមជួយឲ្យទំនាក់ទំនងគ្រួសាររបស់យើងខ្ញុំមានរឹងមាំឡើងនៅក្នុងព្រះអង្គ នៅពេលដែលយើងខ្ញុំមានបញ្ហា។ សូមជួយឲ្យយើងខ្ញុំបានកសាងស្ពាននៃអ្នកដទៃទៀតជាមួយព្រះអង្គ។ សូមប្រទានដល់ទូលបង្គំនូវប្រាជ្ញា សេចក្តីស្រាលាញ់ ជាហេតុដែលធ្វើអោយទូលបង្គំអាចរក្សាទំនាក់ទំនងជាមួយគ្រួសារទូលបង្គំបានល្អប្រសើរ។ ទូលបង្គំអធិស្ឋាននៅក្នុងព្រះនាមព្រះយេស៊ូវគ្រីស្ទ។ អាមែន។

ដំណោះស្រាយចំពោះភាពឯកា

Mon, 13 May 2024 04:12:26 GMT

ដំណោះស្រាយចំពោះភាពឯកា

សេចក្តីផ្តើម

ទោះបីជាមានមនុស្សជាច្រើននៅជុំវិញខ្លួនយើងក៏ដោយ ក៏ពេលខ្លះយើងមានអារម្មណ៍ថាឯកា ដែលវានៅកប់យ៉ាងជ្រៅក្នុងព្រលឹងរបស់យើង ដែលគ្មាននរណាម្នាក់នៅខាងយើង ហើយអាចយល់បាន។ តាមពិតទៅមិនដូច្នោះទេ លោកអ្នកភ្លេចហើយថា មានម្នាក់ដែលស្គាល់លោកអ្នក ហើយជ្រាបពីបញ្ហារបស់លោកអ្នក ព្រមទាំង យកព្រះទ័យទុកដាក់ ចំពោះលោកអ្នក។ សូមអោយលោកអ្នកបានអានខព្រះគម្ពីរដ៏អស្ចារ្យខាងក្រោមនេះ៖

១. ព្រះអម្ចាស់ទ្រង់ស្តាប់រាល់ទាំងសម្លេងយំសោករបស់យើងពេលយើងមានបញ្ហា

ទំនុកតម្កើង ៣៤:១៧-១៨ បានសរសេរឡើងសម្រាប់លោកអ្នក និងខ្ញុំ៖

«ឯមនុស្សសុចរិត គេអំពាវនាវ ហើយព្រះយេហូវ៉ាទ្រង់ទទួលស្តាប់ ទ្រង់ក៏ប្រោសគេឲ្យរួចពីគ្រប់សេចក្តីលំបាករបស់គេ ព្រះយេហូវ៉ាទ្រង់គង់ជិតបង្កើយនឹងអស់អ្នកដែលមានចិត្តសង្រេង ហើយទ្រង់ជួយសង្គ្រោះដល់អស់អ្នកដែលមានវិញ្ញាណទន់ទាប»។

ទំនុកតម្កើង ២៥:១៦-១៨ បានចែងថា៖

«សូមទ្រង់បែរមកមានសេចក្តីមេត្តាដល់ទូលបង្គំផង ដ្បិតទូលបង្គំនៅតែឯង ហើយមានសេចក្តីវេទនា សេចក្តីទុក្ខព្រួយក្នុងចិត្តទូលបង្គំបានកើនឡើងជាខ្លាំង ឱសូមនាំទូលបង្គំចេញពីទុក្ខលំបាកនៃទូលបង្គំ សូមពិនិត្យមើលសេចក្តីវេទនា និងសេចក្តីនឿយព្រួយរបស់ទូលបង្គំ ហើយអត់ទោសអស់ទាំងបាបរបស់ទូលបង្គំ»។

ព្រះអម្ចាស់ទ្រង់តែងតែស្តាប់រាល់ទាំងពាក្យដែល យើងអធិស្ឋានជានិច្ច»។

២. ព្រះទ្រង់គង់ជាមួយយើងជានិច្ច

ពេលខ្លះយើងគិតថា ព្រះទ្រង់គង់នៅឆ្ងាយពេក ប៉ុន្តែតាមពិតព្រះអម្ចាស់ទ្រង់យាងទៅជាមួយយើងពេញមួយជីវិតរបស់យើង។

លោកអ្នកមិននៅម្នាក់ឯងទេ

ទំនុកតម្កើង ២៣:៤ បានចែងថា «អើ ទោះបើទូលបង្គំដើរកាត់ច្រកភ្នំនៃម្លប់សេចក្តីស្លាប់ក៏ដោយ គង់តែមិនខ្លាចសេចក្តីអាក្រក់ណាឡើយដ្បិតទ្រង់គង់នៅជាមួយនឹងទូលបង្គំព្រនង់ ហើយនឹងដំបងរបស់ទ្រង់កំសាន្តចិត្តទូលបង្គំ»។

ម៉ាថាយ ២៨:២០ ក៏បានចែងផងដែរថា៖

«ហើយបង្រៀន ឲ្យគេកាន់តាមគ្រប់ទាំងសេចក្តី ដែលខ្ញុំបានបង្គាប់មកអ្នករាល់គ្នាផង ហើយមើល ខ្ញុំក៏នៅជាមួយនឹងអ្នករាល់គ្នាជារាល់ថ្ងៃដែរ ដរាបដល់បំផុតកល្ប»។

៣. ព្រះកំពុងជួយលោកអ្នក

ជារឿងមួយដ៏អស្ចារ្យខ្លាំងណាស់ ដែលព្រះជាម្ចាស់ទ្រង់តែងតែស្តាប់សម្លេងយំសោករបស់យើង ហើយយាងទៅជាមួយយើងជានិច្ច ប៉ុន្តែការនោះមិនបានបញ្ចប់ត្រឹមប៉ុណ្ណឹងឡើយ។

ព្រះគម្ពីរអេសាយ ៤១:១០ បានចែងថា

«កុំឲ្យភ័យខ្លាចឡើយ ដ្បិតអញនៅជាមួយនឹងឯង កុំឲ្យស្រយុតចិត្តឲ្យសោះ ពីព្រោះអញជាព្រះនៃឯង អញនឹងចំរើនកំឡាំងដល់ឯង អើ អញនឹងជួយឯង អើ អញនឹងទ្រឯង ដោយដៃស្តាំដ៏សុចរិតរបស់អញ»។

ហើយព្រះគម្ពីរ ចោទិយកថា ៣១:៨ ក៏បានចែងផងដែរថា៖

«គឺព្រះយេហូវ៉ាដែលនឹងយាងនាំមុខឯងទៅ ព្រមទាំងគង់ជាមួយនឹងឯង ទ្រង់មិនដែលខាននឹងប្រោសឯងឡើយ ក៏មិនដែលលះចោលឯងដែរ ដូច្នេះកុំឲ្យខ្លាច ឬស្រយុតចិត្តឲ្យសោះ»។

ព្រះអម្ចាស់ទ្រង់កំពុងបង្រៀនយើង និងហ្វឹកហ្វឺនយើង យើងមិននៅតែម្នាក់ឯងទេ យើងអាចទុកចិត្តព្រះពេញទី ដែលទ្រង់ស្រលាញ់យើងជាខ្លាំង។

តើនឹងមានអ្វីកើតឡើងនៅពេលយើងស្លាប់ទៅ?

Wed, 08 May 2024 02:34:32 GMT

តើនឹងមានអ្វីកើតឡើងនៅពេលយើងស្លាប់ទៅ ?

សេចក្តីផ្តើម

យើងទាំងអស់គ្នាមានអំណរនៅពេលឃើញវត្តមានរបស់កូនដែលទើបនឹកសម្រាលមកថ្មីៗហើយបានក្លាយជាឪពុកម្តាយគេ ប្រាកដណាស់ថានឹងមានសំណើចយ៉ាងរំភើប ត្រេកអរដែលទទួលបានកូន។ ពីព្រោះមានជីវិតថ្មីដែលមានវត្តមានចូលមកក្នុងពិភពលោក គឺទិដ្ឋភាពនេះបាននាំយកនូវភាពសប្បាយរីករាយទៅកាន់អ្នកដែកជាឪពុកម្តាយ ប៉ុន្តែផ្ទុយទៅវិញនៅពេលដែលមានមនុស្សជាទីស្រឡាញ់ ឬក៏មិត្តភក្តិ និងអ្នកជិតខាងបានស្លាប់បាត់បង់ជីវិត យើងប្រាកដជាមានអារម្មណ៍ថាសោកសៅទៅវិញ។ សេចក្តីស្លាប់បានកើតមានឡើងក្នុងជីវិតរបស់មនុស្សយើងគ្រប់ៗគ្នានៅលើផែនដីនេះ ។

តើមានអ្វីកើតឡើងនៅពេលយើងស្លាប់? ព្រោះយើងទាំងអស់គ្នានឹងត្រូវស្លាប់នៅថ្ងៃណាមួយជាមិនខាន

ព្រះបន្ទូលរបស់ព្រះ ក្រឹត្យវិន័យនៅក្នុងទំនុកដំកើង ដែលមានក្នុងគម្ពីរបានផ្តល់នូវចម្លើយដ៏ត្រឹមត្រូវមួយថានឹងមានអ្វីកើតឡើងក្រោយពេលដែលយើងស្លាប់ទៅ ដើម្បីផ្តល់នូវសេចក្តីសង្ឃឹម និងការអភិវឌ្ឍនៅពេលដែលយើងមានជីវិតនៅឡើយប្រសិនបើយើងបានសិក្សាព្រះបន្ទូលព្រះច្បាស់លាស់។

នៅពេលដែលយើងស្លាប់ទៅ រូបរាងកាយរបស់យើងនិងត្រឡប់ ទៅជាធូលីដីវិញក៏ប៉ុន្តែព្រលឹងវិញ្ញាណរបស់យើងនឹងត្រូវបានជំនុំជម្រះនៅចំពោះព្រះវិញ។

នៅក្នុងព្រះគម្ពីសាស្តាជំពូកទី១២:៧ បានចែងមកថា ”ពេលនោះរូបកាយដែលជាធូលីដីនឹងវិលទៅជាដីដូចដើមវិញ រីឯវិញ្ញាណដែលព្រះ‌ជាម្ចាស់ប្រទានឲ្យក៏នឹងវិលទៅកាន់ព្រះអង្គវិញដែរ។ ដូច្នេះព្រះវិញ្ញាណរបស់យើងនឹងត្រូវបានជំនុំជម្រះនៅចំពោះព្រះជាម្ចាស់។ ហើយនៅក្នុងព្រះគម្ពី ដានីយ៉ែល ១២:២ បានចែងថា ”មានមនុស្សជាច្រើនដែលស្ថិតនៅក្នុងផ្នូរនឹងរស់ឡើងវិញអ្នកខ្លះនឹងទទួលជីវិតអស់‌កល្បជានិច្ចអ្នកខ្លះទៀតនឹងត្រូវអាម៉ាស់មុខព្រមទាំងរងទុក្ខទោសអស់‌កល្បជានិច្ចផង”។

មួយវិញទៀតក្នុងព្រះគម្ពីរ កូរិនថូសទី២ ៥:១០ បានមានសេចក្តីថា: “ដ្បិតយើងទាំងអស់គ្នានឹងត្រូវទៅឈរនៅមុខទីកាត់ក្ដីរបស់ព្រះ‌គ្រិស្តដើម្បីឲ្យម្នាក់ៗទទួលផលតាមអំពើដែលខ្លួនបានប្រព្រឹត្តកាលពីនៅរស់ក្នុងរូបកាយនេះនៅឡើយទោះបីជាអំពើរនោះល្អឬ អាក្រក់ក្ដី។“

ការជំនុំជម្រះរបស់មនុស្សនៅចំពោះព្រះអាស្រ័យទៅលើជំនឿរបស់យើងទៅកាន់ព្រះយេស៊ូវគ្រីស្ទ

មានមនុស្សមួយចំនួនគិតថាព្រះនឹងវិនិច្ឆ័យយើងរាល់គ្នាតាមរយៈសកម្មភាពប្រចាំថ្ងៃរឺ ចំនួននៃអំពើរល្អដែលយើងប្រព្រឹត្តកន្លងមក ។ ក្នុងខគម្ពីរយ៉ូហាន ១១:២៥-២៦ បានបង្ហាញយ៉ាងជាក់ច្បាស់ថា ការពិតសេចក្តីជំនុំជំរះអាស្រ័យតាមរយៈ តើយើងមានសេចក្តីជំនឿទៅកាន់ព្រះយេស៊ូវគ្រិស្តរឺអត់ ដូចព្រះ‌យេស៊ូវ មានព្រះ‌បន្ទូលទៅនាងថា៖ «ខ្ញុំហ្នឹងហើយដែលប្រោសមនុស្សឲ្យរស់ឡើងវិញខ្ញុំនឹងផ្ដល់ឲ្យគេមានជីវិត។ អ្នកណាជឿលើខ្ញុំទោះបីស្លាប់ទៅហើយ ក៏ដោយក៏នឹងបានរស់ជាមិនខាន។ រីឯអស់អ្នកដែលកំពុងតែមានជីវិតនៅរស់ហើយជឿលើខ្ញុំមិនស្លាប់សោះឡើយតើនាងជឿសេចក្ដីនេះឬទេ?»។

គ្រប់មនុស្សនៅផែនដីនេះដែលមិនទទួលជឿទៅលើព្រះយេស៊ូវនឹងត្រូវទទួលការជំនុំជម្រះកាត់ទោស

នៅក្នុងយ៉ូហាន ជំពូក៣:១៨ បានចែងមកថា ”អ្នកជឿលើព្រះ‌បុត្រាមិនត្រូវទទួលទោសទេរីឯអ្នកមិនជឿបានទទួលទោសរួចស្រេចទៅហើយព្រោះគេពុំបានជឿលើព្រះ‌នាមព្រះ‌បុត្រា តែមួយរបស់ព្រះ‌ជាម្ចាស់”។ មួយវិញទៀតនៅក្នុងខគម្ពី វិវរណៈ ២០:១៥ បានចែងថា”អស់ អ្នកដែលគ្មានឈ្មោះក្នុងបញ្ជីជីវិតក៏នឹងត្រូវបោះទៅក្នុងបឹងភ្លើងដែរ”។

ចំណែករាល់បុគ្គលដែលទទួលជឿព្រះយេស៊ូវ នឹងទទួលបានជីវិតដ៏អស់កល្បនៅស្ថានសួគ៌ នៅពេលព្រះយេស៊ូវត្រូវបានគេឆ្កាង ក្នុងគម្ពីលូកា ២៣:៤៣ ទ្រង់បានមានព្រះបន្ទូលទៅកាន់ចោរដែលគេបានឆ្កាងនៅក្បែរទ្រង់ថា ”ខ្ញុំសុំប្រាប់ឲ្យអ្នកដឹងច្បាស់ថាថ្ងៃនេះអ្នកបានទៅនៅស្ថានបរម‌សុខជាមួយខ្ញុំដែរ”។ នៅក្នុងខគម្ពី យ៉ូហាន ៣:១៦ មានសេចក្តីថា “ព្រះ‌ជាម្ចាស់ស្រឡាញ់ មនុស្សលោកខ្លាំងណាស់ ហេតុនេះហើយបានជាព្រះអង្គប្រទានព្រះ‌បុត្រាតែមួយរបស់ព្រះអង្គមកដើម្បីឲ្យអស់អ្នកដែលជឿលើព្រះ‌បុត្រាមានជីវិតអស់‌កល្បជានិច្ចគឺមិនឲ្យគេវិនាសឡើយ។

តើបងប្អូនទាំងអស់គ្នាគិតយ៉ាងណាចំពោះព្រះយេស៊ូវគ្រីស្ទ? តើអ្នកទាំងអស់គ្នាមានជំនឿលើទ្រង់ដែរឬទេ?

ការអធិស្ឋាន

ឱព្រះវរបិតាដែលជាព្រះនៃកូន សូមទ្រង់បានណែនាំកូន ពីមុនកូនមិនបានស្គាល់ទ្រង់, ប៉ុន្តែថ្ងៃនេះកូនបានស្គាល់ទ្រង់ហើយ។ កូនបានវង្វេងប៉ុន្តែថ្ងៃនេះកូនបានជឿលើទ្រង់ថាទ្រង់បានអត់ទោសបាបរបស់កូន។ ចាប់ពីថ្ងៃនេះទៅកូននឹងដើរតាមផ្លូវរបស់ព្រះយស៊ូដែលជាផ្លូវនៃសេចក្តីពិត ហើយកូននឹងទុកចិត្តព្រះអង្គពីព្រោះកូនដឹងថាព្រះអង្គទ្រង់បានលះបង់ជីវិតសុគតនៅលើឈើឆ្កាងហើយទ្រង់មានព្រះជន្មរស់ឡើងវិញសម្រាប់អោយកូនរួចពីអំពើរបាប។ កូនសូមអរគុណដល់ព្រះយេស៊ូវគ្រីស្ទ។ កូនសូមអធិស្ឋានក្នុងព្រះនាមអម្ចាស់ព្រះយេស៊ូគ្រីស្ទ អាម៉ែន!

ការអធិស្ឋានអាចផ្លាស់ប្តូរស្ថានភាពរបស់យើងបាន

Fri, 03 May 2024 06:57:02 GMT

ការអធិស្ឋានអាចផ្លាស់ប្តូរស្ថានភាពរបស់យើងបាន

សេចក្តីផ្តើម

តើលោកអ្នកកំពុងប្រឈមមុខ នឹងស្ថានភាពដ៏មិនច្បាស់លាស់នៅក្នុងជីវិតមែនទេ? ឬក៏លោកអ្នកចង់អធិស្ឋានអំពីអ្វីមួយ អោយវាកើតឡើង? ឬក៏លោកអ្នកប្រហែលជាកំពុងព្យាយាមចង់ចាកចេញពីទុក្ខលំបាក ប៉ុន្តែការព្យាយាមនោះបែរជាបរាជ័យទៅវិញ។ ប្រសិនបើអ្វីៗទាំងអស់នេះ កំពុងកើតមានឡើងនៅក្នុងជីវិតរបស់លោកអ្នក អត្ថបទខាងក្រោមនេះអាចមានប្រយោជន៍សម្រាប់លោកអ្នក។

ថ្ងៃនេះ ខណៈពេលដែលលោកអ្នកកំពុងអានអត្ថបទនេះ លោកអ្នកអាចស្ថិតនៅក្នុងស្ថានភាពមួយដ៏លំបាក។ លោកអ្នកមិនដឹងពីរបៀបដោះស្រាយវាទេ ប៉ុន្តែអ្វីដែលលោកអ្នកគិតថា មិនអាចទៅរួច ចូរនឹកចាំថា ព្រះអម្ចាស់អាចធ្វើគ្រប់ការទាំងអស់បាន ។ នៅក្នុងគំនិតរបស់មនុស្សអាចគិតថា វាមិនអាចទៅរួចនោះទេ ប៉ុន្តែព្រះជាម្ចាស់មានអំណាចគ្រប់គ្រាន់ដែលអាចធ្វើអ្វីៗទាំងអស់បាន។

លោក George Muller បានមានប្រសាសន៍ថា «ជំនឿមិនកើតឡើងនៅក្នុងកិច្ចដែលអាចធ្វើទៅរួចនោះទេ។ មិនមានសិរីល្អនៃព្រះ នៅក្នុងកិច្ចការដែលមនុស្សអាចធ្វើបាននោះទេ។ ជំនឿចាប់ផ្តើមនៅទីកន្លែងដែលកម្លាំងរបស់មនុស្សមិនអាចធ្វើទៅរួច»។

នៅក្នុងព្រះគម្ពីរ មានព្រឹត្តិការណ៍ដ៏អស្ចារ្យមួយ និងការធ្វើឲ្យមានជំនឿកើតឡើងវិញ។ នៅពេលដែលលោកម៉ូសេជាអ្នកបម្រើរបស់ព្រះអម្ចាស់ បានដឹកនាំជនជាតិអ៊ីស្រាអែលចាកចេញពីស្រុកអេស៊ីប កងទ័ពរបស់ផារ៉ោនបានដេញតាមពីក្រោយពួកគេ ខណៈដែលពួកគេកំពុងធ្វើដំណើរទៅស្រុកកំណើតរបស់ខ្លួន។ ពេលដែលធ្វើដណើរទៅដល់សមុទ្រក្រហម ជាកន្លែងដែលមានសមុទ្រនៅទល់នៅខាងមុខ ហើយកងទ័ពរបស់ផារ៉ោនក៏កំពុងដេញតាមពីក្រោយ។ ជនជាតិអ៊ីស្រាអែលឃើញកងទ័ពរបស់ស្ដេចផារ៉ោនមកតាមក្រោយ ពួកគេក៏មាន អារម្មណភ័យខ្លាច ហើយមានអារម្មណ៍ថា គ្មានសង្ឃឹមទៀតទេ ។ ប្រជាជនបានស្រែកដាក់លោកម៉ូសេទាំងភាពអស់សង្ឃឹម។

ប៉ុន្តែ លោកម៉ូសេបានទុកចិត្តដល់ព្រះអម្ចាស់ ក្នុងនៅក្នុងស្ថានភាពដ៏លំបាកនេះ។ ហើយគាត់បានចាប់ផ្ដើមអធិស្ឋានទៅព្រះ។ ម៉ូសេមិនបានតូចចិត្ត បោះបង់ ឬចុះចាញ់នឹងការអស់សង្ឃឹមនោះឡើយ។ ផ្ទុយទៅវិញ ម៉ូសេបានដឹកនាំដោយការយកចិត្តទុកដាក់ចំពោះប្រជាជននៅចំពោះព្រះអម្ចាស់ ហើយបានផ្តល់ដំណោះស្រាយដោយភាពស្ងៀមស្ងាត់ ព្រះគម្ពីរបានចែងថា «តែម៉ូសេតបឆ្លើយថា កុំខ្លាចអី ឈប់សិន ចាំមើលសេចក្តីសង្គ្រោះរបស់ព្រះយេហូវ៉ា ដែលទ្រង់នឹងប្រោសដល់អ្នករាល់គ្នានៅថ្ងៃនេះ ដ្បិតពួកសាសន៍អេស៊ីព្ទដែលអ្នករាល់គ្នាឃើញនៅថ្ងៃនេះ នោះនឹងលែងឃើញទៀតជាដរាបទៅ ព្រះយេហូវ៉ាទ្រង់នឹងច្បាំងជំនួសអ្នករាល់គ្នា ឯអ្នករាល់គ្នានឹងនៅតែស្ងៀមវិញ» ( និក្ខមនំ ១៤:១៣-១៤)។

បន្ទាប់មក ព្រះអម្ចាស់បានមានបន្ទូលប្រាប់ដល់ម៉ូសេឲ្យប្រាប់ដល់ប្រជាជនអ៊ីស្រាអែលថា «ចូរទៅមុខ» ។ លោកម៉ូសេក៏លើកដំបងឡើង ហើយលើកដៃឡើងលើ សមុទ្រក៏បានញែកទឹកចេញពីគ្នា។ ហើយប្រជាជនបានដើរនៅលើបាតសមុទ្រនៅលើដីស្ងួតទៅត្រើយម្ខាងដោយសុវត្ថិភាព។ ហើយពេលដែលកងទ័ពរបស់ផារ៉ោនចង់ឆ្លងកាត់តាមផ្លូវដូចគ្នា ព្រះបានត្រលប់ទឹក ហើយកងទ័ពរបស់ផារ៉ោនទាំងអស់ក៏បានលិចទៅ។

ស្រដៀងនេះដែរ ជួនកាលលោកអ្នកអាចស្ថិតនៅក្នុងស្ថានភាពដ៏លំបាកណាមួយ ឬស្ថិតក្នុងកាលៈទេសៈដែលមើលទៅមិនអាចទៅរួច។ ប៉ុន្តែ អ្វីដែលមើលទៅដូចជារញ៉េរញ៉ៃសម្រាប់ជនជាតិអ៊ីស្រាអែល ព្រះបានប្រែក្លាយទៅជាការអស្ចារ្យ ហើយថ្ងៃនេះទ្រង់ក៏អាចធ្វើដូចគ្នាសម្រាប់លោកអ្នកផងដែរ។

ថ្ងៃនេះ មិនថាលោកអ្នកជួបបញ្ហាអ្វីនោះទេ កុំភ័យខ្លាចឡើយ ត្រូវឈរឲ្យមាំ ហើយដើរទៅមុខទៀត។ លោកអ្នកបបានធ្វើដំណើរមកឆ្ងាយណាស់ហើយ។ ចូរទុកចិត្តដល់ព្រះ ដូចជាទ្រង់ជាអ្នកមានអំណាច។ «ព្រះយេហូវ៉ាទ្រង់នឹងនាំផ្លូវឯងជានិច្ច » (អេសាយ ៥៨:១១) ។ ដូច្នេះ «កុំឲ្យខ្វល់ខ្វាយអ្វីឡើយ» (ភីលីព ៤:៦) « ព្រះទ្រង់ជាបន្ទាយមាំមួននៃទូលបង្គំ» (២សាំយូអែល ២២:៣៣) ។ ព្រះទ្រង់សន្យាថា «ចូរវិលមកឯទីមាំមួនចុះ នៅថ្ងៃនេះឯង អញប្រកាសថា អញនឹងសងឯង១ជា២» (សាការី ៩:១២)។

សេចក្តីអធិស្ឋាន៖

ព្រះអម្ចាស់អើយ ទូលបង្គំមានអារម្មណ៍ក្រៀមក្រំ សោកស្តាយណាស់ និងឯកា។ ទូលបង្គំព្យាយាមជាច្រើនលើកច្រើនសារ ប៉ុន្តែគ្មានអ្វីល្អសោះសម្រាប់ទូលបង្គំ។ ទូលបង្គំហត់នឿយណាស់ព្រះអម្ចាស់អើយ។ សូមទ្រង់បានស្តាប់ការយំសោករបស់ទូលបង្គំផង។ ទូលបង្គំដឹងថាទ្រង់ទតឃើញ និងលឺសំលេងអធិស្ឋានរបស់ទូលបង្គំ។ ទូលបង្គំត្រូវការព្រះអង្គ ទូលបង្គំអរព្រះគុណទ្រង់ ទូលបង្គំត្រូវការជំនួយពីទ្រង់ ហើយទូលបង្គំសូមសរសើរព្រះនាមទ្រង់ពេញមួយជីវិតរបស់ទូលបង្គំ។ ទូលបង្គំអធិស្ឋាន នៅក្នុងព្រះនាមព្រះយេស៊ូវគ្រីស្ទ អាម៉ែន។

តើខ្ញុំត្រូវអធិស្ឋានដោយរបៀបណា?

Thu, 02 May 2024 04:04:35 GMT

តើខ្ញុំត្រូវអធិស្ឋានដោយរបៀបណា?

តើខ្ញុំអាចអធិស្ឋានដោយរបៀបណា?

ខ្ញុំនៅចាំបានថា មានថ្ងៃមួយខ្ញុំមានការព្រួយបារម្ភជាខ្លាំងណាស់អំពីជីវិត។ ខ្ញុំមិនដឹងថាត្រូវធ្វើអ្វី ឬស្វែងរកជំនួយពីពីណា ហើយក៏គ្មាននរណាស្តាប់ខ្ញុំ និងជួយខ្ញុំដែរ។ ដូច្នេះហើយ នៅពេលដែលខ្ញុំគេងលក់ ខ្ញុំត្រូវគេងលក់ជាមួយនឹងបញ្ហា ប៉ុន្តែនៅក្នុងគំនិតរបស់ខ្ញុំ ខ្ញុំបាននឹកចាំអំពីព្រះជាម្ចាស់ ហើយបានក្រោកឡើងអង្គុយចុះអធិស្ឋាន ប៉ុន្តែខ្ញុំគ្មានពាក្យអ្វីដែលត្រូវនិយាយនោះទេ។ ខ្ញុំបានអង្គុយចុះជាមួយនឹងភាពស្ងៀមស្ងាត់ដោយការបិទភ្នែក ប៉ុន្តែដួងចិត្តរបស់ខ្ញុំបានផ្តោតទៅកាន់ព្រះយេស៊ូវគ្រីស្ទ ហើយខ្ញុំជឿយ៉ាងប្រាកដថា ទ្រង់ពិតជាជ្រាបអំពីទុក្ខលំបាករបស់ខ្ញុំ ហើយទ្រង់ក៏កំពុងស្តាប់ខ្ញុំដែរ។

ពេលខ្លះយើងមិនសូវមានការប្រកបជិតស្និតជាមួយនឹងព្រះជាម្ចាស់នៅក្នុងជីវិតរបស់យើងទេ។ យើងចាប់ផ្តើមមានអារម្មណ៍ពិបាកចិត្ត យើងមើលទៅកាន់មិត្តភ័ក្ត សាច់ញាតិ ឬអ្នកដែលយើងស្គាល់ ដើម្បីស្វែងរកជំនួយពីពួកគេ។ នៅពេលដែលគ្រប់យ៉ាងទាល់ច្រកហើយ នោះចុងក្រោយយើងបែរជានឹកចាំអំពីព្រះជាម្ចាស់ទៅវិញ។ រឿងដដែលៗនេះកើតឡើងចំពោះខ្ញុំ។

ប៉ុន្តែអ្វីដែលគួរឲ្យចាប់អារម្មណ៍បំផុតនោះគឺថា ព្រះទ្រង់តែងតែគង់ជាមួយយើង ហើយចាំស្តាប់យើងជានិច្ច ។ ទ្រង់មិនដែលមានបន្ទូលថា ទ្រង់រវល់ពេក រហូតដល់ថ្នាក់គ្មានពេលស្តាប់យើងឡើយ ព្រោះទ្រង់មិនមែនជាមនុស្សដូចយើង។ នៅពេលដែលយើងអធិស្ឋាន នោះព្រះទ្រង់តែងតែស្តាប់ការអធិស្ឋានរបស់យើងជានិច្ច។ ព្រះគម្ពីរបានចែងថា «ទំនុកដំកើង ១២១:៣-៤ ទ្រង់នឹងមិនឲ្យជើងអ្នករឥលភ្លាត់ឡើយ ព្រះអង្គដែលរក្សាអ្នក ទ្រង់នឹងមិនផ្ទំរលីវឡើយ មើល ព្រះអង្គដែលរក្សាអ៊ីស្រាអែល ទ្រង់នឹងមិនដែលងោកងុយ ក៏មិនដែលផ្ទំលក់ឡើយ។»

ខ្ញុំយល់ថា យើងអាចអធិស្ឋាននៅពេលណា និងកន្លែងណាក៏បាន ដូចដែលព្រះយេស៊ូវគ្រីស្ទបានមានបន្ទូលទៅកាន់ស្រ្តីដែលកំពុងឈរនៅជិតអណ្តូងថា «តែនឹងមានពេលវេលាមក ក៏នៅឥឡូវនេះហើយ នោះពួកអ្នកដែលថ្វាយបង្គំដោយពិតត្រង់ គេនឹងថ្វាយបង្គំព្រះវរបិតាដោយវិញ្ញាណ និងសេចក្តីពិត ពីព្រោះព្រះវរបិតា ទ្រង់រកពួកអ្នកយ៉ាងនោះ ឲ្យបានថ្វាយបង្គំទ្រង់ (យ៉ូហាន ៤:២៤)។»

ការអធិស្ឋានគឺជាកិច្ចការដ៏ចាំបាច់របស់យើង យើងមិនគួរបោះបង់ការអធិស្ឋានឡើយ ប៉ុន្តែចូរធ្វើអោយការអធិស្ឋានក្លាយទៅជាទម្លាប់នៃជីវិតរបស់យើង ព្រោះនោះជាអ្វីដែលព្រះជាម្ចាស់ទ្រង់សព្វព្រះហឬទ័យ។

ថែស្សាឡូនីចទី១ ៥:១៦-១៧ «ចូរអរសប្បាយជានិច្ច ចូរអធិស្ឋានឥតឈប់ឈរ ចូរអរព្រះគុណក្នុងគ្រប់ការទាំងអស់ ពីព្រោះព្រះទ្រង់សព្វព្រះហឫទ័យឲ្យអ្នករាល់គ្នាធ្វើយ៉ាងដូច្នោះ ដោយនូវព្រះគ្រីស្ទយេស៊ូវ។ នេះជាព្រះហឫទ័យរបស់ព្រះសម្រាប់យើងនៅក្នុងព្រះអម្ចាស់យេស៊ូវគ្រីស្ទ។

ពេលការអធិស្ឋានរបស់យើងក្លាយទៅជាទម្លាប់ នោះព្រះជាម្ចាស់ទ្រង់ក៏ប្រទានអោយយើងនូវកិច្ចការមួយសម្រាប់អធិស្ឋានអោយអ្នកដទៃទៀត។ ប្រសិនបើយើងក្រឡេកមើលបរិយាកាសជុំវិញយើង យើងនឹងមើលឃើញមនុស្សជាច្រើនទៀតដែលត្រូវការការអធិស្ឋានពីយើង។ ប៉ុន្តែវានឹងចាប់ផ្តើមនៅក្នុងថ្ងៃនេះ នៅពេលដែលលោកអ្នកអានអត្ថបទនេះចប់ ហើយចាប់ផ្តើមអធិស្ឋាន។

ថ្ងៃនេះ នៅពេលដែលលោកអ្នកអធិស្ឋាន លោកអ្នកប្រហែលជាគ្មានពាក្យអ្វីដែលត្រូវអធិស្ឋានទេ។ លោកអ្នកប្រហែលជាមិនអាចនិយាយជាមួយព្រះជាម្ចាស់បានទេ ប៉ុន្តែខ្ញុំជឿជាក់ថា នៅបន្តិចទៀតលោកអ្នកពិតជាមានរឿងជាច្រើនដែលលោកអ្នកចង់អធិស្ឋានជារៀងរាល់ថ្ងៃ។ អង្គុយចុះដោយសៀមស្ងាត់ ហើយចាប់ផ្តើមទូលថ្វាយព្រះនូវស្ថានភាពដួងចិត្តរបស់លោកអ្នកឥឡូវនេះ។ ប្រសិនបើលោកអ្នកមិនដឹងថា ត្រូវអធិស្ឋានសុំអ្វីទេ នោះចូរយើងអរព្រះគុណព្រះសម្រាប់ថ្ងៃដ៏ស្រស់ស្អាតនេះ ដែលទ្រង់បានប្រទានដល់លោកអ្នក នៅពេលដែលលោកអ្នកភ្ញាក់ឡើង។

សេចក្តីអធិស្ឋាន

ឱព្រះជាម្ចាស់អើយ សូមអរព្រះគុណទ្រង់សម្រាប់ការដាស់ទូលបង្គំនៅព្រឹកនេះ សូមអរគុណចំពោះសេចក្តីស្រឡាញ់ និងការយកព្រះទ័យទុកដាក់របស់ទ្រង់ សូមអរគុណចំពោះអ្វីគ្រប់យ៉ាងដែលទ្រង់បានប្រទានឱ្យទូលបង្គំដោយឥតគិតថ្លៃនៅក្នុងជីវិតនេះ។ ទូលបង្គំសូមអធិស្ឋាន សូមទូលបង្គំអាចសម្លឹងមើលព្រះភក្រទ្រង់ ហើយរស់នៅក្នុងជីវិតដែលប្រកាសពីភាពល្អឥតខ្ចោះរបស់ទ្រង់។ ទូលបង្គំអធិស្ឋាន ក្នុងព្រះនាមព្រះយេស៊ូវគ្រីស្ទ អាម៉ែន។

ខ្ញុំកំពុងត្រូវបានគេក្បត់

Tue, 09 Apr 2024 03:00:03 GMT

ខ្ញុំកំពុងត្រូវបានគេក្បត់

តើលោកអ្នកធ្លាប់ត្រូវបាននរណាម្នាក់ធ្វើអោយខកចិត្តដែរឬទេ? ឬក៏ត្រូវបានគេក្បត់ ដោយមនុស្សដែលលោកអ្នកទុកចិត្តខ្លាំង? វាពិតជាឈឺចាប់ ដែលលោកអ្នកត្រូវការពេលវេលាដើម្បីព្យាបាលវា។ ដួងចិត្តរបស់លោកអ្នកត្រូវខ្ទេចខ្ទាំ ដោយព្រោះតែទំនុកចិត្តរបស់លោកអ្នកត្រូវបានបំផ្លាញ។

ប្រហែលជាពេលនេះ លោកអ្នកគិតថាមនុស្សទាំងអស់គឺសុទ្ធតែដូចគ្នាហើយមើលទៅ? ហើយវាឈឺចាប់ណាស់ នៅពេលដែល វាបណ្តាលមកពីទំនាក់ទំនងនោះ។ ប្រហែលជាលោកអ្នកទទួលបានការឈឺចាប់ ដោយសារដៃគូររបស់លោកអ្នកក្បត់លោកអ្នកយ៉ាងអាក្រក់ ឬក៏ប្រហែលជាមិត្តភក្តិដ៏ស្និទ្ធស្នាល ដែលលោកអ្នកទុកចិត្តបំផុត ក្បត់លោកអ្នក។ លោកអ្នកបាត់បង់ទំនុកចិត្ត ហើយសន្យានៅក្នុងចិត្តថា នឹងមិនអត់ទោសអោយមនុស្សនោះបានទេ។ ដំណាក់កាលនៃការអត់ទោស កើតឡើងបន្ទាប់ពីទទួលរងនូវការឈឺចាប់ជាបន្តបន្ទាប់។ ហេតុអ្វីបានជាលោកអ្នក ពិបាកនៅក្នុងការអត់ទោសដល់ពួកគេ? ប៉ុន្តែពាក្យនៃការអត់ទោស មាននៅក្នុងព្រះគម្ពីរ ទំនុកដំកើង និងដំណឹងល្អ អាចធ្វើអោយលោកអ្នកងាយស្រួលនៅក្នុងការអត់ទោសដល់ពួកគេបាន។

អត់ទោស នោះលោកអ្នកនឹងទទួលបានការអត់ទោសដូចគ្នា

ក្នុងនាមជាមនុស្ស យើងម្នាក់ៗមិនល្អឥតខ្ចោះទេ។ លោកអ្នកក៏អាចប្រព្រឹត្តអំពើបាបបានផងដែរ ហើយក៏ត្រូវការការអត់ទោសពីព្រះជាម្ចាស់។ ប៉ុន្តែ លោកអ្នកនឹងមិនទទួលបានការអត់ទោសពីព្រះជាម្ចាស់នោះទេ ប្រសិនបើលោកអ្នកមិនចេះអត់ទោសដល់អ្នកដទៃ។ នៅក្នុងព្រះគម្ពីរ ម៉ាថាយ ៦:១៤-១៥ តែដ្បិតបើអ្នករាល់គ្នាអត់ទោសចំពោះការរំលងច្បាប់ ដែលមនុស្សលោកប្រព្រឹត្តធ្វើ នោះព្រះវរបិតានៃអ្នក ដែលគង់នៅស្ថានសួគ៌ ទ្រង់នឹងអត់ទោសឲ្យអ្នករាល់គ្នាដែរ តែបើអ្នករាល់គ្នាមិនអត់ទោស ចំពោះការរំលងច្បាប់ឲ្យគេទេ នោះព្រះវរបិតានៃអ្នក ទ្រង់ក៏មិនអត់ទោស ចំពោះការរំលងច្បាប់ ដែលអ្នករាល់គ្នាប្រព្រឹត្តធ្វើដែរ។ ដូច្នេះប្រសិនបើលោកអ្នកចង់ទទួលបានការអត់ទោសពីព្រះជាម្ចាស់ នោះលោកអ្នកត្រូវចេះអត់ទោសដល់អ្នកដទៃទៀតដែរ។

ដោយការអត់ទោសដល់អ្នកដទៃនឹងធ្វើអោយលោកអ្នកមានសេរីភាព

នៅពេលដែលលោកអ្នកត្រូវបានគេក្បត់ លោកអ្នករកមិនឃើញកន្លែងដែលផ្តល់ដល់លោកអ្នកនូវសេចក្តីសុខសាន្តនោះទេ។ រឿងតែមួយគត់ដែលស្ថិតនៅក្នុងគំនិតរបស់លោកអ្នក គឺការឈឺចាប់។ ប្រហែលជាលោកអ្នកចង់សងការស្អប់ ដោយការស្អប់។ ប៉ុន្តែខ្ញុំចង់ប្រាប់ដល់លោកអ្នកថា ប្រសិនបើលោកអ្នកចង់ចាកចេញពីស្ថានភាពនោះ សូមលោកអ្នកអត់ទោសដល់អ្នកដែលធ្វើអោយលោកអ្នកឈឺចាប់ ហើយអ្នកដែលធ្វើអោយលោកអ្នកមិនសប្បាយចិត្ត។ នៅពេលដែលោកអ្នកមិនអត់ទោសដល់ពួកគេ នោះលោកអ្នកមិនមានសេរីភាពចេញពីអារម្មណ៍ នៃការស្អប់ ការចងកំហឹងឡើយ។ ដូច្នេះ ប្រសិនបើលោកអ្នកចង់ទទួលបានអារម្មណ៍ពេញដោយសេចក្តីសុខសាន្តនៅក្នុងជីវិត នោះលោកអ្នកត្រូវចេះអត់ទោសដល់ពួកគេ នោះលោកអ្នកនឹងមានសេរីភាពហើយ។

វាហាក់ស្តាប់មើលទៅដូចជាអយុត្តិធម៌ណាស់ ដែលលោកអ្នកត្រូវអត់ទោសដល់ពួកគេ បើទោះបីពួកគេមិនដឹងកំហុស ហើយមិនបានសុំទោសលោកអ្នកក៏ដោយ។ តាមពិតទៅ នោះគឺជាអ្វីដែលព្រះយេស៊ូវទ្រង់ធ្វើជាគំរូដល់យើង។ ទ្រង់បានសុគតជំនួសយើង ទ្រង់បានអត់ទោសបាបអោយយើង ទោះជាយើងជាមនុស្សមានបាបក៏ដោយ។ ទ្រង់បង្រៀនដល់យើង អោយសងការអាក្រក់ ដោយក្តីស្រលាញ់។ វាហាក់ដូចជាអយុត្តិធម៌ ប៉ុន្តែនៅពេលដែលោកអ្នកធ្វើ នោះលោកអ្នកមានអំណាចនៃព្រះជាម្ចាស់ជាមួយលោកអ្នក ហើយវាជាជម្រើសដ៏ល្អបំផុតនៅក្នុងពិភពលោកនេះ។

ការអធិស្ឋាន

ឱព្រះអម្ចាស់អើយ ទូលបង្គំអរព្រះគុណទ្រង់ ដែលទ្រង់បានអត់ទោសឱ្យទូលបង្គំ។ ទ្រង់ក៏បានបង្រៀនដល់ទូលបង្គំ អំពីភាពចាំបាច់សម្រាប់ទូលបង្គំ ក្នុងការអត់ទោសដល់អ្នកដទៃ។ ព្រះទ្រង់ជ្រាបពីបញ្ហាដែលទូលបង្គំកំពុងឆ្លងកាត់។ សូមទ្រង់បានផ្តល់កម្លាំងចិត្តដល់ទូលបង្គំ ដើម្បីអត់ទោសដល់អ្នកដែលធ្វើអោយទូលបង្គំឈឺចាប់។ អាម៉ែន!

អ្នកមិននៅម្នាក់ឯងទេ

Tue, 09 Apr 2024 02:43:58 GMT

អ្នកមិននៅម្នាក់ឯងទេ

ភាពឯកា គឺជាការវាយច្បាំងសម្រាប់យើងម្នាក់ៗ គ្មាននរណាម្នាក់ដែលប្រាថ្នាចង់រស់នៅម្នាក់ឯងនោះទេ។ មនុស្សគ្រប់គ្នាតែងតែចង់នៅក្បែមនុស្សដែលដែលពួកគេត្រូវការ។ គ្មាននរណាម្នាក់ចង់បានការបែកបាក់នៅក្នុងទំនាក់ទំនងនោះទេ។ លោកអ្នកអាចនឹងមានអារម្មណ៍ឯការនៅក្នុងចំណោមនុស្សរាប់ពាន់អ្នក នៅពេលដែលលោកអ្នកដឹងថាគ្មាននណាមា្នក់ដែលស្រលាញ់លោកអ្នកពិតប្រាកដនោះទេ។ វាគឺជាការតយុទ្ធដើម្បីអាចទុកចិត្តមនុស្ស នៅពេលដែលពួកគេដឹងថា ពួកគេមិនចង់មានភាពពិតប្រាកដជាមួយនឹងលោកអ្នក។

តើអ្នកបានបាត់បង់មិត្តល្អទេ? តើអ្នកឃើញខ្លួនឯងតែម្នាក់ឯងនៅកណ្តាលហ្វូងមនុស្សទេ? ពីខាងក្រៅ អ្នកហាក់ដូចជាស្ងប់ស្ងាត់ ប៉ុន្តែនៅខាងក្នុងភាពឯកោកំពុងតែស៊ីអ្នកមែនទេ? ភាពឯកាគឺពិតជាសេណារីយ៉ូដ៏ឈឺចាប់មួយ ដែលអ្នកមិនអាចប្រាប់ពិភពលោកអំពីអារម្មណ៍របស់អ្នកនៅក្នុងជម្រៅជ្រៅ។

ប៉ុន្តែមាននរណាម្នាក់ដែលដឹងពីអារម្មណ៍របស់អ្នក។ ឈ្មោះរបស់គាត់ត្រូវបានរៀបរាប់នៅក្នុង និង ឈ្មោះរបស់គាត់គឺ) ហើយគាត់កំពុងមើលថែអ្នក។

មិនថាអ្នកស្ថិតក្នុងកាលៈទេសៈណាក៏ដោយ ព្រះយេស៊ូវគង់នៅជាមួយអ្នកតាមរយៈវាទាំងអស់។ ទ្រង់អាចបំប្លែងភាពអាប់អួរនៃចិត្តអ្នកទៅជាភាពរីករាយ។ ទ្រង់បានសន្យាថា ទ្រង់នឹងមិនចាកចេញពីអ្នក ឬបោះបង់អ្នកឡើយ។

នៅក្នុងគម្ពីរ ចោទិយកថា 4:31 បានរៀបរាប់ថា ព្រះអម្ចាស់មានព្រះហឫទ័យមេត្តាករុណា ទ្រង់នឹងមិនចាកចេញពីអ្នកឡើយ។

ទ្រង់គង់នៅជាមួយអ្នក ហើយអ្វីដែលអ្នកត្រូវធ្វើគឺស្រែកទៅកាន់ទ្រង់ នោះទ្រង់នឹងស្តាប់អ្នក។ ទ្រង់ត្រូវបានឆ្កាងនៅលើឈើឆ្កាង ដើម្បីរំដោះអ្នកពីអំពើបាបទាំងអស់។ គាត់ស្រឡាញ់អ្នក។ ការមានទំនាក់ទំនងជិតស្និទ្ធជាមួយនឹងព្រះយេស៊ូវគឺជាអារម្មណ៍ដ៏ស្រស់ស្អាតមួយ។ អ្នកអាចពឹងផ្អែកលើទ្រង់ទាំងស្រុង ពីព្រោះទ្រង់ពិត និងគួរឱ្យទុកចិត្ត។ នៅពេលអ្នកធ្វើជាមិត្តនឹងព្រះយេស៊ូវ អ្នកនឹងមិនដែលឃើញខ្លួនឯងនៅម្នាក់ឯងក្នុងដំណាក់កាលណាមួយនៃជីវិតឡើយ។

ការអធិស្ឋាន
ឱព្រះជាម្ចាស់អើយ ទូលបង្គំសូមអរព្រះគុណព្រះអង្គ ដែលទ្រង់ស្រឡាញ់ទូលបង្គំ។ បេះដូងអ្នកខ្វល់ខ្វាយពីខ្ញុំ ហើយអ្នកមិនដែលទុកខ្ញុំឱ្យនៅម្នាក់ឯងឡើយ។ ខ្ញុំសូមអង្វរអ្នក សូមដកភាពឯការបស់ខ្ញុំចេញ។ អាម៉ែន

វិធីគ្រប់គ្រងកំហឹង

Tue, 09 Apr 2024 02:36:04 GMT

វិធីគ្រប់គ្រងកំហឹង

សេចក្តីផ្តើម

យើងម្នាក់ៗសុទ្ធតែប្រឈមមុខនឹងកំហឹងនៅក្នុងដំណាក់កាលផ្សេងៗនៃជីវិត។ ដំបូងឡើយ វាអាចមើលទៅដូចជាគ្មានគ្រោះថ្នាក់អ្វីនោះទេ ប៉ុន្តែប្រសិនបើយើងមិនបានដោះស្រាយវាទេ នោះវានឹងធ្វើអោយយើងស្ថិតនៅក្នុងស្ថានភាពមិនស្រួល ហើយអ្វីៗអាចរបូតចេញពីដៃរបស់យើងយ៉ាងស្រួល។ ដោយមានជំនួយមកពីព្រះជាម្ចាស់ នោះយើងអាចគ្រប់គ្រងកំហឹងរបស់យើងបាន។ ប្រសិនបើលោកអ្នកមានបញ្ហា នៅក្នុងការគ្រប់គ្រងកំហឹង អត្ថបទខាងក្រោមនេះ អាចជួយលោកអ្នកតាមរយៈការដោះស្រាយតាមព្រះបន្ទូលរបស់ព្រះជាម្ចាស់បាន។

១. តើកំហឹងជាអំពើបាបឬ?

តែកំហឹងមិនមែនជាអំពើបាបនោះទេ ប៉ុន្តែប្រសិនបើវាបង្កអោយបុគ្គលណាម្នាក់មានគ្រោះថ្នាក់ ដោយកំហឹងរបស់លោកអ្នក នោះវាជាអំពើបាប។ អេភេសូរ ៤:២៦-២៧ «ចូរខឹងចុះ តែកុំឲ្យធ្វើបាបឡើយ កុំឲ្យសេចក្តីកំហឹងរបស់អ្នកនៅដរាបដល់ថ្ងៃលិចឡើយ ក៏កុំឲ្យអារក្សមានឱកាសឲ្យសោះ។» យើងគួរប្រញាប់តែរំសាយអារម្មណ៍របស់យើង ដើម្បីកុំអោយឲ្យអារម្មណ៍របស់យើង គ្រប់គ្រងចិត្តរបស់យើងបាន។

២. ដោះស្រាយកំហឹងរបស់លោកអ្នកតាំងពីដំបូងមក

យើងម្នាក់តែងតែរក្សាទុកកំហឹងរបស់យើងអស់រយៈពេលជាច្រើនឆ្នាំ ដោយមិនដឹងថាពួកយវាអាចបង្កអោយយើងមានបញ្ហានោះទេ។ យើងត្រូវរំលឹកខ្លួនឯងជានិច្ចថា យើងមិនត្រូវធ្វើបែបនោះទេ។ យើងក៏ដូចជាមនុស្សទូទៅដែរ។ ដូច្នេះវាពិតជាមានសារៈសំខាន់ណា នៅក្នុងការទទួលស្គាល់បញ្ហាកំហឹងរបស់យើង ហើយព្រមដោះស្រាយវា។ ប្រសិនបើយើងអាចគ្រប់គ្រងកំហឹងរបស់យើងបាន មុនពេលវាកាន់តែអាក្រក់ទៅទៀតនោះ វាប្រហែលជាមិនបង្កគ្រោះថ្នាក់ដល់មនុស្សជុំវិញខ្លួនយើងទេ។ នៅក្នុងពេលដ៏ក្តៅគគុកនោះ យើងមិនគួរភ្លេចថា ព្រះរបស់យើងជានរណា ហើយទ្រង់បានបង្រៀនអ្វីដល់យើងនោះទេ។សុភាសិត ១៦:៣២ «អ្នកណាដែលយឺតនឹងខឹង នោះវិសេសជាងអ្នកដែលមានកំឡាំងខ្លាំង ហើយអ្នកណាដែលឈ្នះចិត្តខ្លួនក៏វិសេសជាងអ្នកដែលឈ្នះយកបានទីក្រុងទៅទៀត។» យើងគួរនឹកចាំជានិច្ចថា យើងជាអ្នកបម្រើដល់ព្រះដែលមានព្រះហឫទ័យមេត្តាករុណា ហើយយើងត្រូវធ្វើដូចទ្រង់ជានិច្ច។

៣.តើត្រូវធ្វើដូចម្តេចដើម្បីរក្សាសន្តិភាព?

មានវិធីតែមួយគត់ដើម្បីយកឈ្នះកំហឹងរបស់យើងបាន នោះជាការអត់ទោសដល់មនុស្សដែលធ្វើអោយយើងមានអារម្មណ៍ខឹង។ កូឡូស ៣:១៣ «ហើយទ្រាំទ្រគ្នា ទាំងអត់ទោសទៅវិញទៅមក បើអ្នកណាមានហេតុទាស់នឹងអ្នកណា នោះចូរអត់ទោសឲ្យគេចុះ ដូចជាព្រះគ្រីស្ទបានអត់ទោសឲ្យអ្នករាល់គ្នាដែរ។» សាកល្បងអត់ទោសដល់អ្នកដែលធ្វើអោយយើងខឹង ហើយសង្កេតមើលថា តើមានសេចក្តីសុខសាន្តកើតមាននៅក្នុងចិត្តរបស់លោកអ្នកដែរឬទេ? នេះអាចធ្វើអោយយើងគិតជាមុន មុនពេលដែលយើងមានអារម្មណ៍ខឹងចំពោះអ្នកផ្សេងម្តងទៀត។

សេចក្តីអធិស្ឋាន

ព្រះអង្គអើយសូមនាំទូលបង្គំទៅកាន់ព្រះវត្តមានទ្រង់។ ទូលបង្គំសារភាពចំពោះទ្រង់ នូវភាពទន់ខ្សោយរបស់ទូលបង្គំ ទូលបង្គំជាមនុស្សតូចទាប ប៉ុន្តែទ្រង់ជាព្រះដ៏ធំឧត្តម ហើយសូមជួយដល់ទូលបង្គំផង ដើម្បីឲ្យទូលបង្គំអាចផ្សាយពីសេចក្តីស្រលាញ់របស់ទ្រង់ និងបំបាត់នូវកំហឹងទាំងឡាយនៅក្នុងទូលបង្គំ។ ទូលបង្គំអធិស្ឋាននៅក្នុងព្រះនាមព្រះយេស៊ូវគ្រីស្ទ។ អាមែន!

តើខ្ញុំអាចអធិស្ឋានដោយរបៀបណា?

Tue, 09 Apr 2024 02:28:16 GMT

តើខ្ញុំអាចអធិស្ឋានដោយរបៀបណា?

ខ្ញុំនៅចាំបានថា មានថ្ងៃមួយខ្ញុំព្រួយបារម្ភខ្លាំងណាស់អំពីជីវិត។ ខ្ញុំមិនដឹងថាត្រូវធ្វើអ្វី ឬស្វែងរកជំនួយពីអ្នកណា ហើយក៏គ្មាននរណាម្នាក់ស្តាប់ខ្ញុំ និងជួយខ្ញុំដែរ។ ដូច្នេះហើយ នៅពេលដែលខ្ញុំគេងលក់ ខ្ញុំត្រូវគេងលក់ជាមួយបញ្ហា ប៉ុន្តែនៅក្នុងគំនិតរបស់ខ្ញុំ ខ្ញុំបាននឹកចាំដល់ព្រះជាម្ចាស់ ហើយបានក្រោកឡើងអង្គុយចុះ ចាប់ផ្តើមអធិស្ឋាន ប៉ុន្តែខ្ញុំគ្មានពាក្យអ្វីដែលត្រូវនិយាយនោះទេ។ ខ្ញុំបានអង្គុយចុះជាមួយនឹងភាពស្ងៀមស្ងាត់ដោយបិទភ្នែក ប៉ុន្តែដួងចិត្តរបស់ខ្ញុំបានផ្តោតទៅកាន់ព្រះ ហើយខ្ញុំជឿយ៉ាងប្រាកដថា ទ្រង់ពិតជាជ្រាបអំពីទុក្ខលំបាក ហើយទ្រង់ក៏កំពុងស្តាប់ខ្ញុំដែរ។

ពេលខ្លះយើងមិនសូវមានការប្រកបជិតស្និតជាមួយនឹងព្រះជាម្ចាស់នៅក្នុងជីវិតរបស់យើងទេ។ យើងយើងចាប់ផ្តើមមានអារម្មណ៍ពិបាកចិត្ត យើងមើលទៅកាន់មិត្តភ័ក្ត សាច់ញាតិ ឬអ្នកដែលយើងស្គាល់ ដើម្បីស្វែងរកជំនួយពីពួកគេ។ នៅពេលដែលគ្រប់យ៉ាងទាល់ច្រកហើយ នោះចុងក្រោយយើងបែរជានឹកចាំអំពីព្រះជាម្ចាស់ទៅវិញ។ រឿងដដែលៗនេះកើតឡើងចំពោះខ្ញុំ។

ប៉ុន្តែអ្វីដែលគួរឲ្យចាប់អារម្មណ៍បំផុតនោះគឺថា ព្រះទ្រង់តែងតែគង់ជាមួយយើង ហើយចាំស្តាប់យើងជានិច្ច។ ទ្រង់មិនដែលមានបន្ទូលថា ទ្រង់រវល់ពេក រហូតគ្មានពេលស្តាប់យើងឡើង ព្រោះទ្រង់មិនមែនជាមនុស្សដូចយើង។ នៅពេលដែលយើងអធិស្ឋាន នោះព្រះទ្រង់តែងតែស្តាប់ការអធិស្ឋានរបស់យើងជានិច្ច។ ព្រះគម្ពីរបានចែងថា «ទំនុកដំកើង ១២១:៣-៤ ទ្រង់នឹងមិនឲ្យជើងអ្នករឥលភ្លាត់ឡើយ ព្រះអង្គដែលរក្សាអ្នក ទ្រង់នឹងមិនផ្ទំរលីវឡើយ មើល ព្រះអង្គដែលរក្សាអ៊ីស្រាអែល ទ្រង់នឹងមិនដែលងោកងុយ ក៏មិនដែលផ្ទំលក់ឡើយ។»

ខ្ញុំយល់ថា យើងអាចអធិស្ឋាននៅពេលណាក៏បាន និងកន្លែងណាក៏បាន ដូចដែលព្រះយេស៊ូវគ្រីស្ទបានមានបន្ទូលទៅកាន់ស្រ្តីដែលកំពុងឈរនៅជិតអណ្តូងមួយថា «តែនឹងមានពេលវេលាមក ក៏នៅឥឡូវនេះហើយ នោះពួកអ្នកដែលថ្វាយបង្គំដោយពិតត្រង់ គេនឹងថ្វាយបង្គំព្រះវរបិតាដោយវិញ្ញាណ និងសេចក្តីពិត (យ៉ូហាន ៤:២០-២៤)។»

ពេលដែលយើងអធិស្ឋានសម្រាប់តម្រូវការរបស់យើង យើងមិនគួរបោះបង់ការអធិស្ឋាននោះទេ ប៉ុន្តែចូរធ្វើអោយវាក្លាយទៅជាទម្លាប់នៃជីវិតរបស់យើង ព្រោះនោះជាអ្វីដែលព្រះជាម្ចាស់ទ្រង់សព្វព្រះទ័យ។ថែស្សាឡូនីចទី១ ៥:១៦-១៧ «ចូរអរសប្បាយជានិច្ច ចូរអធិស្ឋានឥតឈប់ឈរ ចូរអរព្រះគុណក្នុងគ្រប់ការទាំងអស់ ពីព្រោះព្រះទ្រង់សព្វព្រះហឫទ័យឲ្យអ្នករាល់គ្នាធ្វើយ៉ាងដូច្នោះ ដោយនូវព្រះគ្រីស្ទយេស៊ូវ។ នេះជាព្រះហឫទ័យរបស់ព្រះសម្រាប់យើងនៅក្នុងព្រះគ្រីស្ទយេស៊ូវ។ពេលការអធិស្ឋានរបស់យើងក្លាយទៅជាទម្លាប់ នោះព្រះជាម្ចាស់ទ្រង់ក៏ប្រទានអោយយើងនូវបន្ទុកមួយសម្រាប់អធិស្ឋានអោយអ្នកដទៃ។

ប្រសិនបើយើងក្រឡេកមើលជុំវិញ យើងនឹងមើលឃើញមនុស្សជាច្រើនទៀតដែលត្រូវការការអធិស្ឋានពីយើង។ ប៉ុន្តែវានឹងចាប់ផ្តើមនៅក្នុងថ្ងៃនេះ នៅពេលដែលលោកអ្នកអានអត្ថបទនេះចប់ ហើយចាប់ផ្តើមអធិស្ឋាន។ថ្ងៃនេះ នៅពេលដែលលោកអ្នកអធិស្ឋាន លោកអ្នកប្រហែលជាគ្មានពាក្យអ្វីដែលត្រូវអធិស្ឋានទេ។ លោកអ្នកប្រហែលជាមិនអាចនិយាយជាមួយព្រះជាម្ចាស់បានទេ ប៉ុន្តែខ្ញុំជឿជាក់ថា នៅបន្តិចទៀតលោកអ្នកពិតជាមានរឿងជាច្រើនដែលលោកអ្នកចង់អធិស្ឋានជារៀងរាល់ថ្ងៃ។ អង្គុយដោយសៀមស្ងាត់ ហើយចាប់ផ្តើមទូលថ្វាយព្រះនូវស្ថានភាពដួងចិត្តរបស់លោកអ្នកឥឡូវនេះ។

ប្រសិនបើលោកអ្នកមិនដឹងថា ត្រូវអធិស្ឋានសុំអ្វីទេ នោះចូរយើងអរព្រះគុណព្រះសម្រាប់ថ្ងៃដ៏ស្រស់ស្អាតនេះ ដែលទ្រង់បានប្រទានដល់យើង នៅពេលយើងភ្ញាក់ឡើង។

សេចក្តីអធិស្ឋាន
ឱព្រះជាម្ចាស់អើយ សូមអរព្រះគុណទ្រង់សម្រាប់ការដាស់ទូលបង្គំនៅព្រឹកនេះ សូមអរគុណចំពោះសេចក្តីស្រឡាញ់ និងការយកព្រះទ័យទុកដាក់របស់ទ្រង់ សូមអរគុណចំពោះអ្វីគ្រប់យ៉ាងដែលទ្រង់បានប្រទានឱ្យទូលបង្គំដោយឥតគិតថ្លៃនៅក្នុងជីវិតនេះ។ ទូលបង្គំសូមអធិស្ឋានជំនួសវិញថា ទូលបង្គំអាចសម្លឹងមើលព្រះភក្រទ្រង់ ហើយរស់នៅក្នុងជីវិតដែលប្រកាសពីភាពល្អប្រសើររបស់ទ្រង់។ ទូលបង្គំអធិស្ឋាន ក្នុងព្រះនាមព្រះយេស៊ូវគ្រីស្ទអាម៉ែន។

ខ្ញុំឃើញអ្នក ខ្ញុំអាចជួយអ្នកបាន

Tue, 09 Apr 2024 01:13:38 GMT

ខ្ញុំឃើញអ្នក ខ្ញុំអាចជួយអ្នកបាន

តើលោកអ្នកធ្វើភ្ញាក់នៅកណ្តាលយប់ ហើយបេះដូងរបស់លោកអ្នកលោតញាប់ បែកញើស ដោយអារម្មណ៍ភ្ញាក់ផ្អើល និងច្របូកច្រល់ដែរឬទេ? តើលោកអ្នកឈានដល់ថ្ងៃចុងក្រោយ ហើយមានអារម្មណ៍ថាជីវិតរបស់លោកអ្នក គ្មានអ្វីទាល់តែសោះ ហើយលោកអ្នកគ្មានទំនាក់ទំនងជាមួយនឹងអ្នកដទៃ ឬគិតថាជីវិតរបស់លោកអ្នកគ្មានន័យ?

ខ្ញុំកំពុងមើលអ្នក

លោកអ្នកព្យាយាមអស់ពីសមត្ថភាពហើយដើម្បីព្យាបាលខ្លួនឯង ប៉ុន្តែលោកអ្នកនៅតែមានអារម្មណ៍ដដែល។ សូម្បីតតែមនុស្សដែលជោគជ័យ មានកេរ្តិ៍ឈ្មោះក៏ខកចិត្ត ហើយអ្នកខ្លះក៏សម្លាប់ខ្លួនផងដែរ។ លុយមិនអាចព្យាបាលអារម្មណ៍ទាំងអស់នោះបានទេ ហើយការមានកេរ្តិ៍ឈ្មោះល្អ ក៏មិនអាចព្យាបាលអារម្មណ៍នោះបានដែរ។

ខ្ញុំកំពុងមើលអ្នក ហើយខ្ញុំអាចជួយអ្នកបាន

អ្នកដូចជាមនុស្សដែលកំពុងតែលង់ទឹក ហើយអ្នកមិនអាចជួយខ្លួនឯងបានទេ នៅពេលនោះ មិនមាននរណាម្នាក់នៅមាត់បឹងដើម្បីនឹងជួយអ្នកទេ។ អ្នកមិនអាចរៀនហែលទឹកបានភ្លាមៗទេ អ្នកត្រូវការនរណាម្នាក់ដើម្បីលោតចូលទៅជួយអ្នកដើម្បីសង្គ្រោះអ្នក។

ខ្ញុំកំពុងទតមើលអ្នក ខ្ញុំអាចជួយអ្នកបាន ខ្ញុំគឺជាព្រះគ្រីស្ទ

ការពិតនោះគឺថា យើងម្នាក់ៗត្រូវបានបង្កើតឡើងដើម្បីអោយមានទំនាក់ទំនងជាមួយព្រះជាម្ចាស់។ ហើយមានតែទ្រង់ទេ ដែលអាចកំសាន្តចិត្តដល់យើងបាន។ យើងមិនអាចស្វែងរកការសម្រាលទុក្ខនៅក្នុងជីវិត និងព្រលឹងឡើយ បើសិនជាយើងមិនបានស្គាល់ព្រះដ៏មានព្រះជន្មរស់។ ទ្រង់បានបង្កើតយើងសម្រាប់គោលបំណងមួយ។ ទ្រង់ស្រលាញ់យើង ទ្រង់ចង់កំសាន្តចិត្តយើង ហើយទ្រង់អាចប្រទានជីវិតដល់យើងបាន។ប៉ុន្តែជីវិតយើងត្រូវបានហ៊ុំព័ទ្ធដោយបញ្ហាជាច្រើន។ យើងបានទាសចេញពីទ្រង់ ដោយមិនបានរស់នៅស្តាប់បង្គាប់ទ្រង់។ យើងមិនបានកាន់តាមបញ្ញត្តិរបស់ទ្រង់ ហើយមិនបានគោរពកោតខ្លាចដល់ទ្រង់។ យើងកំពុងលង់លក់ជាមួយនឹងវិប្បដិសារី និងអំពើបាប។ យើងមិនអាចចាកចេញពីវាបានទេ ទោះបីជាយើងខំប្រឹងអស់ពីសមត្ថភាពក៏ដោយ។ យើងមិនត្រូវការការណែនាំល្អៗទេ យើងក៏មិនត្រូវការនរណាម្នាក់ដើម្បីជួយសង្គ្រោះយើងដែរ។

ខ្ញុំកំពុងទតមើលអ្នក ខ្ញុំអាចជួយអ្នកបាន ខ្ញុំគឺជាព្រះគ្រីស្ទ

ហេតុអ្វីបានជាយើងហៅទ្រង់ថាជាព្រះគ្រីស្ទ? ព្រះគ្រីស្ទមានន័យថា ព្រះអង្គសង្គ្រោះ ទ្រង់អាចជួយយើងបាន។ ហេតុនេះហើយបានជាព្រះទ្រង់ចាត់ព្រះគ្រីស្ទមកដើម្បីសង្គ្រោះយើងចេញពីភាពងងឹត។ យ៉ូហាន ១៤:៦ ព្រះយេស៊ូវមានព្រះបន្ទូលទៅគាត់ថា ខ្ញុំជាផ្លូវ ជាសេចក្តីពិត ហើយជាជីវិត បើមិនមកតាមខ្ញុំ នោះគ្មានអ្នកណាទៅឯព្រះវរបិតាបានឡើយ.ព្រះគ្រីស្ទជាសេចក្តីពិត ហើយជាជីវិត ហើយជីវិតដ៏ពេញបរិបូរណ៍ ទ្រង់ជាផ្លូវទៅកាន់ព្រះជាម្ចាស់។ ទ្រង់បានសុគតដើម្បីយើងទាំងអស់គ្នា។ ទ្រង់បានសុគតដើម្បីសង្រ្គោះយើង។ ទ្រង់បានទទួលទណ្ឌកម្ម ដោយព្រោះភាពបះបោររបស់យើង ដែលប្រឆាំងនឹងព្រះ ហើយដើម្បីអោយយើងបានស្អាតបរិសុទ្ធម្តងទៀត។ ទ្រង់បានធ្វើការលះបង់យ៉ាងអស្ចារ្យ ដើម្បីកុំអោយយើងបានធ្វើវាម្តងហើយម្តងទៀត។

តើលោកអ្នកពិតជានឿយហត់នឹងការឈឺចាប់ ហើយត្រូវការនរណាម្នាក់ដើម្បីជួយលោកអ្នកមែនទេ?

ព្រះគ្រីស្ទទ្រង់ចង់កំសាន្តចិត្តដល់យើង និងប្រទានសេចក្តីសុខសាន្តដល់យើង។ ទ្រង់ចង់ព្យាបាលរបួសដួងចិត្តរបស់យើង និងព្យាបាលយើង។ ទ្រង់មានផែនការដ៏អស្ចារ្យសម្រាប់យើង ទ្រង់ស្រលាញ់យើង។

សេចក្តីអធិស្ឋាន ព្រះយេស៊ូវអើយ ទូលបង្គំមានអារម្មណ៍ឈឺចាប់ណាស់ ទូលបង្គំមានអារម្មណ៍តានតឹង ខឹង ទូលបង្គំមានអារម្មណ៍ឯកោ និងភាពទទេរ។ ប្រសិនបើអ្វីដែលទ្រង់បានមានព្រះបន្ទូលជាពិតមែន នោះទូលបង្គំពិតជាត្រូវការជំនួយពីទ្រង់ណាស់។ ទូលបង្គំត្រូវការសេចក្តីសុខសាន្ត ទូលបង្គំចង់មានសេរីភាព ទូលបង្គំត្រូវការព្រះគ្រីស្ទ ដើម្បីជួយសង្គ្រោះទូលបង្គំចេញពីភាពងងឹត និងបង្ហាញផ្លូវដល់ទូលបង្គំ។ ព្រះយេស៊ូវអើយ ទូលបង្គំមិនអាចដឹកនាំផ្លូវនេដោយខ្លួនឯងទេ។ សូមទ្រង់បានបង្ហាញដល់ទូលបង្គំនូវអន្ថន័យជីវិតដែលដើរតាមព្រះអង្គ និងរបៀបដែលទូលបង្គំអាចទទួលបានសេចក្តីសុខសាន្តនៅក្នុងជីវិតផង។ អាមែន។

តើខ្ញុំអាចអត់ទោសដល់អ្នកដទៃដោយរបៀបណា?

Mon, 08 Apr 2024 14:53:21 GMT

តើខ្ញុំអាចអត់ទោសដល់អ្នកដទៃដោយរបៀបណា?

ការណែនាំ

តើលោកអ្នកធ្លាប់ត្រូវបាននរណាម្នាក់ធ្វើអោយឈឺចាប់ដែរឬទេ? តើជាការខុស ឬជាអំពើអាក្រក់ដែរឬទេ បើលោកអ្នកស្វែងរកវិធីដើម្បីសងសឹកដល់ពួកគេវិញ? តើវាជាកំហុសដ៏គួរអោយភ័យខ្លាចបំផុតដែរឬទេ បើលោកអ្នកមិនអាចស្វែងរកឃើញនូវរបៀបដោះស្រាយ និងអាចបោះជំហានធ្វើដំណើរទៅមុខទៀតបាន? មានដំណឹងល្អមួយសម្រាប់លោកអ្នកនៅក្នុងការដោះស្រាយនូវកំហុសនេះបាន នោះគឺថា ព្រះទ្រង់ជ្រាបអំពីការឈឺចាប់របស់យើង និងចង់អោយយើងមានសេរីភាព។ វិធីចាកចេញតែមួយគត់ គឺអត់ទោសដល់ពួកគេ «ថាម៉េច» អ្នកយំ វាមិនអាចទៅរួចនោះទេនៅក្នុងការអត់ទោសដល់ពួកគេ ពួកគេមិនសាកសម្យទទួលបានការអត់ទោសទេ អ្វីដែលគេធ្វើចំពោះខ្ញុំគឺអាក្រក់ខ្លាំងណាស់។ ព្រះបន្ទូលរបស់ព្រះ បានបង្ហាញដល់យើងអំពីការអត់ទោស។

ទីមួយ យើងអត់ទោសដល់ពួកគេ

ពីព្រោះព្រះបានអត់ទោសដល់យើងព្រះគម្ពីរ (ទំនុកតម្កើង ១០៣:២-៣) បានចែងថា៖ «ព្រលឹងអញអើយ ចូរសរសើរដល់ព្រះយេហូវ៉ាចុះ ហើយកុំឲ្យភ្លេចបណ្តាព្រះគុណណាមួយរបស់ទ្រង់ឡើយ ដែលទ្រង់អត់ទោសចំពោះអស់ទាំងការទុច្ចរិតរបស់ឯងទ្រង់ប្រោសជំងឺទាំងប៉ុន្មានរបស់ឯងឲ្យជា»។ព្រះគម្ពីរ (ម៉ាថាយ ៦:១៤-១៥) បានចែងថា៖ «ដ្បិតបើអ្នករាល់គ្នាអត់ទោសចំពោះការរំលងច្បាប់ ដែលមនុស្សលោកប្រព្រឹត្តធ្វើ នោះព្រះវរបិតានៃអ្នក ដែលគង់នៅស្ថានសួគ៌ ទ្រង់នឹងអត់ទោសឲ្យអ្នករាល់គ្នាដែរ តែបើអ្នករាល់គ្នាមិនអត់ទោស ចំពោះការរំលងច្បាប់ឲ្យគេទេ នោះព្រះវរបិតានៃអ្នក ទ្រង់ក៏មិនអត់ទោស ចំពោះការរំលងច្បាប់ ដែលអ្នករាល់គ្នាប្រព្រឹត្តធ្វើដែរ»។
តើយើងអាចរំពឹងថានឹងទទួលបានការអត់ទោស និងសេចក្ដីមេត្ដាករុណាពីព្រះដោយរបៀបណា ប្រសិនបើយើងចេះមិនអត់ទោស?

ទីពីរ យើងទោសអត់

ព្រោះវាធ្វើអោយយើងមានសេរីភាពមនុស្សជាច្រើនគិតថា ការអត់ទោសគឺគ្រាន់តែធ្វើអោយអ្នកដទៃឈប់វិនិច្ឆ័យយើងប៉ុណ្ណោះ។ តាមពិតទៅមិនដូច្នោះទេ លទ្ធផលដ៏អស្ចារ្យនៅពេលដែលយើងអត់ទោស គឺរំដោះយើងអោយមានសេរីភាព។
ព្រះគម្ពីរ អេភេសូ ៤:៣១-៣២ បានចែងថា «ចូរខំដកគ្រប់ទាំងសេចក្តីជូរល្វីង ក្តៅក្រហាយ កំហឹង ឡូឡា ជេរប្រមាថ និងគ្រប់ទាំងសេចក្តីអាក្រក់ ចេញពីពួកអ្នករាល់គ្នាទៅចូរមានចិត្តសប្បុរសនឹងគ្នាទៅវិញទៅមក ព្រមទាំងមានចិត្តទន់សន្តោស ហើយអត់ទោសគ្នា ដូចជាព្រះទ្រង់បានអត់ទោសឲ្យអ្នករាល់គ្នា ដោយព្រះគ្រីស្ទដែរ»។ប្រសិនបើយើងមិនអត់ទោសអោយអ្នកដទៃទេ នោះមានន័យថាយើងកំពុងបៀមទុកនូវភាពជូល្វីង និងកំហឹង។ វីធីតែមួយគត់ដើម្បីរំដោះយើងអោយមានសេរីភាព នោះគឺការអត់ទោសអោយអ្នកដទៃ។

ទីបី យើងអាចអត់ទោសបាន

ពីព្រោះព្រះប្រទានកម្លាំងដល់យើងប្រហែលជាយើងគិតថា ការអត់ទោសនោះពិតជាពិបាកពេកសម្រាប់យើង។ តែជាការល្អ ដែលព្រះប្រទានកម្លាំងដល់យើងនៅក្នុងការអត់ទោស។ នៅក្នុងព្រះគម្ពីរ ភីលីព ៤:១២-១៣ បានចែងថា « មិនមែនថា ខ្ញុំបានទទួល ឬថា ខ្ញុំបានគ្រប់លក្ខណ៍ហើយនោះទេ តែខ្ញុំកំពុងតែដេញតាម សង្វាតនឹងចាប់ឲ្យបានសេចក្តី ដែលព្រះគ្រីស្ទយេស៊ូវបានចាប់ខ្ញុំឲ្យបាននោះដែរ បងប្អូនអើយ ខ្ញុំមិនរាប់ថាខ្លួនខ្ញុំចាប់បានហើយនោះទេ តែមានសេចក្តីនេះ១ គឺថា ខ្ញុំភ្លេចសេចក្តីទាំងប៉ុន្មានដែលកន្លងទៅហើយ ក៏ខំមមុលឈោងទៅឯសេចក្តីខាងមុខទៀត»។ ប្រសិនបើយើងសុំជំនួយពីព្រះ នោះទ្រង់នឹងជួយដល់យើង ដោយព្រោះទ្រង់ស្មោះត្រង់!

ទីបួន ចុងក្រោយ យើងអត់ទោស

ដោយសារយើងប្រគល់ការឈឺចាប់របស់យើងដល់ព្រះព្រះទ្រង់ជ្រាបពីការឈឺចាប់របស់យើង និងស្រលាញ់យើង។ នៅក្នុងព្រះគម្ពីរ ទំនុកដំកើង ៣៤:៤,៦ បានចែងថា «ខ្ញុំបានស្វែងរកព្រះយេហូវ៉ា ហើយទ្រង់ក៏ឆ្លើយតបមកខ្ញុំ ក៏ប្រោសឲ្យខ្ញុំរួចពីអស់ទាំងសេចក្តីភិតភ័យរបស់ខ្ញុំ ខ្ញុំ ជាមនុស្សវេទនានេះ បានអំពាវនាវទៅ នោះព្រះយេហូវ៉ាទ្រង់បានស្តាប់តាម ហើយជួយសង្គ្រោះឲ្យរួចពីសេចក្តីលំបាកទាំងប៉ុន្មានរបស់ខ្លួន»។
ព្រះគម្ពីរ រ៉ូម ១២:១៩ បានចែងថា «ឱពួកស្ងួនភ្ងាអើយ កុំឲ្យសងសឹកឡើយ ចូរថយចេញពីសេចក្តីកំហឹងទៅ ដ្បិតមានសេចក្តីចែងទុកមកថា «ព្រះអម្ចាស់ ទ្រង់មានព្រះបន្ទូលថា ការសងសឹក នោះស្រេចនឹងអញ អញនឹងសងដល់គេ»។

សេចក្តីអធិស្ឋាន

ឱព្រះអម្ចាស់អើយ ទូលបង្គំសូមអរព្រះគុណទ្រង់ ដែលទ្រង់បានអត់ទោសឱ្យទូលបង្គំ ទ្រង់ប្រទានអំណាច និងកម្លាំងដល់ទូលបង្គំ ដើម្បីអត់ទោសដល់អ្នកដែលបានធ្វើបាបដល់ទូលបង្គំ។ អាម៉ែន

តើអ្វីជាគោលបំណងជីវិតរបស់ខ្ញុំ?

Mon, 08 Apr 2024 13:19:16 GMT

តើអ្វីជាគោលបំណងជីវិតរបស់ខ្ញុំ?

នៅព្រឹកមួយនៅពេលភ្ញាក់ពីគេ ស្រាប់តែមានគំនិតមួយបានចូលមកខួរក្បាលរបស់ខ្ញុំថា គោលបំណងជីវិតរបស់ខ្ញុំគឺ ក្រោកពីព្រលឹម ដើម្បីញាំ ផឹក ធ្វើការងារខ្លះៗ រួចក៏ចូលគេងវិញ ហើយវាជាទម្លាប់ប្រចាំថ្ងៃរបស់ខ្ញុំ។ ប៉ុន្តែក្រោយមកខ្ញុំក៏បានគិតថា ព្រះមិនបានបង្កើតខ្ញុំសម្រាប់គោលបំណងនោះតែមួយនោះទេ។ ខ្ញុំដឹងថា ព្រះជាម្ចាស់បានបង្កើតខ្ញុំមកអោយដូចជារូបអង្គទ្រង់ ហើយខ្ញុំពិតជាមិនយល់អំពីគោលបំណងនៃជីវិតរបស់ខ្ញុំទេ។

ខ្ញុំបានក្រឡេកមើលមនុស្សនៅជុំវិញខ្លួនរបស់ខ្ញុំ ដើម្បីមើលថាតើពួកគេកំពុងធ្វើអ្វីនៅក្នុងជីវិតរបស់ពួកគេ ហើយខ្ញុំបានរកឃើញថា ជីវិតរបស់មនុស្សភាគច្រើនគឺស្រដៀងគ្នាបេះបិទ។ មនុស្សគ្រប់គ្នាក្រោកពីព្រលឹម ទៅធ្វើការ រស់នៅជាមួយគ្រួសារ ហើយថ្ងៃស្អែកពួកគេធ្វើអញ្ចឹងដដែលៗ។

ខ្ញុំជាជំនួយការអ្នកយកសារព័ត៌មានឲ្យប៉ុស្តិ៍ទូរទស្សន៍មួយ។ ខ្ញុំទៅធ្វើការនៅពេលព្រឹក ហើយត្រឡប់មកវិញនៅពេលល្ងាច ហើយក៏ចូលគេង ហើយថ្ងៃស្អែកខ្ញុំទៅធ្វើការទៀត។ ប៉ុន្តែថ្ងៃមួយ ខ្ញុំបានរកឃើញព្រះ ដែលបានបង្កើតខ្ញុំ និងដាក់ខ្ញុំនៅក្នុងពិភពលោកនេះដោយមានគោលបំណងមួយ ប៉ុន្តែខ្ញុំមិនដែលចង់ដឹងអំពីគោលបំណងនោះទេ។ ហេតុអ្វីបានជា ព្រះដាក់ខ្ញុំក្នុងពិភពលោកនេះ។ ប្រហែលជាពេលវេលា ស្ថានភាព និងភាពលំបាកៗនៅក្នុងពិភពលោកនេះមិនបានផ្តល់ពេលវេលាអោយខ្ញុំបានគិតអំពីវាហើយមើលទៅ។ ប៉ុន្តែពេលនេះ ដល់ពេលដែលខ្ញុំត្រូវគិតអំពីអ្នកដែលបានបង្កើតខ្ញុំមក ហើយដាក់ខ្ញុំក្នុងគោលបំណងអ្វីមួយហើយ។ ខ្ញុំក៏ចាប់ផ្តើមសួរមនុស្សជាច្រើនអំពីព្រះ។

ប៉ុន្តែតាមការបកស្រាយរបស់ពួកគេ ពួកគេមានការយល់ឃើញអំពីព្រះខុសៗគ្នា។ ហើយខ្ញុំមានការខកចិត្តខ្លាំងណាស់ ពីព្រោះមនុស្សដែលខ្ញុំបានជួប ពួកគេមានភាពឆេះឆួលក្នុងសាសនារបស់ពួកគេ ហើយពួកគេមិនបានបង្ហាញនូវអ្វីដែលខ្ញុំចង់ដឹងនោះទេ។ ផ្ទុយទៅវិញ នៅពេលខ្ញុំនិយាយជាមួយនឹងពួកគេហើយ ខ្ញុំប្រែទៅជាមានអារម្មណ៍ភ័យខ្លាចទៅវិញ។ ខ្ញុំមានអារម្មណ៍ថា ខ្ញុំមិនគួរនិយាយជាមួយនរណាម្នាក់ទៀតទេ។

ប៉ុន្តែធ្លាប់អធិស្ឋានជារៀងរាល់យប់ ដោយមានតែមួយប្រយោគថា «បើសិនទ្រង់ជាព្រះមែន ហើយស្គាល់ទូលបង្គំ សូមមានបន្ទូលមកកាន់ទូលបង្គំផង»។ ហើយនៅពេលយប់នោះខ្ញុំក៏បានគេងលក់ មាននរណាម្នាក់ហៅឈ្មោះខ្ញុំ ហើយខ្ញុំក៏ក្រោកឡើងអង្គុយដោយអារម្មណ៍ភ័យខ្លាច។ ប៉ុន្តែនៅពេលបន្ទាប់ ខ្ញុំក៏បាននឹកចាំពីអ្នកដែលបានហៅខ្ញុំជារៀងរាល់ថ្ងៃ មុនពេលចូលគេង ពេលខ្ញុំភ្ញាក់ឡើង ហើយប្រហែលនេះជាលើកទីមួយហើយ ដែលខ្ញុំបានអធិស្ឋានអស់ពីចិត្ត។ ព្រះបានបង្ហាញផ្លូវដើម្បីជួយដល់ខ្ញុំ។ ខ្ញុំចាប់ផ្តើមអានព្រះគម្ពីរដំណឹងល្អយ៉ូហាន តាំងពីថ្ងៃដែលខ្ញុំបានរកឃើញអត្តសញ្ញាណរបស់ខ្ញុំ គឺខគម្ពីរដំណឹងល្អយ៉ូហាន ១:១២ ប៉ុន្តែអស់អ្នកណាដែលទទួលទ្រង់ គឺអស់អ្នកដែលជឿដល់ព្រះនាមទ្រង់ នោះទ្រង់បានប្រទានអំណាច ឲ្យបានត្រឡប់ជាកូនព្រះ។

ពេលខ្ញុំដឹងថា ព្រះជាម្ចាស់ទ្រង់ស្រលាញ់ខ្ញុំ ហើយតែងតែឱបខ្ញុំ នៅពេលគ្មានអ្នកឱបខ្ញុំ។ វាបានផ្លាស់ប្តូរការគិតរបស់ខ្ញុំ និងរបៀបដែលខ្ញុំគត និងមានអារម្មណ៍ភ្ញាក់គិតអំពីពិភពលោក និងមនុស្ស។ ហើយខ្ញុំបានរកឃើញថា ការខកចិត្ត និងរឿងដែលបានកើតឡើងនៅក្នុងជីវិតខ្ញុំ មិនមែនដោយសារព្រះទេ គឺដោយសារទ្រង់ស្រលាញ់ខ្ញុំ។

នៅពេលដែលខ្ញុំពង្រឹងទំនាក់ទំនងរបស់ខ្ញុំជាមួយនឹងព្រះ ទ្រង់បានរំលឹកខ្ញុំអំពីសុភាសិតមួយឃ្លាថា ការដែលភ្លេចពេលវេលានៅពេលព្រឹក នោះមិនមែនមានន័យថា ពេលល្ងាចមិនអាចចូលមកដល់នោះទេ ដូច្នេះហើយ មិនមែនអស់អ្នកដែលបានវង្វេងក្នុងពិភពលោកនេះ ហើយមិនអាចស្វែងរកគោលដៅឃើញនោះទេ។ ដូច្នេះហើយវាពិតណាស់ដែលយើងគួរដឹងទាំងអស់គ្នា។ ពិតណាស់ គ្រប់គ្នាគិតថាខ្ញុំវង្វេងក្នុងជីវិតដែលគ្មានគោលដៅ ប៉ុន្តែមិនមែនមានន័យថា យើងបាត់បង់តម្លៃរបស់យើងទេ ប៉ុន្តែអ្នកនឹងខ្ញុំត្រូវនឹកចាំជានិច្ចថា ព្រះជាម្ចាស់កំពុងរង់ចាំយើងត្រឡប់មកវិញជានិច្ច។

យើងនឹងអាចស្វែងរកគោលបំណងជីវិតរបស់យើងឃើញ ដោយគ្រាន់តែចូលមករកព្រះ។ ដោយសារតែទ្រង់មានផែនការដ៏អស្ចារ្យសម្រាប់យើង។ ប៉ុន្តែមានវិធីមួយ ខ្ញុំចង់ប្រាប់លោកអ្នកនូវរឿងមួយចំនួន នៅក្នុងការជួយដល់លោកអ្នកអោយដឹងអំពីគោលបំណងនៃជីវិតរបស់លោកអ្នក។

ចាប់ផ្តើមអធិស្ឋានដល់ព្រះ

ប្រសិនបើលោកអ្នកកំពុងប្រឈមមុខនឹងបញ្ហានេះ ចូរទូលសុំដល់ព្រះនៅថ្ងៃនេះថា សូមទ្រង់បានប្រទានប្រាជ្ញា និងការយល់ដឹងដល់លោកអ្នក។ដាក់ដួងចិត្តរបស់លោកអ្នកនៅក្នុងព្រះបន្ទូលរបស់ទ្រង់វិធីតែមួយដែលដឹងថាព្រះជាម្ចាស់មានបន្ទូលមកកាន់យើង គឺតាមរយៈព្រះការអានព្រះគម្ពីរ។ នេះមានន័យថា បើលោកអ្នកចង់ស្គាល់ព្រះហឬទ័យរបស់ព្រះ នោះលោកអ្នកត្រូវតែអានព្រះបន្ទូលរបស់ព្រះ ដោយការអធិស្ឋាន ដើម្បីអោយព្រះទ្រង់បានមានបន្ទូលមកកាន់លោកអ្នក។ ព្រះគម្ពីរទំនុកដំកើង ១១៩:១០៥ ព្រះបន្ទូលនៃទ្រង់ជាចង្កៀងដល់ជើងទូលបង្គំហើយជាពន្លឺបំភ្លឺផ្លូវទូលបង្គំផង។ដាក់មនុស្សល្អៗនៅក្នុងជីវិតរបស់លោកអ្នក

ទុកចិត្តព្រះជាម្ចាស់ជានិច្ច
ដំណើរស្វែងរកគោលបំណងជីវិតរបស់លោកអាចជាការលំបាក នឿយហត់ ឬពេលខ្លះពោពេញដោយភាពរីករាយក៏ថាបាន។ ដោយសារពេលខ្លះលោកអ្នកចង់ធ្វើដំណើរទៅមុខ ប៉ុន្តែមិនដឹងថាត្រូវធ្វើដំណើរដោយរបៀបណា ដូច្នេះនៅពេលដែលលោកអ្នកស្វែងរកឃើញនូវគោលបំណងជីវិត នោះលោកអ្នកនឹងដឹងថាអ្វីដែលលោកអ្នកកំពុងធ្វើកំពុងមានឥទ្ធិពលប៉ុណ្ណា។ មិនដូច្នោះទេ ប៉ុន្តែចូរទុកចិត្តព្រះជាម្ចាស់ ព្រោះខ្ញុំជឿថាព្រះនឹងនាំលោកអ្នកទៅកាន់ផ្លូវរបស់ទ្រង់។

ព្រះគម្ពីរទំនុកដំកើង ២៣:២-៣ ទ្រង់ឲ្យខ្ញុំដេកសំរាកនៅទីមានស្មៅខៀវខ្ចី ទ្រង់នាំខ្ញុំទៅក្បែរមាត់ទឹកដែលហូរគ្រឿនៗ ទ្រង់កែព្រលឹងខ្ញុំឡើងវិញ ទ្រង់នាំខ្ញុំទៅតាមផ្លូវសុចរិតដោយយល់ដល់ព្រះនាមទ្រង់។ ទ្រង់ណែនាំផ្លូវខ្ញុំ តាមផ្លូវដ៏ត្រឹមត្រូវរបស់ទ្រង់ សម្រាប់ជាប្រយោជន៍ដល់ទ្រង់។ ចូរចាំថា នៅក្នុងជីវិតនេះ យើងខ្សោយណាស់ ប៉ុន្តែព្រះជាម្ចាស់ទ្រង់ខ្លាំង។

ការអធិស្ឋាន

ឱព្រះជាម្ចាស់អើយ ទូលបង្គំអធិស្ឋានសូមទ្រង់បានរំលឹកទូលបង្គំថា ទូលបង្គំទាំងអស់គ្នាជាផ្នែកមួយនៃការកសាង និងពង្រីកនរគរបស់ព្រះអង្គ។ ទូលបង្គំទូលសុំឱ្យទ្រង់បានផ្តល់ឱ្យទូលបង្គំនូវចក្ខុវិស័យថ្មី សម្រាប់គោលបំណងរបស់ទ្រង់នៅក្នុងជីវិតរបស់យើង។ ទូលបង្គំសុំឱ្យទ្រង់បានបើកភ្នែក ត្រចៀក ដួងចិត្ត គំនិតរបស់ទូលបង្គំចំពោះចក្ខុវិស័យរបស់ទ្រង់ ដើម្បីទូលបង្គំអាចរស់នៅព្រះហឬទ័យរបស់ទ្រង់។ សូមដកនូវរាល់អ្វីៗ ដែលរារាំងទូលបង្គំ មិនអោយយល់ពីចក្ខុវិស័យរបស់ទ្រង់។ ទូលបង្គំអធិស្ឋាន សូមអោយទ្រង់បានឱ្យយើងកាន់តែជិតទ្រង់។ ទូលបង្គំអធិស្ឋានក្នុងព្រះនាមព្រះយេស៊ូវ អាម៉ែន។

តើអ្នកប្រឈមមុខនឹងភាពអត់ការងារធ្វើមែនទេ?

Mon, 08 Apr 2024 12:57:53 GMT

តើអ្នកប្រឈមមុខនឹងភាពអត់ការងារធ្វើមែនទេ?

ការងារល្អ គឺជាអ្វីដែលមនុស្សគ្រប់គ្នាចង់បាន។ អ្នកខ្លះចង់បានការងារនៅក្នុងក្តីស្រមៃរបស់ខ្លួន អ្នកខ្លះទៀតធ្វើការដើម្បីបំពេញតម្រូវការរបស់គ្រួសារ។ ប៉ុន្តែនៅពេលដែលយើងបរាជ័យនៅក្នុងការស្វែងរកការងារ វាធ្វើអោយយើងមានអារម្មណ៍តានតឹង។ យើងមានគំនិតផ្សេងៗពីគ្នា។ ហើយយើងឆាប់មានអារម្មណ៍ខកចិត្ត។ ប៉ុន្តែសូមអោយខ្ញុំបានប្រាប់លោកអ្នកបន្តិចថា ទោះបីស្ថិតនៅក្នុងកាលៈទេសៈណាក៏ដោយ យើងអាចស្វែងរកឃើញនូវការកំសាន្តចិត្ត និងសេចក្តីសុខសាន្តនៅក្នុងព្រះបន្ទូលរបស់ព្រះយេស៊ូវគ្រីស្ទ និងដំណឹងល្អ។

មិនមានអ្វីដែលអ្នកអាចធ្វើបានសម្រាប់វា

កាលពីប៉ុន្មានឆ្នាំមុន នៅថ្ងៃនេះពេលដែលខ្ញុំបានបញ្ចប់ថ្នាក់អនុបណ្ឌិតរបស់ខ្ញុំ មានការងារជាច្រើនដែលកំពុងរង់ចាំខ្ញុំ ប៉ុន្តែនៅក្នុងភាពជាក់ស្តែងវាមានភាពខុសគ្នាខ្លាំងណាស់។ ខ្ញុំមិនអាចស្វែងរកការងារដែលខ្ញុំប្រាថ្នាចង់បាន បាននោះទេ នៅក្នុងសម័យនេះ។ ខ្ញុំចង់ផ្គត់ផ្គង់ដល់ក្រុមគ្រួសាររបស់ខ្ញុំ នៅពេលដែលខ្ញុំមិនអាចស្វែងរកការងារបានរយៈ ៣ឆ្នាំមកហើយ វាបានធ្វើអោយខ្ញុំមានអារម្មណ៍ថាតូចចិត្តខ្លាំងណាស់ ហើយបន្ទាប់មកខ្ញុំចាប់ផ្តើមធ្វើការងារតូចតាច។ ខ្ញុំថែមទាំងបង្ខំចិត្តធ្វើការងារហាត់ការ ដើម្បីអាចអោយខ្ញុំទទួលបានការងារល្អ។ ខ្ញុំពិតជាមានការខកចិត្តខ្លាំងណាស់ ប៉ុន្តែខ្ញុំក៏បានអធិស្ឋានទៅកាន់ព្រះ និងអានព្រះបន្ទូលរបស់ទ្រង់ នោះការស្កប់ចិត្តនឹងការងារក៏បានចាក់ចូលក្នុងដួងចិត្តរបស់ខ្ញុំ។

ខ្ញុំធ្លាប់បានទូលសុំដល់ព្រះ ដោយមិនដែលត្អូញត្អែរ ប៉ុន្តែនៅថ្ងៃមួយ ពេលដែលមិត្តភក្តិយើងបានជួបគ្នា ពួកគេក៏បានសួរដល់ខ្ញុំថា តើអ្នកកំពុងធ្វើការងារអ្វី សព្វថ្ងៃនេះ ខ្ញុំក៏បានឆ្លើយតបទៅកាន់ពួកគេថា ខ្ញុំកំពុងធ្វើការងារហាត់ការ ពួកគេក៏បាននិយាយដោយសើចចំអកមកកាន់ខ្ញុំថា «ប្រហែលជាមួយ ជីវិតគាត់ ត្រូវធ្វើការងារហាត់ការនោះរហូតហើយ»។ ថ្ងៃនោះជាថ្ងៃដែលខ្ញុំឈឺចាប់បំផុត ដែលខ្ញុំមិនអាចពិពណ៌នាបាន និងចែករំលែកដល់អ្នកផ្ទះរបស់ខ្ញុំ ព្រោះខ្ញុំពិតជាមានអារម្មណ៍អៀនខ្មាស់ខ្លាំងណាស់។ នៅពេលនោះ ខ្ញុំក៏បានរអ៊ូរទាំដល់ព្រះ អង្គអើយ ហេតុអ្វី? ហេតុអ្វីបានជារឿងនេះកើតឡើងចំពោះទូលបង្គំ? ខ្ញុំបានយំនៅចំពោះព្រះ ហើយប៉ុន្មានខែក្រោយមក ខ្ញុំក៏ស្ថិតនៅក្នុងស្ថានភាពដដែរ ប៉ុន្តែក្រោយមក ថ្ងៃមួយខ្ញុំបានចូលរួមកម្មវិធីសិក្ខាសាលាមួយស្តីអំពី «ដួងចិត្តរបស់ឪពុក» ពេលនោះហើយ ដែលព្រះបន្ទូលរបស់ព្រះបានមានបន្ទូលមកកាន់ខ្ញុំ តាមរយៈបុរសម្នាក់ «ចូរកុំភ័យខ្លាចឡើយ ហើយចូរស្មោះត្រង់នឹងយើងជានិច្ច» យើងនឹងលើកអ្នកឡើងនៅពេលកំណត់ «ចូរជឿដល់យើងចុះ» រំពេចនោះ ទឹកភ្នែករបស់ខ្ញុំក៏បានស្រក់ចុះ ហើយបន្ទាប់ពីថ្ងៃនោះមក ខ្ញុំមិនដែលគិតទាល់តែសោះថា ពាក្យទាំងនោះមានសរសេរនៅក្នុងព្រះគម្ពីរឡើយ!ម៉ាថាយ ៦:២៧-២៨ «ចុះនៅក្នុងពួកអ្នករាល់គ្នា តើមានអ្នកឯណាដែលអាចនឹងបន្ថែមកំពស់ខ្លួន១ហត្ថ ដោយសារសេចក្តីខ្វល់ខ្វាយបានឬទេ?» ហើយពីដំណើរសំលៀកបំពាក់ តើអ្នករាល់គ្នាខំខ្វល់ខ្វាយធ្វើអ្វី ចូររំពឹងគិតតែពីផ្កាឈូកនៅក្នុងបឹង ដែលវាដុះជាយ៉ាងដូចម្តេច គឺវាមិននឿយហត់នឹងធ្វើការ ឬស្រាវរវៃទេ។

អនាគតរបស់យើងគឺស្ថិតនៅក្នុងព្រះហស្ថរបស់ព្រះ

យេរេមា ២៩:១១-១៣ ដ្បិតព្រះយេហូវ៉ាទ្រង់មានព្រះបន្ទូលថា អញស្គាល់សេចក្តីដែលអញគិតពីដំណើរឯងរាល់គ្នា មិនមែនគិតធ្វើសេចក្តីអាក្រក់ទេ គឺគិតឲ្យបានសេចក្តីសុខវិញ ដើម្បីដល់ចុងបំផុត ឲ្យឯងរាល់គ្នាបានសេចក្តីសង្ឃឹម នោះឯងរាល់គ្នានឹងអំពាវនាវដល់អញ ហើយនឹងទៅអធិស្ឋានដល់អញ រួចអញនឹងយល់ព្រមតាម ឯងរាល់គ្នានឹងស្វែងរកអញ ហើយនឹងឃើញផង គឺកាលណាឯងស្វែងរកអញឲ្យអស់អំពីចិត្ត

ការអធិស្ឋាន

ឱព្រះអម្ចាស់ ទូលបង្គំសូមអរព្រះគុណទ្រង់ ដែលទ្រង់យកព្រះទ័យទុកដាក់ចំពោះទូលបង្គំ និងផ្គត់ផ្គង់រាល់ទាំងតម្រូវការរបស់ទូលបង្គំ។ ហើយទ្រង់ក៏បានបំពេញតម្រូវការការងារដល់ទូលបង្គំ។ គឺដោយព្រះគុណដែលទូលបង្គំមានជំនឿរឹងមាំ ហើយមិនដែលរង្គើរឡើយ។ ទូលបង្គំអធិស្ឋាននៅក្នុងព្រះនាមព្រះយេស៊ូវគ្រីស្ទ។

តើលោកអ្នកកំពុងស្វែងក្តីស្រលាញ់ដ៏ពិតមែនទេ?

Mon, 08 Apr 2024 05:05:03 GMT

តើលោកអ្នកកំពុងស្វែងក្តីស្រលាញ់ដ៏ពិតមែនទេ?

ក្តីស្រលាញ់គឺជារឿងដ៏អស្ចារ្យ ជាអារម្មណ៍ដ៏ស្រស់ថ្លា។ មនុស្សដែលពេញចិត្តនៅក្នុងទំនាក់ទំនងស្នេហារបស់ពួកគេ។ ជាក្តីស្រលាញ់ដំបូងដែលកូនៗទទួលបានពីឪពុកម្តាយ ហើយក្រោយមកពួកគេក៏ធំធាត់ឡើង ហើយចេះស្រលាញ់ដល់មិត្តភក្តិរបស់ពួកគេ។ ទំនាក់ទំនងក្តីស្រលាញ់ ពិតជាមានភាពស្រស់ស្អាតនៅជុំវិញខ្លួនរបស់ពួកគេ។ នៅពេលពេញវ័យ ពួកគេរកឃើញនូវក្តីស្រលាញ់ខុសៗគ្នា ដែលមានអារម្មណ៍ខុសៗគ្នា ដែលត្រូវបានគេហៅថា «ក្តីស្រលាញ់»។

ប៉ុន្តែក្តីស្រលាញ់ទាំងអស់នោះ មិនស្ថិតស្ថេរនោះទេ។

នៅពេលដែលឪពុកម្តាយរបស់អ្នក លាចាកពីលោកនេះទៅ នោះលោកអ្នកនឹងបាត់បង់សេចក្តីស្រលាញ់របស់ពួកគេ។ នៅពេលដែលមិត្តភ័ក្តិ ឬសាច់ញាតិឃ្លាតឆ្ងាយពីលោកអ្នក លោកអ្នកនឹងបាត់បង់ក្តីស្រលាញ់នោះ។ នៅពេលដែលលោកអ្នក អោយនិយមន័យក្តីស្រលាញ់ទាំងនោះ សម្រាប់នរណាម្នាក់ថាជាក្តីស្រលាញ់ លោកអ្នកត្រូវតែបំពេញវា ដើម្បីទទួលបានវា។ តើលោកអ្នកកំពុងស្វែងរកក្តីស្រលាញ់ដែលអាចផ្តល់ជូនដល់លោកអ្នក នូវសេចក្តីសុខសាន្ត និងការស្កប់ចិត្តមែនទេ? ដែលជាក្តីស្រលាញ់ដែលអាចរំដោះលោកអ្នកអោយមានសេរីភាព។ យើងនឹងអានជាមួយគ្នាអំពីក្តីស្រលាញ់នោះនៅក្នុង ព្រះគម្ពីរ និង ដំណឹងល្អជាមួយគ្នា។

ក្តីស្រលាញ់ដ៏ពិត

ព្រះគម្ពីរដំណឹងល្អ យ៉ូហាន ៣:១៦ បិតព្រះទ្រង់ស្រឡាញ់មនុស្សលោក ដល់ម៉្លេះបានជាទ្រង់ប្រទានព្រះរាជបុត្រាទ្រង់តែ១ ដើម្បីឲ្យអ្នកណាដែលជឿដល់ព្រះរាជបុត្រានោះ មិនត្រូវវិនាសឡើយ គឺឲ្យមានជីវិតអស់កល្បជានិច្ចវិញ។នេះគឺជាក្តីស្រលាញ់ដ៏ពិត ដែលព្រះមានចំពោះមនុស្សគ្រប់គ្នា។ លោកអ្នកមិនចាំបាច់ ខិតខំធ្វើអ្វីមួយ ដើម្បីទទួលបានក្តីស្រលាញ់របស់ព្រះនោះឡើយ។ ព្រះជាម្ចាស់ទទួលយកអ្នកជាអ្នក។ ដោយសារព្រះលោហិតរបស់ព្រះយេស៊ូវគ្រីស្ទ ដែលបានបង្ហូរនៅលើឈើឆ្កាង គឺសម្រាប់សង្គ្រោះមនុស្សទាំងអស់។ នៅពេលដែលលោកអ្នកទទួលយកក្តីស្រលាញ់របស់ព្រះយេស៊ូវគ្រីស្ទដាក់នៅក្នុងជីវិតរបស់លោកអ្នក នោះជីវិតរបស់លោកអ្នក នឹងផ្លាស់ប្តូរ។ ក្តីសង្ឃឹមថ្មី នឹងហូរចូលមកក្នុងជីវិតរបស់លោកអ្នក។ លោកអ្នកនឹងមានអារម្មណ៍ថាមានសេរីភាព។ លោកអ្នកនឹងមានអារម្មណ៍ថាផ្លាស់ប្តូរ ដោយសារសេចក្តីស្រលាញ់របស់ព្រះយេស៊ូវ ហើយមិនដែលផុតឡើយ។ ពេលខ្លះប្រហែលជាលោកអ្នកមិនស្មោះត្រង់ ប៉ុន្តែព្រះយេស៊ូវទ្រង់ស្មោះត្រង់ជានិច្ច។ សូមអោយសេចក្តីស្រលាញ់ដ៏ពិតរបស់ព្រះយេស៊ូវបានហូរចូលមកក្នុងជីវិតរបស់លោកអ្នក។

សេចក្តីអធិស្ឋាន

ឱព្រះយេស៊ូវអើយ ទូលបង្គំសូមអរព្រះគុណទ្រង់ដែលទ្រង់បានស្រឡាញ់ទូលបង្គំ។ ទូលបង្គំសុំអោយសេចក្តីស្រលាញ់នេះមានពេញក្នុងជីវិតរបស់ទូលបង្គំ។ ទូលបង្គំសូមប្រគល់ដួងចិត្តរបស់ទូលបង្គំដល់ទ្រង់។ ទូលបង្គំចង់បានសេចក្តីស្រលាញ់របស់ទ្រង់ដាក់ក្នុងជីវិតទូលបង្គំ។ អាមែន!

ការហត់នឿយនឹងភាពបរាជ័យ

Mon, 08 Apr 2024 04:56:59 GMT

ការហត់នឿយនឹងភាពបរាជ័យ

តើលោកអ្នកកំពុងហត់នឿយនៅក្នុងភាពបរាជ័យមែនទេ? ប្រហែលជាលោកអ្នកបរាជ័យនៅក្នុងការសម្រេចគោលដៅជីវិតរបស់លោកអ្នក ឬមិនបានទទួលជោគជ័យដូចអ្វីដែលលោកអ្នកប៉ងប្រាថ្នា។ ឬលោកអ្នកប្រហែលជាបរាជ័យនៅក្នុងការបញ្ចប់ការសិក្សារបសើលោកអ្នក។គ្រប់ពេលដែលលោកអ្នកបរាជ័យ ព្រះយេស៊ូវតែងតែគង់នៅជាមួយនឹងលោកអ្នកជានិច្ច។

លោកអ្នកប្រហែលជាគិតថាហេតុអ្វីបានជារឿងបរាជ័យនេះកើតឡើងចំពោះលោកអ្នក ប៉ុន្តែព្រះយេស៊ូវគ្រីស្ទទ្រង់នៅតែស្មោះត្រង់។ក្រោកឡើងហើយដើរទៅមុខបន្ត(យេរេមា ៨:៤) «កាលណាមនុស្សដួល តើគេមិនក្រោកទេ? ពេលណាម្នាក់បែរទៅវិញ តើមិនត្រឡប់មកវិញទេ?»

អ្នកមិនចាំបាច់ទទួលយកការបរាជ័យទេ ផ្ទុយទៅវិញអ្នកត្រូវតែក្រោកឡើង ហើយព្យាយាមម្តងទៀត។ កុំបណ្តោយឱ្យគំនិតអវិជ្ជមានចូលមកក្នុងចិត្ត។
រៀនពីកំហុសរបស់អ្នកទំនុកតម្កើង ១១៩:៧១ «ការដែលទូលបង្គំកើតមានទុក្ខព្រួយ នោះគឺជាប្រយោជន៍ដល់ទូលបង្គំហើយ ដើម្បីឲ្យទូលបង្គំបានរៀនយកបញ្ញត្តរបស់ទ្រង់»។ពេលដែលលោកអ្នកជួបនឹងការបរាជ័យ វាពិតជាលំបាកខ្លាំងណាស់។ ទោះបីព្រះជាម្ចាស់មិនបណ្តោយអោយយើងបរាជ័យក៏ដោយ តែទ្រង់សព្វព្រះហឬទ័យបង្រៀនយើង តាមរយៈការបរាជ័យ វានឹងធ្វើអោយយើងកាន់តែរឹងមាំ។

ប្រសិនបើភាពបរាជ័យធ្វើអោយយើងបែរត្រលប់មកព្រ និងដើរតាមផ្លូវរបស់ទ្រង់វិញ នោះយើងកំពុងប្រែក្លាយការបរាជ័យ ទៅជាជោគជ័យវិញ។ចូរទុកចិត្តព្រះឲ្យអស់ពីចិត្តព្រះគម្ពីរបានចែងថា សុភាសិត ៣:៥-៦ ចូរទីពឹងដល់ព្រះយេហូវ៉ាឲ្យអស់អំពីចិត្ត កុំឲ្យពឹងផ្អែកលើយោបល់របស់ខ្លួនឡើយ ត្រូវឲ្យទទួលស្គាល់ទ្រង់នៅគ្រប់ទាំងផ្លូវឯងចុះ នោះទ្រង់នឹងដំរង់អស់ទាំងផ្លូវច្រករបស់ឯង។ចូរទុកចិត្តដល់ព្រះជាម្ចាស់ថាទ្រង់នឹងដឹកនាំលោកអ្នក។ ប្រសិនបើផ្លូវនោះមានប្រយោជន៍សម្រាប់លោកអ្នក នោះទ្រង់នឹងបើកទ្វារនោះសម្រាប់លោកអ្នក។

ប្រសិនបើព្រះជាម្ចាស់ទ្រង់មិនបើកទ្វារនោះសម្រាប់អ្នកទេ នោះមានន័យថា មានទ្វារមួយផ្សេងទៀតដែលល្អប្រសើរសម្រាប់លោកអ្នក។ ម្យ៉ាងទៀត ប្រសិនបើយើងចុះចូលជាមួយនឹងព្រះ នោះទ្រង់នឹងដកចេញនូវរាល់ឧបសគ្គ និងធ្វើអោយផ្លូវរបស់លោកអ្នកកាន់តែច្បាស់។

ការអធិស្ឋាន

ឱព្រះជាម្ចាស់អើយ សូមទ្រង់ប្រទានសេចក្តីក្លាហានដល់ទូលបង្គំ ដើម្បីកុំឱ្យទូលបង្គំទទួលការបរាជ័យ ហើយសូមទ្រង់ប្រទានសេចក្តីជំនឿដល់ទូលបង្គំ ដើម្បីអោយទូលបង្គំទុកចិត្ដព្រះអង្គ ។ សូមប្រទានភាពក្លាហានដល់ទូលបង្គំ ដើម្បីអោយទូលបង្គំក្រោកឡើង សម្រេចគោលដៅ អាមែន។

ដិតដាមនឹងហេតុការណ៍ដ៏អាក្រក់

ពេលអ្នកប្រឈមនឹងបរាជ័យ

ពេលអ្នកប្រឈមមុខនឹងបរាជ័យ

ដិតដាមនឹងហេតុការណ៍ដ៏អាក្រក់

ដិតដាមនឹងហេតុការណ៍ដ៏អាក្រក់

ព្រះជាម្ចាស់ទ្រង់ជាព្រះដែលកំសាន្តចិត្តលោកអ្នក

ថ្វាយរាល់ទាំងបន្ទុកទាំងអស់ដល់ព្រះជាម្ចាស់​

សេចក្តីអធិស្ឋាន

ការអធិស្ឋានគឺជាអាវុធដ៏ខ្លាំងពូកែ

ការអធិស្ឋានជាអាវុធដ៏ខ្លាំងពូកែ

របៀបអធិស្ឋានពេលជួបបញ្ហា

របៀបអធិស្ឋានពេលជួបបញ្ហា

ដកកំហឹងចេញ

តើធ្វើដូចម្តេចដើម្បីកម្ចាត់ការខឹងសម្បាររបស់យើងបាន

១. ឈប់គិតអំពីការសងសឹក

២. ដោះលែងខ្លួនអ្នកដោយការអត់ទោសឱ្យអ្នកដទៃ

សេចក្តីអធិស្ឋាន

ផលវិបាកនៃកំហឹង

ផលវិបាកនៃកំហឹង

១. តើអ្វី​ទៅ​ជា​កំហឹង?

២. ការដកយកកំហឹង

៣. ព្រះជាម្ចាស់អាចជួយលោកអ្នកបាន

៤. សេចក្តីអធិស្ឋាន

ស្វែងរកសេចក្តីសុខសាន្ត

ស្វែងរកសេចក្តីសុខសាន្ត

១. ការស្កប់ចិត្តនៅក្នុងព្រះយេស៊ូវ

២. សេចក្តីអធិស្ឋាន

គ្រោះថ្នាក់នៃកំហឹងនៅក្នុងទំនាក់ទំនងរបស់មនុស្ស

គ្រោះថ្នាក់នៃកំហឹងនៅក្នុងទំនាក់ទំនងរបស់មនុស្ស

១. លោកអ្នកត្រូវតែចេះគ្រប់គ្រងកំហឹង

២. រៀនអត់ទោស

៣. សេចក្តីអធិស្ឋាន

ការអត់ទោសដ៏គ្មានលក្ខណ្ឌ

ការអត់ទោសដ៏គ្មានលក្ខណ្ឌ

១. ការអត់ទោសគឺជាអំណោយមកពីព្រះ

២. ចូរអត់ទោសដល់អ្នកដែលធ្វើអោយអ្នកឈឺចាប់ដូចគ្នា

៣. សេចក្តីអធិស្ឋាន

តើខ្ញុំអាចអត់ទោសអោយខ្លួនឯងដោយរបៀបណា?

តើខ្ញុំអាចអត់ទោសអោយខ្លួនឯងដោយរបៀបណា?

សេចក្តីផ្តើម

១. លទ្ធផលដ៏នៃអំពើបាបរបស់យើង គឺការជំនុំជំរះ និងសេចក្តីស្លាប់

២. ព្រះបានបង្កើតផែនការមួយដើម្បីអត់ទោសឱ្យយើង

៣. ព្រះជាម្ចាស់បានអត់ទោសឱ្យយើង (ទាំងស្រុង!) ដោយសារតែការសុគតនិងការរស់ឡើងវិញរបស់ព្រះយេស៊ូវ

៤. ដូចដែលព្រះជាម្ចាស់បានអត់ទោសអោយយើង នោះយើងត្រូវអត់ទោសអោយខ្លួនឯង

ការអធិស្ឋាន៖

ព្យាបាលស្នាមរបួសអតីតកាល

ព្យាបាលស្នាមរបួសអតីតកាល

ព្រះយេស៊ូវគ្រីស្ទទ្រង់ជាគ្រូពេទ្យព្យាបាល

លន់តួអំពើបាបរបស់លោកអ្នក

សេចក្តីអធិស្ឋាន

ស្វែងរកសេចក្តីសុខសាន្តក្នុងពេលថប់បារម្ភ

ការអធិស្ឋានអាចផ្លាស់ប្តូរស្ថានភាពរបស់យើង

ព្រះទ្រង់អាចស្ដារលោកអ្នកឡើងវិញបាន

សេចក្តីអធិស្ឋាន

ឈប់គិតថាគ្មានអ្នកណាស្រឡាញ់លោកអ្នកទៀតឡើយ

ការជ្រើសរើសអនាគតដ៏ត្រឹមត្រូវ

ស្គាល់អំពីបំណងព្រះហឬទ័យរបស់ព្រះ

​ស្ដាប់​ព្រះ​សូរសៀង​​ព្រះអម្ចាស់

សេចក្តីអធិស្ឋាន

ខ្ញុំមានអារម្មណ៍ធ្លាក់ទឹកចិត្ត

សេចក្តីអធិស្ឋាន

ការដោះស្រាយភាពថប់បារម្ភ

សេចក្តីណែនាំ

ថ្វាយការថប់បារម្ភរបស់លោកអ្នកដល់ព្រះ

ព្រះទ្រង់គង់ជាមួយនឹងលោកអ្នកជានិច្ច

សេចក្តីអធិស្ឋាន

តើយើងអាចយកឈ្នះអំពើបាបបានដោយរបៀបណា?

ពង្រឹងទំនាក់ទំនងអាពាហ៍ពិពាហ៍

ការលែងលះ

សុំការអត់ទោស

ប្រាំជំហានយកឈ្នះភាពថប់បារម្ភ

ការចេះអត់ទោសនៅក្នុងទំនាក់ទំនងអាពាហ៍ពិពាហ៍

ចូរវិលត្រឡប់មកឯព្រះយេស៊ូវគ្រីស្ទវិញ

តើអ្វីទៅជាដំណឹងល្អ?

តើលោកអ្នកកំពុងប្រឈមមុខនឹងអារម្មណ៍ខូចចិត្តមែនទេ?

ដំណោះស្រាយសម្រាប់ភាពអស់សង្ឃឹម

អធិស្ឋាន​សម្រាប់ទំនាក់ទំនងរឹងមាំ

ការអធិស្ឋានសម្រាប់ទំនាក់ទំនងដ៏រឹងមាំ

ដំណោះស្រាយចំពោះភាពឯកា

តើនឹងមានអ្វីកើតឡើងនៅពេលយើងស្លាប់ទៅ?

ថ្វាយរាល់ទាំងបន្ទុកទាំងអស់ដល់ព្រះជាម្ចាស់

១. តើអ្វីទៅជាកំហឹង?

ស្ដាប់ព្រះសូរសៀងព្រះអម្ចាស់

អធិស្ឋានសម្រាប់ទំនាក់ទំនងរឹងមាំ